مساعدة

[صهيب 8]

ان أم صهيب اريد من فضلكم طريقة تحضير معجون المشماش ارجو أن يكون الردسريع منفضلكم

[أمل العرب]

أختي الكريمة طريقتي هي كالتالي
1 كيلو مشماش اغسليه ونحيلو النواة وقطريه من الماء وحطيه في طنجرة ثقيلة وزيديلو 1كيلو سكر
بلا ماء....وخليه يطيب على نار قليلة وزيديلو مغرف عصير ليمون أو ارمي معاه قطعة ليمون
وخليه حتي يطيب وتشوفيه ثقل طفي عليه ...
ملاحظة 1.أنا منخليهش يبات فالسكر نديرو طول
2 كاين وحدة من عضوات المنتدى تقول ؟أنو كي تطيبي معاه النواة تجي البنة نتاعو خير....وأنا كي خدمتو البارح حطيت لعظام نتاوعو في شاش وطيبتهم,,,,

وربي يوفقك ,,,,ما تنسايناش من دعواتك الصالحة

[أم ياسين الزهراء]

انا نديرو بهذي الطريقة وهي فرنسية وناجحة

1 كيلو مشماش مغسول ومنحي النواة نزيدلو 700غ سكر ونبيتو ليلة كاملة وغدوة منذاك نصفي المشماش ونزيدلو شوي ماء برك ونطيب السكر وحدو حوالي 5د ومنبعد نرمي المشماش يزيد يطيب معاه ونواة المشماش اذا كانو حلوين وخليه يطيب وقبل ماطفي النار ارمي فيه شوي زبدة وكيطفي ديري شوي فانيل وبصحتك

[ام شرفو]

انا اعمل الطريقة الثانية و نزيدلو عصير الليمون فقط

[omo mazen]

واحد كيلو مشمش منزوع النوى
3/4 (ثلاث ارباع )كيلو سكر
عصير نصف ليمونة
طريقة صنع المربي :
1- يغسل المشمش جيدا و يجفف ثم تشق الواحدة نصفين و تنزع النواة ثم يوزن المشمش.
2- يوضع المشمش المقطعة في إناء من الصيني أو البلاستيك في طبقات متبادلة مع السكر اللازم حسب الوزن و يضاف لها عصير الليمون و تنقع لمدة حوالي ساعتين.
3- يوضع المشمش في إناء عمل المربى (حلة من النحاس السميك) ليس لها جوانب و ترفع على نار هادئة لمدة حوالي 25 دقيقة أي حتى يذوب السكر مع التقليب ثم تقوى النار.
4- ينزع الريم كلما ظهر و يستمر في تقليب المربى من وقت لآخر.
5- يختبر نضج المربى (يوضع قليل من المربى حوالي ملعقة شاي في طبق بارد من الصيني و تترك حتى تبرد فيلاحظ ظهور غشاء على سطحها و عند تمييل الطبق و عند إمرار الإصبع السبابة بخفة على سطحها نجد أنها جامدة) و عندئذ ترفع من على النار.
6- بعد رفعها من على النار تترك لتهدأ نوعا ما ثم تعبأ في البرطمانات النظيفة الجافة المعقمة الساخنة.
7- تغطى البرطمانات في الحال بعد التعبئة بشرط أن تملأ حتى الحافة و ذلك بوضع و رقة على فوهة البرطمان ثم تحفظ في مكان جيد التهوية حتى الاستعمال.

[صهيب 8]

نشكر كم جميعا وبارك الله فيكم أن ضننت أن كيلة مشماش +كيلةسكر+كيلة ماء معناه أنه يطيب غير في الماء تع المشماش

[ام شرفو]

الماء يسمط المربى

[نورة ز]

كيلو مشماش+كيلو سكر +1/2 قارس+لتر ماء
بعد ماتنزعي القلوب فوري المشمش وبعدها خلطي المقادير وخليه يطيب شوية وبالصحة