إلى تلاميذ ولاية باتنة: مسابقة الشهيد مصطفى بن بولعيد

✗ ┋ وَړْﮃَةُ آلـﭴَزآئـړْ ┋ ✗ · 2011-01-11, 15:49

السلام عليكم ورحمة الله تعالى وبركاته.

كيف الحال إخواني؟؟؟

على ما أعتقد المسابقة التاريخية الخاصة بالشهيدمصطفى بن بولعيد قد انطلقت اليوم في كل ثانويات ولاية باتنة

تلك المسابقة التي تخص تاريخ الجزائر من 1830 إى 1962 مع حياة الشهداء

كيف كانت الأسئلة وهل فزتم أم لا وماهي الثانوية التي تدرسون بها

بالنسبة لنا فقد كانت المسابقة بين ثانوية المعذر ومتقن المعذر وثانوية الشمرة

وقد فزنا بنتيجة 36 من 40 والأسئلة كانت كالتالي:

المحور الأول: من 1830 إلى 1919
ماهي الأسباب الحقيقية للاحتلال الفرنسي للجزائر مع ذكر مقاومتين شعبيتين

المحور الثاني: من 1919 إلى 1954
عرف المقاومة السياسية
عرف الاتجاه الاستقلالي وأذكر رئيسه
ماهي إصلاحات فيفري 1943

المحور الثالث: من 1954 إلى 1962
أذكر أهم الأطراف المتنازعة في أزمة حركة انتصار الحريات الديمقراطية وأهم ممثليها

أذكر انعكاسات الأزمة

المحور الرابع: الشهداء
من هو الشهيد البطل قائد الولاية الخامسة ومتى استشهد؟؟؟

بالنسبة لما بين الثانويات فستنطلق عندنا في الثاني من شهر فيفري بإذاعة الأوراس

koukou93 · 2011-01-11, 15:56

مبروك اختي وردة حنا دارو مسابقة بصح لم اشارك فيها
سابحث عن الاسئلة عند زملائي ثم ان وجدتها سوف اضعها

✗ ┋ وَړْﮃَةُ آلـﭴَزآئـړْ ┋ ✗ · 2011-01-11, 15:58

شكرا أخي لكن قولي ربحتو ولا لالا؟؟؟

الثانويات الأخرى اللي شاركوا معانا دارولهم أسئلة مختلفة لكن مانيش شافية عليهم

الدور الثاني بالنسبة لينا راح يكون في سريانة

koukou93 · 2011-01-11, 15:59

و الله معمباليش غدا نعرف

hako93 · 2011-01-11, 16:33

فوز ثانوية اشمول على ثانوية واد الطاقة

*عاشقة الجنة* · 2011-01-11, 17:23

مبروك عليكم أخ عبد الحق

بالنسبة للمسابقة التاريخية شاركو غير السنة 1 و 2

أما السنة 3 منعوهم !!!!!!!!!!!!!!!!!!

ومسابقة بين الثانويات تاع السنة 3 في جميع المواد

فوتوها اليوم في إذاعة الأوراس والنتائج هي كالتالي:

ثانوية منعة: 40 نقطة

ثانوية واد الطاقة: 36

ثانوية ثنية العابد: 34

بالتوفيق لكم أخت وردة

hako93 · 2011-01-12, 12:35

اقتباس:

المشاركة الأصلية كتبت بواسطة مملكة الأحزان

مبروك عليكم أخ عبد الحق

بالنسبة للمسابقة التاريخية شاركو غير السنة 1 و 2

أما السنة 3 منعوهم !!!!!!!!!!!!!!!!!!

ومسابقة بين الثانويات تاع السنة 3 في جميع المواد

فوتوها اليوم في إذاعة الأوراس والنتائج هي كالتالي:

ثانوية منعة: 40 نقطة

ثانوية واد الطاقة: 36

ثانوية ثنية العابد: 34

بالتوفيق لكم أخت وردة

شكرا الاخت اسماء حنا مسابقة 3 نتاع جميع المواد الثلاثاء المقبل او راح نقابلو متقن اريس
اما مسابقة التاريخ ماشاركتش فيها بصح تفرجتها . حتا حنا شاركو نتاع 1و2 مع زوج نتاع السنة الثالثة.

