انت .. والحمار والكلب والقط ..كاين علاقة؟؟؟ايه ادخل نقولهالك...وانت واش هو l'age تاعك؟؟

ل..ب..ن..ى · 2010-03-23, 16:46

السلام عليكم ورحمة الله تعالى وبركاته

هادي حكاية واقعية

كاين ابن ادم ...حمار....كلب .....وقط

كانو يوزعولهم في العمر
كل واحد وشحال يعيش

ايا عطاولهم كل واحد 30سنة

الحمار قنع ب15سنة
وقال الباقي يعني15سنة الله يخلف
الكلب: 15سنة بزاف عليا
القط: كيف كيف حب يدي 15سنة ويسمح في 15 سنة

الانسان قال:
30سنة ...ماكان والو
قالو الجني: تحب تدي سنين الحمار والكلب والقط راهم ليك

قال ايه نديهم كامل

فكان له دلك
وهو اليوم يعيش بسنين الحيوانات هاته

الانسان يعيش 30سنة من عمرو
كانسان معزز مكرم

ثم تاتي 15سنة تاع الحمار

ويرجع غير تاع خدمة وتكنتير
يدي هادي
يجيب هادي
في البناء ينادوه
اي خدمة صعبة يعيطولو يخدمها

***كيما الحمار هههه غي تاع حدمة***

جاب 45 سنة
وجات سنين الكلب
ورجع ينقرش .... الحاجة زايد ناقص يعلق عليها....
مثل الكلب يظل ينبح

الضوء راه شاعل ...اطفي الضوء
لزوجته عند ال11 : مازالك طالقة الماء
من الصباح وانتي تسيقي
واش مازال؟؟؟؟؟؟؟

واش الفطور مازال ماطابش؟؟

لابنه: واش هاد الخبز؟؟؟ كامل محروق!!!!!
رجعه للحانوت يبدلهلك !!!!

وهكدا....
يعني*****يظل ينبح كيما الكلب!!!*****

وضركا راه جاب 60سنة
وجاءت سنين القط

رجع شيخ هدا الانسان

في الشتاء: كاش بلاصا قدام الشوفاج؟؟؟
لابنته او حفيدته: يابنتي جيبيلي كاس حليب
وووووو

يعني يظل يدخل في روحه مثل القط تماما!!!!

وهكدا تنتهي سنين الانسان

ايا كل واحد يقولنا :
وانت ماهو l'age اللي راك فيه

انتظر تفاعلكم

سلااااااااااااااااااام

الـ^ـسَّــآآحِـ^ــرْ ، · 2010-03-23, 16:49

16 سنـــة ؟ وما فهمتش ؟

س..ع..ي..د · 2010-03-23, 16:53

ههه فعلا موضوع فكاهي وفيه بزااف عبر لكن عن نفسي حاس روحي نمووت صغير معلاباليش وعلاش يجيني دايما هذا الاحساس

ربي يخليك موضوع جميل وفكاهي

شهد12 · 2010-03-23, 16:54

أنا راني في الفئة انتاع 30 سنة

سفيان · 2010-03-23, 16:57

صح نسمع كبار السن يرددون كثيرا هذه القصة

عجبتني تاع التنقريش . . . . ههههه

ل..ب..ن..ى · 2010-03-23, 17:05

اقتباس:

المشاركة الأصلية كتبت بواسطة ع،ـبد اللـّطيف ₪ الجَــزائِــرے

16 سنـــة ؟ وما فهمتش ؟

مازالك في 16 سنة
يعني مازالك انسان
تقلاش لعب والسما صافية والدنيا هانية
منين تلحق 30 دوك ترجع
في سن الحمار
يعني ترجع غير تاع خدمة صعيبة وووو

ومن بعد 45 سنة
ترجع تنقرش
كيما .........الكلب هههههههه
تقول حتى حاجة ماتعجبك!!!!!!!!!

