هل يجب أن يكون الرجل غنيا لكي يتزوج ؟

[وحيد الحيراني]

السلام عليكم ورحمة الله تعالى وبركاته

الكل يعلم أن أقل تكاليف للزواج هي...
بغض النظر على أن يملك الشاب شقة وبافتراض أنه سوف يتزوج في بيت أبيه...

1. ترميم البيت وطلائه تحضيرا للعرس 5 ملايين سنتيم...
2. تكاليف الخطوبة والخاتم 3 ملايين سنتيم على الأقل .
3. المهر ... 12 مليون سنتيم
4. تجهيز الغرفة 10 ملايين سنتيم
5. تكاليف العرس 10 ملايين سنتيم

المجموع على الأقل 40 مليون سنتيم...

فكيف يمكن للشاب في بداية مشواره أن يجمع ملبغا كهذا...
وكيف للشاب الذي يتحمل مسؤولية عائلته أن يدخر هذا المبلغ...
وكيف للشاب الذي ليس له عمل أن يتزوج...
ولماذا الفقير لا يتزوج... والرازق هو الله


لماذا ربطنا في مجتمعنا الزواج بكل هذه القيود ... ففي السابق لم تكن الأمور هكذا


جميعنا يشاهد انتشار العلاقات المحرمة بين الشباب والشابات ( في الحرام ) وبدأ المجتمع يراها على أنها شيء عادي...
أما اذا أرادوا الزواج على سنة الله ورسوله فنضع أمامهم كل تلك العراقيل ... ؟؟؟

أسئلة تحتاج الى اجابتكم....

وأرجو أني تمكنت من ايصال الفكرة....

[نـــــــــــــــــانو ميــــسي]

النية برك أنو يا جماعة

[كعبوش صهيب]

سلام ليس شرطا الشرط ان تكون رجلا لا غير لان مسؤوليات البيت تحتاج الى رجل اكتر من صاحب مال

[وحيد الحيراني]

المشاركة الأصلية كتبت بواسطة كعبوش صهيب

سلام ليس شرطا الشرط ان تكون رجلا لا غير لان مسؤوليات البيت تحتاج الى رجل اكتر من صاحب مال

بارك الله فيك أخي...
هذه الفكرة التي أردت أن أصل لها...

ولكن للأسف لا حياة لمن تنادي ...
اذا كنت غير متزوج فسيواجهك ماذكرت في الموضوع أعلاه...
من يملك المال هو الذي يتزوج سواء كان رجلا أو نصف رجل...

[وحيد الحيراني]

المشاركة الأصلية كتبت بواسطة نـــــــــــــــــانو ميــــسي

النية برك أنو يا جماعة

الشباب الجزائري كاملين راهم ناويين...

[نـــــــــــــــــانو ميــــسي]

ههههههههههههههههههههههه
راهم قع ناويين كما أنا و أنت

[انغام المنى]

السلام عليكم ورحمة الله تعالى وبركاته

الكل يعلم أن أقل تكاليف للزواج هي...
بغض النظر على أن يملك الشاب شقة وبافتراض أنه سوف يتزوج في بيت أبيه...

1. ترميم البيت وطلائه تحضيرا للعرس 5 ملايين سنتيم...
هذي بلاك ب 5 ملاين
2. تكاليف الخطوبة والخاتم 3 ملايين سنتيم على الأقل .
تكاليف الخطبة على الاقل 6 ملاين الخاتم وحدو 3 ملاين والقالب الحاوى ب 5 الف وغير لحوايج لخرين اذا محناش على حاجة تاع ذهب على الاقل هي تاني ب 3 ملاين اذا ماشي اكثر
3. المهر ... 12 مليون سنتيم
المهر معقول
4. تجهيز الغرفة 10 ملايين سنتيم
على الاقل 13 مليون
5. تكاليف العرس 10 ملايين سنتيم
تكاليف العرس معقولة اذا مدارش شهر العسل
والله يا اخي مرانيش نقول في حاجة ماشي معقولة والله الهذا الي راهو كاين في هذا الوق وانا قلت هذي بالنسبة لواحد على قد حالو بصح كون تشوف الغني واش يدير شعر راسك يطيح ماشي يشيب وياربي يكون في عون الشباب
وحتى البنات 12 المليون والله ماتجبلها حاجة والله الجهاز المتوسط يسقام اكثر من 25 مليون وحتى هي ربي يكون في عون والديها اذا راهي متخدمش
وصحة فطوركم

المجموع على الأقل 40 مليون سنتيم...