✗ ┋ وَړْﮃَةُ آلـﭴَزآئـړْ ┋ ✗ · 2011-01-11, 21:03

شكرا للجميع على المرور

أختي مملكة الأحزان حنا المسابقة خاصة بجميع المستويات في المتقن تاعنا درنا المجموعة من الثالثة ثانوي فقط ودعمناها ب 5 من المعيدين الأدبيين لأن درسوا تاريخ الجزائر كاملا في السنة الماضية والحمد لله ربحنا والثانويات الأخرى كانت فرقها خليطا من السنة الأولى والثانية والثالثة

إن شاء الله تكون ثانويتكم هي اللي ربحت في مسابقة ما بين الثانويات حنا مازال يوم 2 فيفري إن شاء الله وستنظم المرحلة الأولى في المتقن الخاص بنا إن شاء الله حنا تاني نربحو باش نتلاقاو في الأدوار المتقدمة

*عاشقة الجنة* · 2011-01-11, 21:06

اختي المسابقة التاريخية خسرنا اليوم مع اشمول

وتاع السنة الثالثة اني قتلك جينا في المرتبة الثانية

بعد منعة يعني خسرنا

كنت نتمنى اني نتلاقاك مي الله غالب

بالتوفيق ان شاء الله لثانويتكم

والله رايحة ندعيلك........بسك نتمنى انكم تربحو

✗ ┋ وَړْﮃَةُ آلـﭴَزآئـړْ ┋ ✗ · 2011-01-11, 21:10

شكرا أختي إن شاء الله هاذ العام نتخطاو غير الدور الأول لأنو العام اللي فات خسروا السنة الثالثة وجاو في المرتبة الثانية وهاذ العام زعما راهم معولين علينا

*عاشقة الجنة* · 2011-01-11, 21:13

ان شاء الله نتوما تشرفو مؤسستكم

قوليلي أختي راكي تراجعي الدروس تاع الوحدات الأولى

ف المواد الأساسية

ولا راكي لاتية بالوحدات الجديدة؟؟؟؟؟؟؟

✗ ┋ وَړْﮃَةُ آلـﭴَزآئـړْ ┋ ✗ · 2011-01-11, 21:20

اقتباس:

المشاركة الأصلية كتبت بواسطة مملكة الأحزان

ان شاء الله نتوما تشرفو مؤسستكم

قوليلي أختي راكي تراجعي الدروس تاع الوحدات الأولى

ف المواد الأساسية

ولا راكي لاتية بالوحدات الجديدة؟؟؟؟؟؟؟

الدروس الأولى حاولت نليكيديها في العطلة لكن خسارة ما كملتش

العلوم مازلت حابسة في المناعة صعيبة بزاف راني نقراها في الويكاند

الرياضيات الهندسة هاذيك ما طليتش عليها جاتني صعيبة شوية خصوصا التمثيل الوسيطي لمستقيم وتقاطع المستويات في الفضاءراح نخصصلها وقت معين نقراها مليح هذا إذا جاتني معجزة ولقيت وقت

الفيزياء ماعليش راني لقيت روحي قريت الوحدات الثلاث الاولى والىن راني نقرا في الوحدة الرابعة لأنو أصلا غدوة عندي فرض في الفيزياء

*عاشقة الجنة* · 2011-01-11, 21:25

اقتباس:

المشاركة الأصلية كتبت بواسطة ouarda1992

الدروس الأولى حاولت نليكيديها في العطلة لكن خسارة ما كملتش

العلوم مازلت حابسة في المناعة صعيبة بزاف راني نقراها في الويكاند

الرياضيات الهندسة هاذيك ما طليتش عليها جاتني صعيبة شوية خصوصا التمثيل الوسيطي لمستقيم وتقاطع المستويات في الفضاءراح نخصصلها وقت معين نقراها مليح هذا إذا جاتني معجزة ولقيت وقت

الفيزياء ماعليش راني لقيت روحي قريت الوحدات الثلاث الاولى والىن راني نقرا في الوحدة الرابعة لأنو أصلا غدوة عندي فرض في الفيزياء

مام أنا راني عقاب المناعة عييت نفهمها مليح

والرياضيات ملقيت روحي نحل تمارين تاع ln ولا تاع exp

ولا نراجع ونركز على الهندسة الفضائية بسك انا تاني

المرجح معجبنيش مليح هههههههه

اليوم درنا تمرين على المستويات وتقاطع المستقيمات

إذا حبيتي نحاول نحطهولك؟؟؟؟؟

والفيزياء الوحدة الاولى والثانية غير قولي نسيتهم

راني مع الوحدة الثالثة نحل فيها تمارين

والوحدة 4 دخلناها السمانة هذي راني نحاول نفهمها

✗ ┋ وَړْﮃَةُ آلـﭴَزآئـړْ ┋ ✗ · 2011-01-11, 21:17

merci pour le sujet

*عاشقة الجنة* · 2011-01-11, 21:20

اقتباس:

المشاركة الأصلية كتبت بواسطة ouarda1992

merci pour le sujet

وردة راني رجعت حطيتو في موضوع

الأخ بلال تاع الفرنسية