بكالوريا 2011 لكم جميعا ( موضوع مهم للجميع سوف يغيرك للأبد ) - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات التعليم الثانوي > قسم التعليم الثانوي العام > أرشيف منتديات التعليم الثانوي

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

بكالوريا 2011 لكم جميعا ( موضوع مهم للجميع سوف يغيرك للأبد )

 
 
أدوات الموضوع انواع عرض الموضوع
قديم 2011-04-30, 19:35   رقم المشاركة : 1
معلومات العضو
bicha 27
عضو مشارك
 
الصورة الرمزية bicha 27
 

 

 
إحصائية العضو










افتراضي بكالوريا 2011 لكم جميعا ( موضوع مهم للجميع سوف يغيرك للأبد )

السلام عليكم

و الحمد لله تحصلت على البكالوريا السنة الفارطة 2010 من شعبة لغات أجنبية بمعدل 13 و هو معدل لم أحصل عليه طوال دراسة 3 سنوات في الليسي ،، حبيت ندير هذا sujet على جالكم parce que بلاك تكونوا خايفيين شوية و surtou ما بقاش بزاف للباك 2011 إلا شهور معدودة و غدا أيام معدودة

انا شخصيا لم أتفطن و أفق من سبات اللهو و اللعب و الغياب كل وقت و في كل حصة إلا في 6 ماي 2010 صحوت و تذكرت أنه لدي شهادة بكالوريا و بقي شهر تماما و مجهز بعدد قليلة من الصفحات مكتوبة في الكراريس تع الفصل الأول و شوية من الفصل الثانية و حافظ 2 % من كل المواد الحفظية ---

في الحقيقة علابالي بالأساتذة تاوعكم راهم مشبعينكم بقلاوة و خرطي و انا هنا نقولهالكم ان شهادة البكالوريا gateau و مكان والوا صحيح ،، و surtou ما يخلعوكمش الناس لي نصيبوها من سبتمبر و هي تقرى و حافظة كلش و انتم مازالكم retard ، هذه ماكاش منها ga3 ، و انا شفت بزاف عباد هكذاك و نصهم يا جابوا الباك بـ 10 ولا طاحلهم 09 لخطرش forsaw بزاف علا روحهم في القرايا و صراهم ما نسميه ( إنهيار عصبي و ضغط كبير على الدماغ البشري لي مسكين jamais حاب القرايا ولا تعلم يحفظ بلخف ) إلا العباقرة لي مخدومين للقريا اداو 16 و 17 و 18

دليل الحصول على البكالوريا :

1. النية الصايفة و وضع الثقة في النفس أنك قادر بإذن الله تتحصل على هذه الشهادة بمعدل عالي و يجب دائما في الليل تتخيل روحك قبل ما ترقد جبت الباك كلي صح حتى يترسم هذا الأمر في عقلك ( هذه داخلة في psycologie) و تنحي الخوف و كيما يقول دحمان الله يرحموا ( قيس قبل ما تغيس ) اي العزيمة و متكونش إنسان فاشل في تخمامك

2.تنظيم الوقت و هو اهم شئ ، يعني دير جدول توقيت لي يساعدك و خاصة إبتعد عن les nuits blanchs ماكاش منهم قع ،، الحفاظة مع الصبح و الفهامة مع الهجارة و في الليل

3. الحفاظة شريعة ، تاريخ و جغرافيا (( الفهم ثم الفهم ثم الفهم باه تحفظ كيشغول كي الجرنان تفهم باه تترسخ هذه المعلومة في راسك اما بخصوص الشخصيات في التاريخ ماكالاه تحفظوا وينتا زادو و ماتوا ،، المهم واش داروا و شكون إكونوا .. جغرفيا ساهلة جدا ( دائرة نسبية و الأعمدة + تفهم علاش الو.م.أ فور في الإقتصاد هي جنوب شرق أسيا و إتحاد أوروبي ،،، الشريعة حفاظة و باينة

4.انا قريت شعبة لغات أجنبية arab fr eng et espagnol ... هذوا قع فهامة ،، و كل شئ متعلق بالـ text في الباك فهمتوا تخدم ما فهمتوش ما تخدمش mais إذا ما فهمتوش تقدر تفهم و تخدم في compréhension خاصة في ang ،، تعرف although , after , و تع if , unless يعني القواعد و تعرف شوية كلمات مفقودين و مقولات فلسفية باه ديرهم في التعبير و تخلع الشيخ لي يصححلك و كي تدي 10 ربي و رحمتوا كيشغول اضعف الإيمان

5. علوم ، فيزياء ، maths --> خاطيني و المات jamais قريتها و jamais درت في بالي نقراها ( كي نعرف الدراهم و نرد الصرف دنيا و ما فيها ) --> ما نقدر ناعطيكم حتى معلومة للأسف

6. الفلسفة ،، impossible تكون حفاظة محال ،، الفلسلفة فهامة و مليحة للإنسان لي يعرف يهدر و يحلل و يناقش ،، أفهموا واش راهو الدرس يهدر مثال : الحرية طاحت في الباك تعنا لمذا الإنسان حر ؟ سؤال بسيط الجواب انك تعرف تركب جمل فلسلفة و تعرف شوية مقولات تع سقراط و أفلاطون لخطرش إحبوهم بزاف لي إصحوا sujet تع الباك و يفهم بلي راك فاهم malgré انت أصلا المقولة ماراك فاهمة و اهم شئ إذا كان خطيك و ماكش كيفاه ( أعرف الطريقة كيفاه دير ( طرح الإشكال + التحليل + الخاتمة ) و يعطولك 04.5/20 في الباك و كي تكون حتى خرجت على sujet بكل ما معنى كلمة الخروج عن الموضوع) و المعامل 02 برك يعني تكارطونيها بالشريعة و لا بمادة معامل تعها عالي