فكيف يمكن للشاب في بداية مشواره أن يجمع ملبغا كهذا...
وكيف للشاب الذي يتحمل مسؤولية عائلته أن يدخر هذا المبلغ...
وكيف للشاب الذي ليس له عمل أن يتزوج...
ولماذا الفقير لا يتزوج... والرازق هو الله


لماذا ربطنا في مجتمعنا الزواج بكل هذه القيود ... ففي السابق لم تكن الأمور هكذا


جميعنا يشاهد انتشار العلاقات المحرمة بين الشباب والشابات ( في الحرام ) وبدأ المجتمع يراها على أنها شيء عادي...
أما اذا أرادوا الزواج على سنة الله ورسوله فنضع أمامهم كل تلك العراقيل ... ؟؟؟

أسئلة تحتاج الى اجابتكم....

وأرجو أني تمكنت من ايصال الفكرة..

[حمزة ملياني 121]

والله ربي يستر من هذا الزمان الله غالب عاليجان خلاص مابقالهم والو خلاص لا خدمة لازواج . 40 مليون يدمر ويخدم عليها 20 سنة وممبعد كي يتزوج تمررلو عيشوا وتتشرط عليه وتقلوا ماكاش راجل كيما الرجال . والله النسا واعرين اخاه على النسا . ناكرات المعروف ويكفرن العشرة قد مادير تقلك ماكش مليح . لذلك اغلبهن في النار كما ورد في الحديث الشريف . ربي يستر .
لازم نحكموا الشرع وكلام ربي :
ان يكونوا فقراء يغنهم الله من فضله
يامعشر السباب من استطاع منكم الباءة فليتزوج / الباءة شرط للزواج القدرة الماديةوالنفسية والعقلية وروح المسؤولية

ابواب الحرام كثرت وسهلة ربي يستر
الحلال صعيب
البنات يتشرطون
ولكن اختم بقوله تعالى :
" وليستعفف الذين لايجدون نكاحا حتى يغنهم الله من فضله "
فقد وعد الله الذين لايجدون نكاجا ان يرزقهم اياه بعد الصبر

سلام . شكرا على اثارة هذا الموضوع

[19912010]

واش نقلك ماهمش الدراهم هوما كلش المهم يكون عندك قلب مايخونش مايخدعش يحب باخلاص يعرف طريق ربي ويعرف قيمة المراة وانا هادي شروطي ولكن للاسف تعرظت للخيانة مع العلم ماكانش حاجة تخصني والحمد لله ولكن هو كان مغرور بزاف بروحو

[saraha raha]

المشكل الوحيد والعوص في ما قلته ومالم تقوله
هو
تركنا طريق ربي وقعدنا نتبعو فالبدع
الله ينجينا

[minzo18]

لقد نسيت ان تضيف تكاليف السيارة (الكروسة) اعتقد انها ايضا من الضروريات

[samasima]

كل شيء صعاب في وقتنا هدا الغلاء والعادات السيءة ربي يكون في العون

[مايليس]

الزواج الذي يقل الانفاق فيه تكثر فيه البركة والعكس
يقرب لي شخص مستواه المادي لا باس به عادي عندما اراد الزواج دفع ما يملك وما لا يملك حتى انه كان مدان ب35 مليون وطلبات عروسه لا تنتهي وبالرغم من انه كان يشتري لها اشياء غالية الا انها كانت تقول له ليست من قيمتي وووووووووو واحصرت قيمتها بمبلغ مالي مهما كان غالي الا ان كل شيء زال لانها وببساطة تطلقت بعد 6 اشهر من الزواج ورجعت تتجرع الخيبة والحسرة ولقد اعاد الزواج ولم يكلفه كله على بعضه 6 ملايين ولديه الان طفلة ما شاء الله

[عُضو مُحترم]

يعني انا نستنى 10 سنين حتى نتزوج

يكون في عمري 35 سنة؟؟؟

يا حفيظ

مانتزوجش خير

[رهام87]

والله أنا مفهمتش علاه الناس راهي تقرا وثقف في روحها ياخي باش نحيو كامل هاد البروتوكولات ونكونوا حضارييين أكثر كيما الغربيين ولا حضارة في دعوة الشر برك لازم حتى فالزواج نتبعوهم ونديرو ا كيما هوما ما يكلفوش رواحهم خلاص لا لبسة لا جهاز لا ..... والو كلشي عادي...........
المهم الإنسان تكون عندو شخصية قوية ويقدر يواجه المجتمع ويبين لهم بلي الزواج ماشي دراهم وتبدير العكس الإنسان كي يتزوج عاد هدا وين رايح تبدا حياتو مع المصاريف وربي يهدينا هجرنا السنة ونسينا حبيبنا المصطفى كي قال "أكثرهن مهورا أقلهن بركة" وإذا كان رايح نتزوج ونخلي والديا غارقين فالدين غير مكان لاه...وأصلا أغلبية الأعراس لس فيهم التبدير والمظاهر بزاف ينتهوا بالطلاق وهذي حقيقة والعكس كل ما كان المهر والعرس بسيط كانت الحياة أسعد وأروع...........
الله يهدينا وخلاص