ادخلو تعيشووو منعرف والو

[arbkhay]

سلام واش راكم ؟؟؟؟؟؟؟

انا منعرفش نطيب كامل منعرف والو وراني حابة نتعلم مي قولو


بواش نبدا نتعلم اعطوني ماكلة تكون ساهلة نديرها ولا اي حاجة المهم نتعلم تعيشو اخواتي

[tita_gas]

ابداي بالحليب و القهوة ثم انتقلي الى البيض ( مقلي-مسلوق ..) ثم البطاطا ( مقلية - في الفرن - مسلوقة - مهرووسة .............) وهكذا
واذا اردت اية مساعدة نحن هنا

[arbkhay]

المشاركة الأصلية كتبت بواسطة tita_gas

ابداي بالحليب و القهوة ثم انتقلي الى البيض ( مقلي-مسلوق ..) ثم البطاطا ( مقلية - في الفرن - مسلوقة - مهرووسة .............) وهكذا
واذا اردت اية مساعدة نحن هنا

شكرااااااااااا اختي الله يخليك ميرسي هدو كامل نعرفهم البيض مضاري يلصقلي في لمقلة وينحرقلي

[arbkhay]

اعطيني تاع بطاطا وصفة تكون ساهلة في لماقادير توعها انديرها في لكوووووووشة

[zoubidaas]

تاع البطاطا في الكوشة اسمها الغراتان

[arbkhay]

المشاركة الأصلية كتبت بواسطة zoubidaas

تاع البطاطا في الكوشة اسمها الغراتان

منعرفهاش اختي تعيشي علميني شوية

[عاشقة برشلونة]

اسفة حنونتي ياسمين والله راني كيفك منعرف والو

[*بيتي مملكتي*]

عزيزتي أنا راح نعطيلك بعض التفاصيل المهمة لإنجاز المرق مثلا كما أفعل في مطبخي

بالنسبة للمرق الأبيض هذه مكوناته:

حبة بصل متوسطة مفرومة-2سنينات ثوم مفرومين-2 أو 3ملاعق أكل زيت-نصف ملعقة صغيرة فلفل أسود مطحون-نصف ملعقة صغيرة كسبرة يابسة مرحية-نصف ملعقة صغيرة كركم(بإمكانك الإستغناء عنه لكنه يبنن المرق الأبيض) -نصف ملعقة صغيرة ملح-فنجان ماء-و اللحم سواء أبيض أو أحمر ( اللحم ضروري للمرق الأبيض)

هناك من يفضل إضافة القرفة في المرق الأبيض لكن أنا ما نحبهاش في الأكل

ضعي الكل على نار متوسطة يتقلاو مع التقليب بين الحين و الآخر حتى يذبل البصل جيدا ثم اضيفي الماء حسب حاجتك

هذه المرق أطهو فيها الجلبانة مع القرنون- اللوبيا الخضرا mange tout .-.الكسكسي- طاجين الزيتون مع كريات اللحم المرحي-الكفتة بصح ما نديرلهاش الماء بزاف- مرق بطاطا و خضر.........إلخ


أما المرق الأحمر:

له نفس مكونات المرق الأبيض لكن في مكان الفلفل الأسود و الكركم نضع ملعقة صغيرة راس الحانوت ( و غذا ماعندكش حطي في مكانو الفلفل الأسود) و الثوم نعمل 3سنينات بالإضافة إلى 2حبات طماطم مرحية و 2 أو 3ملاعق أكل طماطم مصبرة

نعمل مع المكونات نفس طريقة المرق الأبيض

كذلك نعمل بيه الجلبانة و اللوبيا الخضرا و الكسكسي و الشخشوخة بأنواعها و الجواز و اللوبيا و العدس و الأرز و التليتلي و الكفتة و ..................................


إذا جاك المرق ناقصو ملح ضفيلو شوية

المهم إنك أولا تتعلمي أساسيات الطبخ

راح نحاول نتابع معاك و نعطيك بعض النصائح

[*بيتي مملكتي*]

إذا كان ما عندكش اللحم أعملي مرق أحمر و ضيفيلو حبة جمبو بصح ما تديريش الملح حتان تدوقي المرق لأن جمبو مالح

[3arbia200]

ساأعطيك وصفة ساهلة وتستطعين تحضريها
قطعي البطاطة دوائر وضعي الملح حسب الضوقك ثم قليها وبعد ذلكحضري البشمال 50غ مرقارين +قرص ملح+حرور ضعيهم فوق النار وعندم دوب المرقرين ضيفي 3ملاعق فرينة ثم افرغي على الخليط 1لتر من الحليب مع الجبن حسب ذوقك وحركيها حتى تتقل وبعد ذلك ضعي البطاطة في سنية القراتا وافرغي الخليط الذي حضرتيه تاع البشمال ثم ادخليها الي الفرن وشهي طيبة جربيها وستجيدنها لذيد جدا فانكي لاتستطعين الوقف عن الاكل

[خولة1995]

والله يليق نديرو لي كور

[zoubidaas]

المشاركة الأصلية كتبت بواسطة arbkhay

منعرفهاش اختي تعيشي علميني شوية

شوفي ضرك نعلمك طريقة الغراتان اي البطاطا في الفور على طريقتي
اولا قطعي البطاطا دوائر وضعيها جانبا ثم خذي القرعة وقطعيها دوائر واقليها وخذي المول خاص بالكوشة وادهنيه بالزيت ثم ضعي طبقة من البطاطا وفوقها فرماج رابي ثم فوقها طبقة من القرعة ثم فرماج رابي ثم بطاطا ثم الفرماج ثم القرعة ثم الفرماج ثم البطاطا ثم الفرماج وبعدها ضربي 5 بيضات واسكبيهم فوق البطاطا والقرعة ثم غطيها بالحليب وضعي فوقها الفرماج رابي ثم ادخليها الفرن حتى تشرب كل الحليب وتصبح جامدة ولونها ذهبي وشهية طيبة

[3arbia200]

يااختاه يقول المثل خسرت العجين ولا خسارت اليدين يجب ان جرب كل شي لكى تنجحي ولا تياسي عندما لاتنجح الوصفة كرريها عدة مرات حتى تتفوقي

[zoubidaas]

عند الحق اختي عربية

[arbkhay]

المشاركة الأصلية كتبت بواسطة عاشقة برشلونة

اسفة حنونتي ياسمين والله راني كيفك منعرف والو

معليش منااااااااال مرسي علي لمرور بصح لازم نتعلموو