وبعد تلحق 60سنة ان شاء الله
وترجع تحوس الحنانة

وهكدا حتى تكمل حياتك

شوف عبدو:
شوف انسان بين 30 و 45 سنة : واش راه يخدم ووووو
ثم بين 45-60سنة: شوف واسمع للتنقريش مليييييييييح
ثم اكبر من 60 سنة: شوفو واش يخصو هدا

تما تفهم

ورجعلي الخبر

سلاااااااااااام
نورت

م.جواد · 2010-03-23, 17:05

السلام عليكم
هذه هي حالت الانسان دايمن هب هب بح بح
مازال ملحقناش

simsima-asmaa · 2010-03-23, 17:07

امممممممم
وين راهو مكان اللي يقرا في الجامعة
و نهار نهار هو يجري من td لاخر؟؟
اما الفئات العمرية المقسمة فحسبها
راني مازالني في انتاع ما قبل 30سنة
و مازالني مطولة فيها بزاف
على حساب اللي مازالني اصلا ما بديتهاش
*19سنة فقط*

ل..ب..ن..ى · 2010-03-23, 17:09

اقتباس:

المشاركة الأصلية كتبت بواسطة س..ع..ي..د

ههه فعلا موضوع فكاهي وفيه بزااف عبر لكن عن نفسي حاس روحي نمووت صغير معلاباليش وعلاش يجيني دايما هذا الاحساس

ربي يخليك موضوع جميل وفكاهي

بعيد الشر عليك

شكرا على المرور
تعيش

وان شاء الله تلحق لسن القط

سلااااااااااااام

اقتباس:

المشاركة الأصلية كتبت بواسطة شهد12

أنا راني في الفئة انتاع 30 سنة

يقولو هاد القصة تخص الرجال
النسا كامل حياتهم وهما في سن
الحمار!!!!!
ههههههه

شرفتينا

اقتباس:

المشاركة الأصلية كتبت بواسطة سفيان

صح نسمع كبار السن يرددون كثيرا هذه القصة

عجبتني تاع التنقريش . . . . ههههه

ايه سمعناها من عندهم
وخرجت صح

بابا راه في سن الكلب!!!!
داير حالة !!!!

بالاك يجيب خبري حكيت عليه!!!
ههههههههه

نورت سفيان

التنقريش راه داير حالة ههههههه

سلااااااااااااام

ل..ب..ن..ى · 2010-03-23, 17:10

اقتباس:

المشاركة الأصلية كتبت بواسطة م.جواد

السلام عليكم
هذه هي حالت الانسان دايمن هب هب بح بح
مازال ملحقناش

ايه
دوك تلحق

ماتخممش هههههههه

ربي يطول في عمرك
سلااااااااااااام

سفيان · 2010-03-23, 17:11

كيف كيف انا تاني

علاه قلتلك عجبتني . . . .ههههه

ما تخبريش ما نخبرش . . .

ل..ب..ن..ى · 2010-03-23, 17:12

اقتباس:

المشاركة الأصلية كتبت بواسطة simsima-asmaa

امممممممم
وين راهو مكان اللي يقرا في الجامعة
و نهار نهار هو يجري من td لاخر؟؟
اما الفئات العمرية المقسمة فحسبها
راني مازالني في انتاع ما قبل 30سنة
و مازالني مطولة فيها بزاف
على حساب اللي مازالني اصلا ما بديتهاش
*19سنة فقط*

لالا القاعدة مطبقة على الدكور اكثر
البنات راهم من العشرين
حتى لاخر العمر
في سن
الحمار

حتى انا من سنك!!!!!
باقي عام وندخلو في سن الحمير ههههه

نورتي

سلاااااااااااااام

ل..ب..ن..ى · 2010-03-23, 17:16

اقتباس:

المشاركة الأصلية كتبت بواسطة سفيان

....................................

استر ماستر الله !!!

شكرا للمرور المنور

سلااااااااااااام

toufik626 · 2010-03-23, 17:21

انا مازالني في 22

شهد12 · 2010-03-23, 17:22

يقولو هاد القصة تخص الرجال
النسا كامل حياتهم وهما في سن
الحمار!!!!!
ههههههه

هههههههههههههه والله غير عندك الحق ختي لبنى النسا كامل حياتهم وهوما فالدمير