الحوار الذي دار بين سعدان وزياية

[chakir 08]

الشيخ: الو .... زيايا معايا
زيايا: انعم شكون معايا
الشيخ: الشيخ سعدان معاك
زيايا:اهلا الشيخ وشراك لاباس لحمد لله ( يقول في قلبو الحمد الله ياربي فاق بيا)
الشيخ:وليدي اك معروض للمنتخب ( يعني ماكش مستدعي)
زيايا :بارك الله فيك الشيخ
الشيخ :استنى حاب نقولك حاجة
زيايا ui
الشيخ:بصح ماراحش تلعب المونديال اك عمبالك علاه
زيايا في قلبو ياهوا ياديني قاعد يتمسخر بيا الشيخ هذا)علاه الشيخ
الشيخ: لازم اوليدي تفهم بزاف حوايج يعني حاب نقولك بلي في الدزاير كاين سيستام نتبعوه باش تكون في المنتخب
زيايا :فهمني الشيخ تعيش ( في قلبو ضرك نقولو كلام كثرمنو)
الشيخ: اوليدي هذا السيستام يبازي على بزاف حوايج
زيايا:واشي هما الشيخ( في دماغو يعرفهم كما الجزايريين اكل)
الشيخ: اولا لازم تجي اميغري يعني مالازمش تكون مولود في الدزاير لازم تجي مترافيكي من فرنسا مايهمش وين تلعب ولكان في الصومال ماتجيش تلعب برك في الدزاير والا كي تخرج منا لازم تروح ديراكتومون للفرنسا انتايا اوليدي راك غلط في الباركور روحتلي للسعودية ( مالغري اوليدي عمبالي بلي النص الي راهم يتسماو المحترفين مايلعبوش خلاص في الاندية والنص الباقي يلعب خمس دقايق والا يلعب في فرق مايسمعوش بها الاوربيون قبل مانسمعو بها حنايا)
ثانيا لازم تكون شيكور كيما منصوري والا صايفي( يلعبو مكسرين مكسورين ومكعبرين ) خاطراش هذوك يطلعو السكر للغاشي وعمبالك حنا عندنا سياسة في الدزاير لازم نخفضو استهلاك السكر خاطراش غالي بزاف10الاف واحنا نستوردوه وبالتالي المعادلة راهي باينة كلما يطلع السكر للغاشي الكونسوماسيون تقل وباتالي الاستهلاك ينخفض والاستيراد ينخفض
ثالثا لازم تلعب كرة قدم بصح بدون كرة كيما غزال خاطراش نت تلعب بزاف بالبالو
زيايا :ماعليش الشيخ ( قبل مايكوبي تنرفا وقال الله يهديك الشيخ تتمسخر)
الشيخ: سمعلو امالا نقولك والله ماك شمها خلاص ( خمم خمم القاها الشعب غبي ضرك نقولهم زيايا مابغاش يجي تربح اي )

هههههههههههههههههههههههههههه قالك زيايا رفض المجيء الى المنتخب اخر نكتة




_________________
**-**-**-**-**-**-**-** التوقيع **-**-**-**-**-**-**-**

اهلا و سهلا بكل اعضاءنا و زوارنا الكرام
ان شاء الله تفيدو و تستفيدو من هذا المنتدى المفيد

[جنة الفردوس87]

السلام عليكم
ياأخي شاكير لا تسئ الظن بأحد , ما نتماه لمنتخب سوى التوفيق والنجاح وربي معاهم ،انشاء الله يفرحونا وتحيا الجزائر

[بالقيم نرتقي]

انا تاني ما دخلتليش لراسي

[منبع المثابرة]

زيايا وعله درلناهكا ارجع انت لااعب رائع.............................................. ..

[موح دادي]

ماهو رائع ماوالوا خليه راه يتكسل
ديجا المحلييين نجح منهم واحد برك هو شاوشي - في اللعب - لا دسبيلين أحلاوات -

[نورالدين بن احمد]

نسخ لصق ...

[ناصري 12]

سعدان عنده الحق وكفى

[أم دجانة]

تلك نكتة سعداااااااااااااااااااااان

[زينوبة زيزو]

هههههههههههههههههههههه والله كلامك حقانى والسعدان يهدر واحنا نصدقوا ونقلوا راه عارف شغلوا حاجة تقرف معيشة الهف

[بحار]

قبل أشهر كان سعدان النجم الذي لا يخطأ ، و اليوم أنت تتهجم عليه بكل سخرية ، لعلمك أنا من سطيف ومشجعة وفية لزياية ،واليوم أن متتبعة للبطولة السعودية لوجوده فيها، وإذا لم يستدعيه سعدان هذا لا يعني أن سعدان مخطأ فهو يستدعي اللاعب الذي يضيف الجديد للمنتخب ، وزيياية مازال المستقبل أمامه للانضمام لصفوف المنتخب .
شجع المنتخب فليس الوقت مناسب للانتقاد

[etoile filante]

-قالك فيغولي لايلعب بانتضام و هو العام الجاي في فالنسيا .
-قالك زياني لا يتدرب اطلاقا مع فولسبورغ و الشادلي العمري جوكر في ماينز ويقولك الشيخ زياني عماد المنتخب
-صايفي في الدرجة الثانية و يقولك الخبرة .
حاطين الشعب قرودة

[etoile filante]

المشاركة الأصلية كتبت بواسطة بحار

قبل أشهر كان سعدان النجم الذي لا يخطأ ، و اليوم أنت تتهجم عليه بكل سخرية ، لعلمك أنا من سطيف ومشجعة وفية لزياية ،واليوم أن متتبعة للبطولة السعودية لوجوده فيها، وإذا لم يستدعيه سعدان هذا لا يعني أن سعدان مخطأ فهو يستدعي اللاعب الذي يضيف الجديد للمنتخب ، وزيياية مازال المستقبل أمامه للانضمام لصفوف المنتخب .
شجع المنتخب فليس الوقت مناسب للانتقاد

صايفي يضيف الجديد للمنتخب
منصوري يضيف اللمسة للمنتخب
مبولحي حارس انيق
كارل مجاني كانافارو ليس الجزائر بل كانافارو المغترب .هههههههههههههههه
راكم غير تصبروا في رواحكم الى حين انجلترا و السباعية

[بالقيم نرتقي]

كان غير ما تاهلناش للمونديال ..............

[bes86]

يزيكم برك من هاد الكلام
واش راح يخلي سعدان يكذب علينا اذا ما حبش يعيطلو يقولها طول تحت مسؤوليتو كيما دار مع العمري شادلي
سعدان عندو الحق في كامل خياراتو
و أرجوكم خليوه يخدم في عقلو

[امال شوال]

سعدان ما هوش صغير باش يكذب كذبة كيما هادي اضن انو زياية دايها في روحو اكثر من اللازم