خذ العبرة ممن اكبر منك

messi2011 · 2011-05-20, 20:35

السلام عليكم

طلاب الغد .............
حنا في الثانوية جا عندنا وحد المفتش في علم النفس و اعطانا كيفاش تكون المراجعة

قالنا ........

الصباح تنوضو على 4:30 و مع الصلاة و الذكر جيبو 5:00 و من ثم تبداو الحفظ في مادة واحدة فقط (صافي حتى تكملوها باه تروحو لمادة اخرى ) حتى 8:00 و من بعد تريحو 30 دقيقة مع القهوة و قاع و من بعد تبداو في مادة اساسية تكون واعرة عليك شوي و تراجعها مع التمارين حتى 11:30 و من ثم الفطور و الراحة و نبداو في حصة اخرى و من الاحسن تكون مادة ادبية تتنافى تماما مع السابقة حتى00 :15 مثلا و نزيدو نرايحو مليح و من الاحسن الخروج للتنفس بعض الوقت في الخارج ثم نعود مع مادة اساسية تكون ساهلة عندك و تحبها و جيب بيها 19:00 ثم نتعشاو و نريحو باه نرجعو مع مادة ادبية اخرى نكملو بيها النهار

و دوك ان شاء الله تكونو استفدتم و انا حقيقة راني نخدم بيه و الحمد الله .... الموضوع راني كتبتو باصابع الذهبية

و ان شاء تكون في مزان حسناتي و الله ما اني بلغت..... لكن نطلب حاجة منكم و هي ادعولي

و ادعولنا كامل ننجحو إن شاء الله

aya93 · 2011-05-20, 20:40

شكــــــــــــــــــــــــــــــــــــــرا لك يعطيك واش تتمنى وانا راح نخدم بيها
وربي يوفقك ويوفقني في حفظ تاريخ وججغرافيا راهي مهبلتني
وجزاك الله كل خير

hossein · 2011-05-20, 21:42

لي معلومة مفيدة اخرى
من الاحسن ان تستهل في الصباح الدراسة باخر مادة قمت بدراستها في الليلة الفائتة لان العقل اثناء النوم يكون لا يزال يشتغل على اخر المعلومات المدروسة و هذا ما نشهده كثيرا عند الرياصيين حتى انهم قد يصابون بالارق رغم شدة النعاس