وصول سلعتي من technoudiscount مع مفاجاة من العيار الثكيل خخخخ

[3ab2ou]

السلام عليكم

للاسف اول تجربة شراء لم تنجح من موقع technoudiscount اشتريت ساعة و فلاش ديسك و خلصت ثمن الشحن ووصلت الطرد فشهر بالتمام شحنت يوم 13 ماي وصلت يوم 13 جوان و لكن للاسف وصل الطرد فارغ خخخخ مفيه لفلاش ديسلك لا ساعة
و لقيت الطرد مفتوح على مرتين رحت زعما عند مدير البوسطا حكيتلو حكايتي قالي حنا مزلنا مقريناش عليها هادي يوصل الطرد فارغ و سنييت التما بلي موصلني والو مدير البوسطا ول يحاول فيا و الله جبد 2000 دج و قالي هاك في حق مراحولك و نوعدك بلي نجيبلك الخبر تاع السلعة تاعك ...كنت رايح نديهم و الله بصح قلت منكونش طماع و اللي جات هاديك هي
و هده صور الطرد و هو فارغ خخخخ







اخر محاولة نشوف معا الموقع كاش واحد يعف لونجلي مليح يديرلي رسالة بلي وصل الطرد فارغ و شكرا

[$YaSsInE.Dz£]

السلام عليكم

خويا مادام رسلولك من الموقع كونك هاني 100/100 بلي رسلولك سلعتك

سلعتك راهي داوها اصحاب الجمارك ولا المدير لي راك تهدر عليه

انت وين شفت مدير يمد لواحد 2000 دج باطل ................ ؟؟؟؟؟؟؟؟؟؟؟

بالنسبة كبيرة المدير يكون داهم
او الجمارك
و الموقع مضمون و ماهمش هوما لي بعثولك الطرد فارغ

و ربي يعوضك
واش باغي تدير بلاد ميكي بلادي تاع تيكي

[1ameur]

غريب والله......الله يعوضك اخي

[almania11]

أخي$YaSsInE.Dz£ هل أرسلت طيبة أبلود لك المبلغ إن لم ترسل فترك رد لكي أبدأ العمل في موقع آخر

[$YaSsInE.Dz£]

المشاركة الأصلية كتبت بواسطة almania11

أخي$yassine.dz£ هل أرسلت طيبة أبلود لك المبلغ إن لم ترسل فترك رد لكي أبدأ العمل في موقع آخر

السلام لم ترسلي شيئ للاسف
لم استقبل أي سنت

[bma034]

أه يالبلاد يالبلاد
إنشاله تفرا ياأخي

[almania11]

شكرا لك أخي و آسف على إزعاجك سأعمل في شركة أخرى وخلاص

[3ab2ou]

و الله صح بلاك هو اللي داهم خطاكش كدخلت معا الاول قالي حنا ميوصلوناش الطرود مفتوحين و انا لقيتو بيدي مفتوح و زعما راح يعطيني 2000 دج علابالو بلي منحكمهاش عليه ...المهم انا منظنش السوء بيه بلاك هو يدير فالخير برك ..المهم هدا مكتوبها و 12 دولار معندها مديرلي انا

["محمّد"]

الله يعوضك

[FLAY]

الله يعوضك اخي

[love Dz]

خويا كفانا حركات صبيانية

راه وصلوك علاه دير في مقالب

هذي حكاية طرد مفتوح و مير عطاك 200 الف

غير بركا بلا كذب

راك تخوف في ناس هكا خو

+

شريت 4 مرات دائما توصل نهار 16 في شهر وصلتلي ساعة

+

اني نستنى في هاتف و يوم راح نشري منو هاتف جديد

[amago]

ربي يعوضك أخي
أنا إشتريت ساعة من ebay و وصل الطرد مفتوح بالفعل و لم أنتبه حتى وصلت إلى المنزل و لما وجدت أنه لم يسرق شيء لم أرجع إليهم
و لكن كانت تجربة مفيدة يعني من الأفضل عند شراء أشياء غالية الثمن إرسالها إلى أحد الأقارب في فرنسا و هوما يجيبوهالك خير

[الجزائـــ جمال الدين ـــري]

ربي يعوض خوي

أنت على الأقل وصلاتك رسالة خاوية, أنا ما وصلني والو, خلاوني معلق ههه
لا أعرف إدا كان سيصل أم لا, احتمالان إما أخده أحدهم أو تأخر بسبب الإضراب
25/04/2011 Shipped
قلت نزيد ننتظر أسبوع ثم أطلب من الموقع يرسل لي السلعة مرة أخرى
الشيء الأكيد هو أني لن أشتري مجددا ههه

[3ab2ou]

love Dz
ربي يهديك يا وحد الكافي ...علاه تشوف فيا فارغ شغل اللي نخوف فالناس

[نبيل ناوي]

المهم اخي سلامة راسك وهاذي تجربة مليحة وأنا نظن داهالك هذاك المدير ولا واحد يخدم عندو ... ماي راسلهم وشوف ونظن الموقع صادق ولا يحتاج إلى دليل ... موفق أخي الكريم