حلوى كول و اشكر من مطبخي

mimicha1977 · 2011-03-18, 10:00

سمعت مقولة انه قبل ان تنتقد تصرف ما عليك الا ان تجد له لبديل

و انا لا يعجبنى ان يلقى الناس ببقايا الخبز اوالخبز البايت فى القمامة و اليكم البديل

اولا يجب اننفهم ان الخبز رغم رخص ثمنه الا انه نعمة من عند الله و لا يجب ان نرميهاهكذا

قومى بتجميع بقايا الخبز يوما بعد يوم و ذلك بوضعها فى كيس بالفريزر

و بعد ان تتجمع عندك كمية .. قومىبتحميصها فى فرن هادىء الى ان يصبح لونها اصفر

احتفظى بفتات الخبز المحمص لحين الحاجة اليها انا جبتلكم حلوى سميتها كول و اشكر الله على النعمه

حلوى كول و اشكر

5بيض
كاس زبده دائبة او زيت
كاس و نصف سكر
كاس كوكاو مرحي
4ملاعق كاكاو
2خميرة
فانيليا
4كوؤس خبز محمص و مطحون
شكولاطه
شربات

في وعـآء كبير يخفق البيض مع السكر والفآنليلآ جيدآثم يضآف الزيت او زبدة ويخلط ثم يضآف الكآكآو +كوكاو +فاني ويخلط واخيرا يضاف الخبز المطحون و الخميره تتحصلي على خليط ثقيل ويخلط الكل
ثم يفرغ الخليط في قآلب مدهون بالزبدة ومرشوش بالفرينة
يدخل للفرن المسخن على 180° لمدة 25 الى 30د
حتى يطهى اخرجيه و اسقيه بالشربات اتركيه يتشرب لمدة 30د ويغطى بالشكولآ المذوبة ثقيل او ادهنيها بالكريم شانتي وزينها بالشكولآ

ملاحضة الخبز ضفيها تدريجيا حتى تشوفي بلي خليط تقيل
لانك ممكن تحتاجي اقل او اكثر من الكميه و هدا راجع لحجم البيض

هدا ثانيه عملتها فى قالب دائري بصراحه ليذوقها ميعرفش بلي بالخبز
انا ديما نعملها فى سهرات رمضان و كذلك تصلح للمناسبات

جربوها وردلي لخبر تحياتي

وداد100 · 2011-03-18, 10:33

نعم فكرة رائعة ارجو ضعى المقادير وان سبقت ووضعت عدة وصفات بالخبز اليابس ارجوكي اطلعي عليهم ورديلي اذا عجبوك شكرا لك

حب ربي*ملأ قلبي · 2011-03-18, 11:02

أختي نحتاج الوصفة ...ضروري قبل الظهر

بنت اولاد نايل · 2011-03-18, 11:04

يعطيك الصحة على الفكرة الرائعة
احنا مانشتري الخبز يوميا نعجنو خبز الدار
حطي لنا الوصفة وان شاء الله
نشري خبز ونيبسو ونحمصو

أمة الله17 · 2011-03-18, 11:05

[img]⁭[/img] شكرا لك على هذه الوصفة

رحيق الايمان · 2011-03-18, 11:06

يعطيك الصحة و بارك الله فيك انا تاني نلم في الخبز و نهرسو و نخبيه ندير بيه الطواجن و لا البسبوسة و للاسف ما نعرفش حاجة اخرى بيه تعيشي مديلي الوصفة و قوليلي مع واش نقدر نقدمها

nadiem · 2011-03-18, 11:22

باينة بنينة ...........الينا بيالمقادير..........نضنها كيما الهريسة بالشابلير

نسيبة 2009 · 2011-03-18, 11:34

بارك الله فيك

صامهد · 2011-03-18, 11:43

غير حطي المقاديررررررررررر

شكرا راني نستنا فيك

أم ياسين الزهراء · 2011-03-18, 11:56

تبان فكرة مليحة راني نستنى في الكيفية يعطيك الصحة

ملاك من البليدة · 2011-03-18, 12:02

كيفية بلا مقادير

remadna · 2011-03-18, 12:28

بارك الله فيك ميميشة
الوصفة تاعي فيها خبز يابس+بقايا القلاصاج اليابس في البلاطو . نرحي الجميع و نزيد كاكاو . يخبط البيض وحده + قشور البرتقال + خميرة + الخلطة تاعي (خبز+ قلاصاج مرحيين+ كاكاو) و لكن تأكل في أقل من يومين (لأنها اقتصادية بدون زيت) و التزين كل مرة طريقة مختلفة لكن المقادير عيني ميزاني و البنة لا توصف و لا واحد يفيق بلي قاطو بالخبز اليابس+ فتات قلاصاج تاع البلاطوات.

ياسمين177 · 2011-03-18, 12:29

اكيد عجبتنا مدام من يدين ميميشة المبدعة ربي يحفظك ويبعد عليك العين
انا كي قلتي كول واشكر عند بالي البقلاوة السورية لتتخدم ببات فيلو وكي دخلت لقيت وصفة اخرى
فكرة مليحة باش الخبز ميترماش ربي يجازيك ننتظر الوصفة تحياتي الحارة

عاشقة الوردة · 2011-03-18, 13:18

بانتظار الوصفة

الصوامعية · 2011-03-18, 14:39

وصفة هايلة ربي يحفضك اختي