ممكن افكار عن هدايا العروس لأهل زوجها

[بنت سكيكدة]

السلام عليكم و رحمة الله وبركاته


تبدي الكثير من العرائس حيرتهن عما تجلبه من بيت ابيها كهدايا لاهل زوجهاو انا اولهن عندنا بسكيكدة العروس تقوم بكسوة حماتها و حماها و تشتري لسلفاتها لكل منهن قندورة و للرجال عطر وشفرة حلاقة و منشفة وجه و و

يا ريت لو كل واحدة فينا تدخل و تحط افكارها لهدايا اب الزوج و امه و البنات و الاولاد العمات و الخالات و و و و



وهده بعض الموديلات

https://www.gulfup.com/?zU3it9

لكن تحيتي

[wassila21]

نفس السؤال طرحته في موضوعي، الحوايج كاين المشكل في الغلا
أنا عندي غير أخت وأخ خطيبي و والديه و جدة، و خممت ندير للأخت قندورة تاع سوريا مع الصابو ديالها و للوالدة و الجدة قماش من نوعية جيدة و خمار و عطر، و للأخ و الوالد قميص و زربية للصلاة و عطر و بالنسبة لخطيبي ما عرفتش ، ألي عندها أفكار تقولنا

[بنت سكيكدة]

المشاركة الأصلية كتبت بواسطة wassila21

نفس السؤال طرحته في موضوعي، الحوايج كاين المشكل في الغلا
أنا عندي غير أخت وأخ خطيبي و والديه و جدة، و خممت ندير للأخت قندورة تاع سوريا مع الصابو ديالها و للوالدة و الجدة قماش من نوعية جيدة و خمار و عطر، و للأخ و الوالد قميص و زربية للصلاة و عطر و بالنسبة لخطيبي ما عرفتش ، ألي عندها أفكار تقولنا

مشكورة اختي وسيلة انت عندك الزهر انا عندي الله يبارك 4 سلفات( 2 متزوجات و 2 عازبات) و سلف و حماتي و حماي و جدته و جده و 9 خالات و 6 عمات ما لقيت واش ندير

[*سلامة*]

شوفي اختي ماراحش تمديلهم قاع ماشي حتى خلاتو تمدي غير ليماه وخواتاتو اذا حبيتي وباباه وجداه

المهم الهدايا في الاغلب تكون خيمارات للخواتاتو و جبة وخيمار ليماه ولا طرف قماش ليها ولا لخياتو

وطبعا جبة وخيمار وصابون لجداه

اما باباه اشريلو قرعة ريحة ولا قندورة

على كل حال على حساب شحال راكي حابة تخسري دراهم

ولي عودة ان شاء الله باش نعاونك

[رامة1]

شكراااااااااااااا

[wassila21]

مشكورة اختي وسيلة انت عندك الزهر انا عندي الله يبارك 4 سلفات( 2 متزوجات و 2 عازبات) و سلف و حماتي و حماي و جدته و جده و 9 خالات و 6 عمات ما لقيت واش ندير

ربي يكون في عونك أختي، حنا عادتنا ما نمدوش للخالات و العمات ، و بالحق يعذروك راهم غاشي الله يبارك

[سُمو الأمــيرَة]

عليك بالعطر اختي

[بنت سكيكدة]

بارك الله فيكن غالياتي سعيدة جدا بردودكن ...
فيانتظارعودة الاخت *سلامة* و من ارادت طبعا ساكون لها شاكرة


لكن ودي

[هند وسام]

الشيخ والعجوزة اعطيهم الزيارة اي الدراهم اوسجادة للشيخ وخمار تاع الصلاة للعجوزة وللحماة قندورة او ميامي

[أم بدر الدين]

والله لازملك حقيبة نقود.....هذه خزعبلات و أمور تعجيزية ....والله بزاف عليك ...من المفروض الهدايا تكون عطور و خمارات و حتى الصابون و الشامبو يعني أحيانا ننتظر الى الاخير عندما تفرز العروس امورها و تجد الفائض عندها مثلا من الصابون و العطور يعني راهي تهز من و تحط من.....والله عادات فقط بالية لعروسة تتهرس وهم يتعطرو و يحكمو الهدايا والله المستعان....اعانك المولى عز وجل مش في الهدايا لان أمرها سهل ....اعانك فيما آت....

[بنت سكيكدة]

المشاركة الأصلية كتبت بواسطة *سلامة*

شوفي اختي ماراحش تمديلهم قاع ماشي حتى خلاتو تمدي غير ليماه وخواتاتو اذا حبيتي وباباه وجداه

المهم الهدايا في الاغلب تكون خيمارات للخواتاتو و جبة وخيمار ليماه ولا طرف قماش ليها ولا لخياتو

وطبعا جبة وخيمار وصابون لجداه

اما باباه اشريلو قرعة ريحة ولا قندورة

على كل حال على حساب شحال راكي حابة تخسري دراهم

ولي عودة ان شاء الله باش نعاونك

مشكورة اختي سلامة بارك الله فيك احنا بعاويدنا نمدو للخلات و العمات وازواجهن بصح انا ان شاء الله نلغي هذي العادة السيئة بزااااف علي لازم لي بنك دراهم.

