يالي راك خايف من الخدمة الوطنية ادخل

[جندع]

بسم الله الرحمان الرحيم

السلام عليكم ورحمة الله وبركاته


بعد غياب طويل دام اكثر من شهرين عدة اليوم للمنتدى باه نقول لناس لي خايفة من الخدمة الوطنية اعفس على قلبك وروح تفوت وماتبقاش تضيع في الوقت وتسنى في الاعفاء والمشاكل هاديك

انا الحمد لله في 15 سبتمبر 2010 رحت وا ن شاء الله لكان خلانا ربي حيين نخلص في 15 مارس 2012

انا حسب واش كنت نسمع على الحقرة والضرب والجوع والمشاكل هاديك مكانش منها خلاص حسن المعاملة و الاحترام يقدروك على وجه الديبلوم لي جبتو ديما يقولولنا نتوما قاريين ونحتارموكم هدا في المدرسة لي بعتوني ليها

بالنسبة للتكوين القاعدي : 45 يوم باه تتعسكر فيها وتولي تتحمل التعب النوظة بكري 4 صباحا

مافيها والو كاين برنامج كل سمانة يجي فيه مواد تقراهم عندك محفطة وكرارس و رياضة عادية جدا شوية جريان 15 دقيقة ودير حركات كيما تاع البالون هدا مكان
وفي العسكر ديما يقلك شد قدرك تعيش

هادا هو التكوين القاعدي راح تلقى مشاكل في الاول تعب وغلبة وماكش متعود تنوض بكري مي بعد 10 الى 15 يوم توالف عادي

وفي العسكر اهم حاجة يوصيوك عليها الاحترامو النظافة


ودير صحابك من 48 ولاية بالمختصر المفيد رانا في جامعة و شيا يغلب عليها الطابع العسكري



راني في المدرسة التطبيقية لمدفعية الميدان
بوسعادة


لي راهو معايا يخبرني

بالتوفيق للجميع

[walid1005]

صبر روحك خو نبقس قاعد ومنعقبهمش ولا ولات محتمة ندير كنترا ربع سنين خبر انا عندي لاكرت جون بصح كون دخلت في مارس خير وتخرج في سبتمبر راك غالط

[lawano]

rabi ykon fi 3onak khoya
w diplom li 3andak fach

[walid1005]

adak mab9ana nzidou nroho n3agbou l3amine

[جندع]

المشاركة الأصلية كتبت بواسطة walid1005

صبر روحك خو نبقس قاعد ومنعقبهمش ولا ولات محتمة ندير كنترا ربع سنين خبر انا عندي لاكرت جون بصح كون دخلت في مارس خير وتخرج في سبتمبر راك غالط

منيش نصبر في روحي انا رحت عن قناعة تامة ولكان تفهم يالفاهم نعقب السطاج في الشتاء خير من الصيف

[جندع]

المشاركة الأصلية كتبت بواسطة lawano

rabi ykon fi 3onak khoya
w diplom li 3andak fach

علوم اقتصادية

[جندع]

المشاركة الأصلية كتبت بواسطة walid1005

adak mab9ana nzidou nroho n3agbou l3amine

انت عندك متفسدش على لي معندوش

[الماريشال]

المشاركة الأصلية كتبت بواسطة جندع

بسم الله الرحمان الرحيم

السلام عليكم ورحمة الله وبركاته


بعد غياب طويل دام اكثر من شهرين عدة اليوم للمنتدى باه نقول لناس لي خايفة من الخدمة الوطنية اعفس على قلبك وروح تفوت وماتبقاش تضيع في الوقت وتسنى في الاعفاء والمشاكل هاديك

انا الحمد لله في 15 سبتمبر 2010 رحت وا ن شاء الله لكان خلانا ربي حيين نخلص في 15 مارس 2012

انا حسب واش كنت نسمع على الحقرة والضرب والجوع والمشاكل هاديك مكانش منها خلاص حسن المعاملة و الاحترام يقدروك على وجه الديبلوم لي جبتو ديما يقولولنا نتوما قاريين ونحتارموكم هدا في المدرسة لي بعتوني ليها

بالنسبة للتكوين القاعدي : 45 يوم باه تتعسكر فيها وتولي تتحمل التعب النوظة بكري 4 صباحا

مافيها والو كاين برنامج كل سمانة يجي فيه مواد تقراهم عندك محفطة وكرارس و رياضة عادية جدا شوية جريان 15 دقيقة ودير حركات كيما تاع البالون هدا مكان
وفي العسكر ديما يقلك شد قدرك تعيش