07 .... نقطة مهمة جدا و هي حل مواضيع بكالوريا السنوات الماضية أقصد 2008 ـ 2009 ، 2010 باه تدي عقلية كيفاه دايرين لي sujet
مثال :
2 مواضيع تع 2008 + 2 تع 2009 + 2 تع 2010 يصبح عندكم لكي مادة 6 مواضيع و تجدونها في المنتدى مع الحلول لكل الشعب

و في الأخير أسف على الإطالة و إن شاء نكون درتلكم شوية courage و شوية 9alb ... و أكرر البكالوريا ماكان والوا ( شفت طلاب بزاف من المفترض يقراو في منظمة الأغبياء و الحمقة mais malgré tou جابوا قع الباك و الناس نخلعت فيهم علاش لخطرش داروا ثقة في الله قبل كل شئ و ثانيا في أنفسهم و إبتعدوا عن التفكير الفاشل و التفكير تع الضعفاء

ثقة في النفس + إرادة + تنظيم وقت + تواضع = مبروك عليك الباك

أخوكم إسلام و أسال الله تعالى التوفيق للجميع ( لا تنسونا من صالح دعائكم )

و هذا bonus هذا الموضوع كتبتوا العام لي فات avant ما نجوز الباك :

تقبوا تحياتي --
منقول للامانة









 


قديم 2011-04-30, 19:55   رقم المشاركة : 2
معلومات العضو
القارئ الجزائري2011
عضو نشيط
 
الصورة الرمزية القارئ الجزائري2011
 

 

 
إحصائية العضو










افتراضي

شكراااا على هذا التشجيع اخي
عندي سؤال ما هو التخصص الذي تدرسه الان في الجامعة
وشكراا لك مرة اخرى بالتوفيق ان شاء الله










قديم 2011-04-30, 20:21   رقم المشاركة : 3
معلومات العضو
som
عضو جديد
 
إحصائية العضو










Flower2

مشكوووووووووووووووووووووووووور :d










قديم 2011-05-01, 11:58   رقم المشاركة : 4
معلومات العضو
hamoo
عضو جديد
 
إحصائية العضو










افتراضي

مرسي انشاء الله النصيحة توصل










قديم 2011-05-01, 13:54   رقم المشاركة : 5
معلومات العضو
سنة4
عضو مميّز
 
الصورة الرمزية سنة4
 

 

 
إحصائية العضو










افتراضي

بارك الله فيك خويا على الموضوع القيم والله طلعلي المورال اخر كي قريت هاد الموضوع
وان شاء الله ربي ينجحنا ونطلعوا حنا تاني للجامعة بمعدلات هايلة
جزاك الله خيرااااااااااا
خيرك ماننساوهش خويا
الله يوفقك انت تاني في دراستك الجامعية وفي حياتك كامل
امييييييييييييييييييين اجمعيين










قديم 2011-05-01, 19:35   رقم المشاركة : 6
معلومات العضو
Nourhan93
عضو مشارك
 
إحصائية العضو










افتراضي

روعـــــــــــــــــــــــــــــــــــــــــــــــ ـــــــــــــــــــــــ’
الله يباك فيك
moral راهو طالع مليااااااااااااااااااااار










قديم 2011-05-10, 18:41   رقم المشاركة : 7
معلومات العضو
bicha 27
عضو مشارك
 
الصورة الرمزية bicha 27
 

 

 
إحصائية العضو










افتراضي

اقتباس:
المشاركة الأصلية كتبت بواسطة القارئ الجزائري2011 مشاهدة المشاركة
شكراااا على هذا التشجيع اخي
عندي سؤال ما هو التخصص الذي تدرسه الان في الجامعة
وشكراا لك مرة اخرى بالتوفيق ان شاء الله
لا شكر على واجب اخي....انا اختك
انا ادرس 2 ثانوي لغات
وهذا الموضوع نقلته لكم من عند واحد كان سيجتاز الباكلوريا
اتمنى لك النجاح









قديم 2011-05-10, 18:50   رقم المشاركة : 8
معلومات العضو
alaa0503
عضو محترف
 
الصورة الرمزية alaa0503
 

 

 
إحصائية العضو










افتراضي

مشكورة أختي على الجهد
أرجو لك التوفيق.










قديم 2011-05-11, 12:01   رقم المشاركة : 9
معلومات العضو
abdeand1
عضو جديد
 
الصورة الرمزية abdeand1
 

 

 
إحصائية العضو










افتراضي

مشكوووووووووووووووور أخي على الموضوع الرائع.......ننتضر جديدك...










قديم 2011-05-12, 09:28   رقم المشاركة : 10
معلومات العضو
ناريمان.ب
عضو مجتهـد
 
الصورة الرمزية ناريمان.ب
 

 

 
إحصائية العضو










افتراضي

بارك الله فيك اخي اسلام على هذه النصائح القيمة و على هذا الموضوع القيم
الله يوفقك انت تاني في دراستك الجامعية وفي حياتك المهنية
والله طلعتلي المورال بالتوفيق للجميع
وان شاء الله ربي ينجحنا كامل ونطلعوا حنا تاني للجامعة
امـــــــــــــــيـــــــــــــــــن اجــــــــــــــــمــــــــــــــــعــــــــــــــ ـيــــــــــــــن










 

الكلمات الدلالية (Tags)
...


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 22:36

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc