حتى انا نشارك في مسابقة عادل....ازمة الزواج موضوع جريدة الغروب ''باب السور اتبرع لهاذ المستور

نَقَآءْ اَلْسَرِيْرَهـْـ · 2010-03-23, 12:50

قلت نضرب عصفورين بحجرة وحدة ......نكون من احد اقلام جريدة الغروب تاع سعدون و نشارك في مسابقة عمي عدلون
قلت نخرج ندور و نتفرج احوال المجتمع .....بصح لازم تتخفى باه تقدر تحكي مع الناس
ايا قلنا النهار الاول نروحوا نطلبوا مساعدة مصلحة التصليح نقولولهم نعاونكم لوجه الله الكريم باه ندخلوا لكاش دار و نطقسوا الاخبار
دخلنا يا سيدي و كاميرا الغروب تتبع .....احنا طرقنا الباب و يا ستار استر الدار مقلبة المهم قربنا نسمعوا (ماش تنسنيس ) الاخ يقول لاختو زوجوني .....واش خصني ( لاخدمة لا دار ) و باغي ياسس عائلة
النهار الثاني قلنا قدامنا غير السوق .....ماش اي سوق وين حوانت الاعراس (حلويات , ملابس , جهاز ) ......ايا سيدي اتفقنا مع بائع قلنا نشدوا بلاصتو وكلشي بحقو ......(الدنيا دراهم يخطاك جيبك تضيع ) ...... و بداو لي كليونت يدخلوا اسمعوا الحوار
الزبونة :السلام عليكم .....
انا :و عليكم السلام نورتي المحل اختي
الزبونة :جيت نشوف باغية نجهز عرسي قريب ماذابيك تعاونينا....
انا : يا بابا واش نعاونها الحاونت خاطيني .......اتفضلي اختي واش تشربي
الزبونة : عصير فراش
انا : ''في قلبي '' هاذي ما فطرتش باغية الفطور على حسابي .......معليه اختي بصح احكيلي اذا ما فيها ازعاج انو شهر عرسك .....وواش احوال العريس ان شاء الله لاباس ......
الزبونة : العرس هاذ العام ......انا جيت نريزيرفي (تحساب في روحها في كار ) نخير الحوايج و هو يجي يسلك
انا : اسمع عرايس اخر زمان ......هو يطيب و هي تاكل الساجي الله الله
اختي احنا فاتحين فرع مساعدة اعطينا رقم العريس نشوفوا باه نعاونوكم
الزبونة : اتفضل ( ما قالتش لالا......(لله يا المحسنين عيني عينك )
المهم اتصلنا بالسيد و سالنا على احوالوا و خبرناه مسكين بالغرامة .......قالنا خاطيني ما نعرفها شكون قالكم ( بعدما فاق من الصدمة حوالي ساعة باه رد علينا )
رحنا شفنا احوالوا عايش عند اهلوا مخلص قرايتو بالصح كالعادة شومور و بلا دار
كملنا جمعنا الاخبار ......و جات في بالي فكرة ( نشوف اللي باغيين يزوجوا في الانترنيت اي نعملوا احصائيات )
المشكلة انو معظم اللي حكينا معاهم عندهم ذات الازمة .......و المشكلة او الكارثة الاكبر اللي باغيين يزوجوا ( نظن تتفكروا مسلسل عضو و عضوة تاع الزبرجد ) نفس الحكاية من القوقل كوبيي كولي .......هاذي دار و هذا جهاز و خواتم و تاكسيات .......خيال واسع الله يبارك جيل المستقبل
مع العلم الشباب مساكن مظلومين المشكلة البنات ( يتبعوا في المظاهر و الغيرة يا ستار استر كيفاه هاذيك عندها و انا لا و امهاتهم : نعمل لبنتي عرس في فندق 1000 نجمة ) ......الا من رحم ربي
كون تفيقلوا زوالي ترميه في دقيقة ......................
ازمة الزواج فاقت ازمة البطالة اللي باغي يزوج يلزملوا خدمة و دار .......الزواج رجع حتى يولي الشاب في عمرو 40 الى 50 سنة يعني يكون روحو ( ما يجي يزوج غير يلحق للقبر ) يشيب راسو و يخرف في هاذاك الوقت.........
ناقشونا في هاذ الموضوع
و للي باغي المساعدة يدخل على موقع جريدتنا المخصص للزواج www. باب السور اتبرع لهاذ المستور .com

شهد12 · 2010-03-23, 12:57

ههههههههههههههه موضوع هادف وففي نفس الوقت يقتل بالضحك
والله غير هادا هو الواقع اللي رانا نعبشو فيه الشباب قتلاتو البطالة تلقايه في سن انتاع الزواج وو ماعندو لا دار لاخدمة بصح فوق هاد يحبو يزوجو ومبعد يحصلو
على هاداك في الوقت هادا تلقاي المحاكم معمرين بقضايا الطلاق تلقايهم عندهم 15 يوم منين زوجوا جاو يطلقوا

نَقَآءْ اَلْسَرِيْرَهـْـ · 2010-03-23, 13:26

مشكورة غاليتي شهد على المرور الراقي بصح نقولك يزوجوا اسع و بعدها يطلقوا ..........

الأمل القااااادم · 2010-03-23, 13:49

موضووووعك هاااايل
الزوااااج هاذ الوقت أصبح صعييييب
لازم يدرسوووه و يحللو جميع الجواااانب
قبل ما يتزوجوا
نقصت النية من الطرفين
ربي يصلح الأحواااااال

راهي كونكيرونس كبيرة على المسااااابقة
مام انا نشاااارك في المساااابقة
زوريني...

https://www.djelfa.info/vb/showthread.php?t=276346

شوفوا حال بعض بنات بلادي وين وصل !!!في بالها لابسة و هي عرياااانة...!!! ‏(

1 2 3 ... الصفحة الأخيرة)

س..ع..ي..د · 2010-03-23, 13:55

صح ختي زهرة عند الحق موضوع هاااايل ان شاء الله تربحي لانو نجاح من نجاحي

واذا ربحتي راح تفليكسيلي

حمـ 0418 ــزة · 2010-03-23, 16:47

السلام عليكم ورحمة الله وبركاته
مشكورة على الموضوع
وهدا الرد ايضا راه
copier -coller
هههههههه
سلام

الـ^ـسَّــآآحِـ^ــرْ ، · 2010-03-23, 16:53

شكرا اختي الزهراء

ل..ب..ن..ى · 2010-03-23, 17:15

يعطيك الصحة زهراااااااااااء
فنانة يا قطقوطة
موضوع واقعي
بطريقة مجتمعنا

نعطيك الاوسكار

سلااااااااااااااام

كمال الاسلام · 2010-03-23, 19:50

واش عدناك زهراء

رجعتي تهدري بالدرجة هههههههه

لحكيت عليهم راني منهم

كان نلقى واحد تقبل بيا بلا خدمة.................... نقبل

نقطاع لبحور باه نوصل ليها

بصح شكون هذه لتقبل بيك هكذا

وحتى اذا قبلت هي

وليدها راح يقبلوا

ربي يجيب الخير

لكل مسكين كي بحالتي

ويفتح عليه ابواب الرزق

م.ح.م.د · 2010-03-23, 20:23

بارك الله فيك اختي الكريمة على الموضوع الرائع+التحقيق
المشكل انها البنات ياسر و الزواج قالعنب

م.ح.م.د · 2010-03-23, 20:25

السلام عليكم شكرا على الموضوع و بارك الله فيك على التحقيق اللي درتيه
المشكل انو البنات ياسر و الزواج قليل
ربي يقرج

نَقَآءْ اَلْسَرِيْرَهـْـ · 2010-03-24, 00:06

نورتي اختي فرفووووووووووووورة و ان شاء الله نرد على موضوعك

نَقَآءْ اَلْسَرِيْرَهـْـ · 2010-03-24, 11:43

اقتباس:

المشاركة الأصلية كتبت بواسطة س..ع..ي..د

صح ختي زهرة عند الحق موضوع هاااايل ان شاء الله تربحي لانو نجاح من نجاحي

واذا ربحتي راح تفليكسيلي

نورت خويا سعيد .......ان شاء الله تربح انت ثاني على الاقل واحد فينا يجيب وسام ( عندنا 100 سنة هنا و ما عطاونا وسام هاذي لازم نحطها في جريدة الغروب ) .........دمت

نَقَآءْ اَلْسَرِيْرَهـْـ · 2010-03-24, 11:44

اقتباس:

المشاركة الأصلية كتبت بواسطة حمـ 0418 ــزة

السلام عليكم ورحمة الله وبركاته

مشكورة على الموضوع
وهدا الرد ايضا راه
copier -coller
هههههههه

سلام

يا لطيف مستخسر فينا حتى رد :d........راني قلت ناقش ماش كوبيي كولي ........نورت يا حمزون

نَقَآءْ اَلْسَرِيْرَهـْـ · 2010-03-24, 11:46

اقتباس:

المشاركة الأصلية كتبت بواسطة ع،ـبد اللـّطيف ₪ الجَــزائِــرے

شكرا اختي الزهراء

نورت اخي سااااااااااااااااااااااامو