كماقلتي لي ساختصرالقائمة في عائلته الصغيرة و جده وجدته فقط لا غير


لحماتي حن الازم نديرولها قندورة نخيطوها وتكون لازم مليحة ومعها خماروعطر و صابو بماذا تنصحينني كموديل اذا كان عندك فكرة

و جزاك الله كل خير

لك منياجمل تحية و شاكرة لك ردك و اهتمامك غاليتي

[بنت سكيكدة]

المشاركة الأصلية كتبت بواسطة هند وسام

الشيخ والعجوزة اعطيهم الزيارة اي الدراهم اوسجادة للشيخ وخمار تاع الصلاة للعجوزة وللحماة قندورة او ميامي

بارك الله فيك شكرالكم غاليتي لم افهم بماذا تقصدين بــــ ميامي؟

و جزاك الله كل خير

لك اجمل تحية

[بنت سكيكدة]

المشاركة الأصلية كتبت بواسطة أم بدر الدين

والله لازملك حقيبة نقود.....هذه خزعبلات و أمور تعجيزية ....والله بزاف عليك ...من المفروض الهدايا تكون عطور و خمارات و حتى الصابون و الشامبو يعني أحيانا ننتظر الى الاخير عندما تفرز العروس امورها و تجد الفائض عندها مثلا من الصابون و العطور يعني راهي تهز من و تحط من.....والله عادات فقط بالية لعروسة تتهرس وهم يتعطرو و يحكمو الهدايا والله المستعان....اعانك المولى عز وجل مش في الهدايا لان أمرها سهل ....اعانك فيما آت....

سعيدة جدا بردك و تعقيبك على موضوعي اختي الغالية يعني الغالية ام بدر تشاطرني الرأي

صدقيني غاليتي انا لحد الساعة لم اشتري اي شيء من العطر و الشامبو ووو لنفسي وبديت نخمم في الغير حتى وليت ما نرقدش الليل كون جات للصح لعروسة هي اللي لازم يديولها كادوات ماشي العكس و لاانا غالطة اختي ام بدر :d

واش نقول ربي يخلف علي وعلى العرايس مساكن ويكون في عوننا وكما قلتي كون جات على الهدايا فقط كان الامر سهل جدا

اجمل تحية

[صمت الجزائر]

اهلا والله ما تخميش بزاف وربي يفرجها
العادة عندنا بصح غالية عليكم
الشيخ يمدوله زواورة و بساط ومخدة ومن الاول دير حسابها في هته الاشياء وام العريس تمدلها لباس ابيض وخماره والجلطيطة دياله
واخواتاته جبات عادي من اللي يتباعو وحت السلفات
والحمية يعني اخوة العريس تمد لكل واحد صربيتة الوجه وصابونة ولا قرعة ديودوغون
والاخريات خمارات حتى ولو كانت خالاته ولا عماته ولا ازواج الخال وازوجات العم
والصغارات من البنات مشوارة مشوارة ولا صابونة على حساب مقدورها
يعني لوكان ديري حساب لهدايا تمدي قشك وتبقي هاك
ربي يعوض على كل وحدة واهتمي بزوجك والهدية دياله وعرفي تنقيها لانها غالية واذا ما عرفتيش نقولك ههههههههههههههههههههههه
وشرا
بالتوفيق

[*سلامة*]

المشاركة الأصلية كتبت بواسطة بنت سكيكدة

مشكورة اختي سلامة بارك الله فيك احنا بعاويدنا نمدو للخلات و العمات وازواجهن بصح انا ان شاء الله نلغي هذي العادة السيئة بزااااف علي لازم لي بنك دراهم.

كماقلتي لي ساختصرالقائمة في عائلته الصغيرة و جده وجدته فقط لا غير


لحماتي حن الازم نديرولها قندورة نخيطوها وتكون لازم مليحة ومعها خماروعطر و صابو بماذا تنصحينني كموديل اذا كان عندك فكرة

و جزاك الله كل خير

لك منياجمل تحية و شاكرة لك ردك و اهتمامك غاليتي

شوفي كيما قلتي قندورة للعجوزتك وريحة صابون جيبي اي مودال اخلعيها بدوف مثلا ولاصابون ريحتو مليحة كلم ماتستعملو تقولهم جابتهولي مت وليدي وخيمار تاني مهم باش تعصب وتتفكرك

الريحة راهي غالية هاذ الوقت جيبيلها مثلا علامة Fa يحبوه الجزائريين وماشي غالي

وشيخك يا اما قندورة اما صلاية