هادا هو التكوين القاعدي راح تلقى مشاكل في الاول تعب وغلبة وماكش متعود تنوض بكري مي بعد 10 الى 15 يوم توالف عادي

وفي العسكر اهم حاجة يوصيوك عليها الاحترامو النظافة


ودير صحابك من 48 ولاية بالمختصر المفيد رانا في جامعة و شيا يغلب عليها الطابع العسكري



راني في المدرسة التطبيقية لمدفعية الميدان
بوسعادة


لي راهو معايا يخبرني

بالتوفيق للجميع

بالتوفيق أخي جندل
على كل حال لقد اتخذت قرارا في دنياك و الذي لا يستطيع اتخاذ القرارات في حياته اليومية فهو حي ميت، بدون هدف مسطر
الخدمة الوطنية ليست بالجبال الشامخة و ليست بالبحار العميقة
و إنما هي مرحلة انتقالية من شخصية الفوضى و اللمبالاة و التكاسل إلى شخصية الانضباط و تحمل المسؤولية و إعارة الاهتمام
أضف إلى ذلك جانب التعارف على الإخوة من 48 ولاية و الاحتكاك بجميع العقليات و المستويات الفكرية

المهم أخي جندل إن شاء الله تمر هذه المرحلة على خير و تخرج بصحتك و سلامتك

و يبقى هذا الموضوع صورة للذين عندهم هاجس من ناحية الخدمة الوطنية التي لا مفر لها حيث نقول عندنا ((الخدمة الوطنية حجرة في السباط)) لا تستطيع فعل أي شيء في حياتك

[the big boss]

أنا راني حاب ندخل للعسكر بصح أنا 19 سنة و سنةأولى جامعي علوم إقتصادية و طولي 1.64

[yahia1921]

يعطيك الصحة اخي
لكن اسمحلي نقولك حاجة على التحليل تاعك اللي مديتو انو الشخص هذا اللي ماهوش حاب يروح للعسكر "الخدمة الوطنية" راه خايف
لا
انا واحد من الناس ماهيش في طريقي و متهني منها باذن واحد احد
لكن لماذا لم تبررها بضياع عام ونصف من حياتك دون مبرر لا تقل لي خدمة الوطن وما الى ذلك من خزعبلات انا بصدد توضيح مفهوم نشأ عند
كل من اجتاز هذه الرحلة بعد مرور 4 سنوات الى اكثر
لقد اتضح لهعم انهم افنو لحظات واوقات ثمينة من اجل لا شيء
ياو مدرسة الدنيا ماشي ساهلة ممكن انت جديد و مزال ماقاسكش السوفرونس راك تحكي هكا
المهم اخي الكريم ان شاء الله تفوتهم بالصحة والعافية وتتهنى
وتلقا خدمة كي تخرج




ملاحظة
تقبل ردي و مروري ياجندع

[sofianoo dz]

السلام عليكم.
اولا ربي يكون في العون اخ جندع وان شاء الله تعgب العسكر تاعك وترجع لداركم بالف خير.
ثانيا انا عطاولي لا كارت جون ومارحتش عgبت العسكر ولكن ربي عالم شحال ندمت لي مارحتش عgبتهم في وقتهم
وبقيت نستنا فيهم حتان عطاوهالي ولكن في المقابل ضيعت سنوات بزاف من عمري وانا نستنا.
لهذا نصيحة للاخوة لي كملوا قرايتهم مايستناوش ويروحوا يليكيديو العسكر هذا.
لانه تاع الصح حجرة فالصباط وماتقدر دير والو وخاصة للمتخرجين الذين يجب عليهم بعد التخرج اجراء مسابقات التوظيف لكي يعملوا وهذا غير ممكن دون بطاقة الخدمة الوطنية.
بالتوفيق لك اخي جندع وللجميع ان شاء الله...

[شهيد غزة]

مشكوووووووووووووووووووووووووور

[bileldz]

مشكوووووووووووووووووووووووووور

[medmay86]

راه معاك واحد جاري و أسمو غالم من المحمدية و سقسيه وحوس عليه قول غالم تاع باريقو و قوله أنا نعرف مايـــــو جارك وهو تاني راني شفته هنا .

[ندرومة49]

خويا أهلا وسهلا بيك
أنا من بوسعادة وا يخصك قول برك
إذ باغي رقم الهاتف

كنا وما زلنا ولازلنا
نحن أهل بوسعادة الجود والكرم
أبا عن جد
سلام