أريد معلومات حول المدرسة العليا بوزريعة

[نونسا]

السلام عليكم
يا جماعة ربي عيشكم باغية نعرف واش هوما شروط الالتحاق بالمدرسة العليا بوزريعة، جميييييييييع الشروط، (تحصلت على 15 كمعدل و أنا الأولى على مستوى جميع أقسام النهائي و أنا في شعبة الآاداب و الفلسفة) أنا و بدون فخر ممتازة في الفرنسية و كذا الانجليزية و الأدب العربي، أنا مستعدة من الآن للدراسة فيها، و أتمنى الحصول على معدل جيد في البكالوريا و علامة ممتازة في الفرنسية يااااا رب ادعيولي، و اهدرلولي شوي على العاصمة، يقولو صعيبة شوي، بصح قولولي الإيجابيات تاعها باش نقتنع، أنتظر ردووووووووووودكم بحرارة.

[نونسا]

أرجووووووووووووووكم أجيبواااااااا

[**تقوى الايمان**]

السلام عليكي اختي مبروك عليك هاد المعدل و العقوبة للباك ان شااء الله ...
اما عن شروط الالتحاق الى المدرسة العليا للاساتذة هو حصولك على معدل 13 فما فوق ان شااء الله وتكون نقطة المادة التي راكي حابة تدرسيها 10فما فوق ....موفقة باذن الله

[z2009]

سلام ماتخلعكش مدرسة عليا لانو اصحاب معدل 10 في الباك راهم فيها واصحاب 12 راهم في جامعات غيرها والله هذا غير عادل وكلشي بالمعرفة انا ادرس في بوزريعة اداب ولغة المانية وانا حابة نتجول مدرسة عليا لكن لن يقبلوني لاني ليس عندي المعرفة رغم انني حاصلة على معدل 12.70
وان شاء الله اختي تجيبي الباك وان شاء الله تقراي فيها ماهيش صعيبة

[صلاح الدين28]

نتمناولك تجيبي الباك انشاء الله

مثلا إن كنت تريدين تخصص فرنسية المعدل العام يكون 12.70 فما فوق أما معدل الفرنسية 15 فما فوق وعند عدم

قبولهم لك حينها لك الحق باش تضربي الطابلة عليهم .


أما عن الدراسة لا يوجد شيء اسمه صعيب كاينة إرادة فوقه.

[bessom]

سلام الله عليكم اخوتي الاسلام

[bessom]

ربي يوفقك اختي الكريمة وتتحصلي على شهادة البكالوريا ولازم تكون عندك ارادة اذا حبيت توصلي وتكراي في المدرسة العليا

[**تقوى الايمان**]

انا دخلت فيها العام اللي فات معدل القبول هو 13........اما ادا كانت عندك المعريييييييفة ب 11 تدخليها ........موفقة

[نونسا]

المشاركة الأصلية كتبت بواسطة **تقوى الايمان**

انا دخلت فيها العام اللي فات معدل القبول هو 13........اما ادا كانت عندك المعريييييييفة ب 11 تدخليها ........موفقة

صباح الخير أختي، بارك الله فيكي، أنا راني خايفة ما نجيبش نقطة مليحة في الفرنسية نهار الباك، قوليلي بالتفصيل قداه نقاطك في الباك و واش من شعبة كنتي؟ و كفاش حتى قبلوك و كاشما درتو consours wla entretien؟ و قوليلي نتي من أي إ
ولاية؟؟ ز راه عاجبك الحال في دزاير و في بوزريعة ولا لا؟؟ ربي يهنيك جاوبيني على أسئلتي هادي, و ادا تحبي نعطيك الإيمايل تاعي. أنتظر ردكيييييييييييي أختييي و شكرا مسبقا,

[oussama9126]

يا الشابة ان شاء الله جيبى الباك انا نقرى في ens بوزريعة عندي باك 2010 بمعدل 12.00 بالمعرفة دخلتها القراية لاباس البنات عندهم الاقامة الداخل ولا في دالي براهيم ولا في اولاد فايت انتي وزهرك الاساتذة كلهم كفء فيها تخصص فلسفة ادب عربي تاريخ وجغرافيا فرنسية وانجليزية بالاضافة الى معلمى الابتدائى عربية +فرنسية اساتذة الثانوي يقراو 5سنين متوسط4 والابتدائى 3 ورب يوفق

[المهندس الجزائري]

بلاد المعرفة و المحسوبية
بلد مسكين

[youcef.alg]

السلام عليكم أنا سنة أولى تاريخ وجغرافيا بالمدرسة ان شاء الله تربحي الباك وتسجلي فيها ,أنصحك ادا ما قبلوكش في التسجيلات الأولية ديري تحويل يقبلوك سلااااااااااااااااااااااام

[randa17]

المشاركة الأصلية كتبت بواسطة youcef.alg

السلام عليكم أنا سنة أولى تاريخ وجغرافيا بالمدرسة ان شاء الله تربحي الباك وتسجلي فيها ,أنصحك ادا ما قبلوكش في التسجيلات الأولية ديري تحويل يقبلوك سلااااااااااااااااااااااام

شا سالوك نهار درت مقابلة شفوية وماهي المواد الي تقراهم

[hamadouche39]

نصيحتي لأختي إياك الذهاب لبوزريعة فهناك غابة لا دراسة أحذر إياك أما الدراسة في العاصمة فعليم بالمدرسة العليا للأساتذة في القبة القديمة والله أعلم

[سهام1992]

اقراي برك وجيبي معدل مليح كيما انا معايا وحدين ادبيين جابوا14.80
انا تاني تاريخ زجغرافيا استاذ ثانوي لكنني كنت علمية وجبت الباك15.29 وكان معدل القبول معايا15.00