لنفترض

[امين الاسلام]

ان الدولة اغرقتنا مالا فهل سنؤدي الامانة؟










هل سنؤدي الامانة الملقاة على عاتق كل واحد منا في حالة استجابة الدولة لجميع طلبات الاسرة التعليمية ووفرت ظروف العمل ؟
صراحة اذا اردتم اصدقائي الاعزاء وصديقاتي العزيزات رأيي حول الموضوع سأقول لكم لن نقوم بواجبنا حتى في حالة اغراقنا بالمال . لماذا ؟
اعتقد ما ينقصنا اليوم ليس توفير الشروط المادية والمعنوية وما الى ذلك ما ينقصنا هو التشبع بقيم افتقدناها او لنقل افتقدها اغلبنا ومع الاسف الشديد هذه القيم هي اولا حب العمل والاخلاص فيه لأن ما نراه اليوم هو مجرد *سلك وعدي* والصلاة والسلام .
اما العمل الحقيقي فلم نعد نعطيه ما يستحق من العناية واصبح الاستاذ يشابه الى حد كبير تلميذه بحيث تراه عبوس الوجه اثناء مجيئه للمؤسسة وبشوش المحيا عند مغادرتها . وهذا يذكرني في طفولتي حيث كانت احسن جملة نسمعها من معلمنا هي ramasser vos affaires .

وارجو ان لا اسمع هدا الرد

تحسين الظروف المادية و المعنوية تؤدي حتميا الى تحسين المردودية باستثناء حالات قليلة جدا
وباب النقاش مفتوح

[floritta]

و الله انا ارى ان هذا التسرب كاااااااامل السبب نتاعو هو طريقة التعليم في المرحلة الابتدائية لانه فيها يتكون الانسان و تتكون شخصيته حنا من بكري تربينا على اساس الدراهم هو اساس كلش ماتهمش الطريقة ولا واش عندك في مخك المهم هو انو كي تكبر تلقا خدمة تدخل دراهم بزاف
لذلك انا ارى انه لازم يطبقو قانون تاع تجني ما زرعت يداك اي انه لا مكان للعاطل في بلدنا في هديك الساعة نولو صج capable لتأدية الامانة تجاه بلدنا لانه من الاول نعودو موالفين على الاعتماد على النفس
شكرااااااااااااااااااااا اخي و تقبل مروري

[امين الاسلام]

لو كنا متحضرين لما نحن في هادا الوضع لنا الاساتدة يحوش يؤمنوا مستقبلهم المعيشي ليس مستقبل ابناء الجزائر

[العلم حياتي]

اسمحلي خويا بصح الاساتذة ثاني عندهم ولادهم وراهم يؤمنولهم في المستقبل انتاعهم لكان تررح تشوف الاستاذ في الخارج كفاش عايش و القيمة الي راه فيها تحس بالاساتذة نتاوعنا ماتروحش بعيد روح قلمغرب وشوف وزيد الحضارة راحت بكري ملي زيد طفل وهوما يقولولو لازم تقرا باش يولي عندك المال مايقولولوش باش تثقف ولاااااااا بصح ان شاء الله يعود جيلنا هذا الجاي هو نهضة الجزائر و خروجها من دائرة التخلف ....آمين
شكرا أخي على الموضوع و تقبل مروري

[امين الاسلام]

صح نحاو من قاموس تاعهم التثقيف المهم يصيب الخدما في هادا الوقت

[cherhabule]

في وقتنا احتا نلقاو خدمة نتوحشوا لقراية بلاك كي نولو نخدموا نولو نطالعوا الكتب

[امين الاسلام]

شكرا على الردود الفيمة

[*أمل الجزائر*]

في هذا الوقت الناس ما عادت تفهم و تعرف حاجا من غير الدراهم و تبزنيس

والشي لي يضحك هو أنو ما يحبوش يقراو و يحبو الخدمة نتاع البيرو على جالت الدراهم

ربي يهدينا و يهديهم و خلينا من العقل الفارغ باش ننهضو بالدزاير نتاعنا و كل الامة الاسلامية

أما على الاساتذة السكات خير

[امين الاسلام]

شكرا .............

[عبق الإسلام]

السلام عليكم و رحمة الله و بركاته
أنا في رأي أظن أن إمداد الأساتذة بالمال الكافي أو بمعنى آخر الزيادة في الراتب سيكون إيجابيا على المردودية فالأستاذ يعطي أفضل ما عنده لأنه يدرك أنه سينال المبلغ المناسب نتيجة عمله مما يسمح له بتحسين ظروفه المعيشية
هذا و الله أعلم

[امين الاسلام]

لاكن ليس كل الاساتدة هاكادا