حلوة الوردة

[**زهو**]

حلوة الوردة

المقادير

ديري 3 كيلات فرينة نص كيلة مرقرين انا نخلك مرقرين وسمن مدينة وانتي وش حابة ديري مش شرط تخلطي و تزيدي قرصة ملح و شوي فاني و تلمي بالما زهر و اعجنيها شوي و نحي شوي لونية باي لون حاباتو و تقدري تلوني قبل ماتزيدي الماء زهر ديري الصبغة و من بعد اعجني بالما زهر باش تتصبغلك مليح و غطيها ببلاستيك و خليها ترتاح نص ساعة ولا كثر

الحشو

ديري 3 كيلات لوز مرحي و لا كوكاو مرحي كيلة سكر قلاصي قشور حبة قارص و تلمي ببياض البيض
تخلي لالفارص شويا تشرب و مبعد ديري دي بولات قد بعضاهم
درك بالتصاور تفهموني وانا لهنا درت اللون اخضر بيسك خلاصلي الروز





وهاكا تتغطي و نحيو لعجينة الزايدة




نديرو الورد من العجينة الملونة نديرو وردات كبار و الوردات الصغار من عجينة بيضا نورمال نديرو 5 وردات ملونين و 5 بيوضا



و مبعد ديري فوق بعضاهم و اعكسي كي تحطي لملونا في الفراغات الي بين الورقات حطي البيضا باش تجيك جيهة بيضا جيهة





ومبعد تجيبي لابول تاعك و ديريلها لبيض البيض تحبي في كل
وردة و لا تحبي ديري لابول تاعك كامل لبيض تاع البيض و تبداي تلصقي الوردات تاوعك كل حبة ترفد 5 وردات ديري 4 في لجوانب و وحدة من الفوق



وتكملي باقي الوردات ديرولها شوي فرينة باش يجيك الورد واقف و مليح



و في كل وردة في النص نرشقو حبة صنوبر ندخلو نص و نخليو نص برا باش يجي كي القنفود مبيكي انا ماكانش عندي درت الحلوة الفضية الطويلة مي من الاحسن صنوبر يمد شكل ابهى

ومبعد طيبي القاطو تاعك و كي طيب عسليه و خليه يقطر مليح من لعسل و ديريلو البريو كي تحبي مش شرط مي انا نحب نديرلو باش يبقى يبري

[نينا الجزائرية]

هايلة
يعطيك الصحة زهو

[ام خديجة1]

بارك الله فيك

[**زهو**]

وعليكم السلام والاكرام
لا شكر على واجب

[aures40]

روعة يعطيك الصحة أختي * تحيـــــــــــــاتي *

[**زهو**]

بارك الله فيكم على الرد
مشكورين وتسلم ايدكن
متميزة دائما في ردكنا
بالتوفيق
تقبل مروري
zhoo