الى كل من كان يتشاجر هنا كلمة حق

thorpe · 2010-03-14, 14:46

بسم الله الرحمن الرحيم

السلام عليكم ورحمة الله تعالى وبركاته

اليوم يا جماعة ما نكذبش عليكم واللله ملي دخلت للمنتدى وقلبي يوجع وش هذا الي صرى
اولا راني حاب نكون عادل وصريح مع الكل وما يهمنيش الي يحبني ولا الي يكرهني لانو راني رايح نقول الحق وربي رايح يشهد
اخي كمال نبدا بيك لانك انت من بدا هذه الحملة درك نقولك يا خويا وارجو الا تغضب مني
1... انت كي درت الموضوع الي تهجمت فيه على الفريق الوطني ووليت تسب وتتمنى في الخسارة له هنا بدات المشكلة لاني تبعتك درجة درجة وقريت الردود كامل والحمد لله ما حبيتش نرد لانو ما عطانيش قلبي نرد والله

2 بعدها وبعد اجابتك على الردود حصلت مناوشات بينك وبين بعض الاعضاء ولكن انت ما حبستش لثم وحبيت تنتقم لربما منهم بطريقة معينة في اليوم الي بعدو درت موضوع كان هادف لكن ماهوش وقتو وراك عارف علمن درتو وكنت تقصد بيه شخص وانت اخترت العنوان نتاعو على شكل تحذير للبنات الاقل من 18 سنة من التعارف واشياء زي هادي لكن راك عندك الحق في نقطة انو صح ممكن تنصح لكن ماشي بهاد الطريقة يا خويا
لانو طريقتك بصراحة ما عجبتنيش انت كنت تقصد شخص من وراء كلامك وطريقتك خلات كل واحد فينا يشك في نفسو لانو ماكانش الي ما يحكيش مع البنات هنا وماكانش الي ما عندوش ايميلات واتحدى اي شخص لا يوجد في علبته ايميل ولو لبنت عمه او زميلة دراسة
بصراحة ما عجبتنيش الطريقة لانو بينت نفسك وكانك انت البطل وانت الوحيد الي لازم يثيقوا فيه وسبحان الله توالت الردو والردود والردود عليك خاصتا من البنات الله اعلم لماذا
3... بعدها جا الموضوع الي بعدو من الاخ abdelmadjid75 وفي الحقيقة اعجبني عنوانه ومظمونه لكن للاسف ماكانش ردود عليها لانها باينة بلي رايحة تقوم حرب بين عضوين هنا وانا بدوري كيما رديت عليك واثنيت على نصيحتك لبنات المنتدى رديت عليه هو ثاني لانو عجبني موضوعه بكل صراحة وتمنيت نشوف ردود كل الاعضاء والعضوات مع انو خص الذكور بالرد اكثر من البنات
ولا تقل يا اخي انو راني ندافع عليه ولا راني معاه انا ماراني مع حتى واحد انا مع الحق فقط ومع نفسي

4... جاء الموضوع نتاع فاطمة البتول الي كشف كل الاوراق وقلب كل شيء ملي كنت نشوف الردود بالاثناء والشكر صرت نشوف الردود بالسب والتهم
يا فاطمة انا راني معاك في بعض الكلام الي قلتيه والله عندك الحق صح في تسمية بعض الناس بالمنافقين وموضوعك عجبني نتاع الصح
لكن بكل صراحة كي تهمتي كل الرجال خلاص هنا عرفت بلي ما عندكش مشكلة مع شخص او اشخاص معينين بل عندك مشكل مع كل من هو رجل والله اعلم

و الله يا اخوتي ويا اخواتي راني ما لقيت وش نكتب بصراحة مانيش عارف نحكي اصلا انا راني حاب نختصر كلامي درك شوفو يا اخوتي الي حاب يدير الخير كاين طرق كثيرة والي حاب يتقابض كاين الناس في الشارع الي مستعدين يديرو المشاكل والي حاب يفيدنا مرحبا بيه

ارجو الا يغضب مني احد وان يتقبل الحقيقة لانو والله العظيم راني ماني مع شخص وربي يسهل على كل واحد لكن ما رضيتش توصل الامور بيننا لهذه الدرجة
سلااااااااام
thorpe
لا اله الا الله محمد رسول الله

V0LCAN0 · 2010-03-14, 14:57

يعطيك الصحة خويا thorpe
على الأقل كاين أعضاء لديهم الشجاعة ومايلتاوش بالنقاط والأوسمة فالمنتدى
هذا صاحبنا كمال بانتلو بلي دايما كلامو هو الصح وياويلو لي عارضو .
تعرف في موضوع عبد المجيد قالو ماكش راجل وزاد قال ولي يشاركو في موضوعك ماهمش رجال .
بانتلو كيعاد مسمي روحو *اسلام* الجميع *كفار*
ومنح لروحو حق الفتوى والحكم الراشد فالمنتدى
سب الفريق الوطني وقلنا ماعليش
سب دزاير وقلنا ماعليش
سب بوتفليقة وقلنا مايهمناش
سب عبد المجيد
سب فاطمة البتول
قاعد يشر على علالو
سبني انا
واش راح اطير يا كمال ؟؟؟
حط رجلك فالأرض .
المنتدى ماشي ملك *باباك*
سلام ومشكور خويا
thorpe

سعد ابو يوسف · 2010-03-14, 15:00

السلام عليكم
بارك الله فيك على هذا الطرح الذي ترجو ونرجو من خلاله الاصلاح بين الاطراف التي تشاجرت

كنت اقرا بعض الردود بعيدة جدا عن منزلة اصحابها
علي سبيل المثال

كمال الاسلام من خلال اسمك ما شاء الله عليك عندك حمية اتجاه هذا الدين وتحبه وتنصره

فاطمة البتول نفس الشيء سمات نفسها على بنت الرسول صلى الله عليه وسلم
ولها غيرة على دين الله
ما شاء الله عليكما

ولكن ......... ما هكذا يا سعد تورد الابل

لذا من اراد النصح حسب علمي وانا اجهلكم ليس هذا شكله وموضوعه

وان ترمي شخص بالنفاق ليس بالامر الهين والله كلنا له زلات وعثرات ينبه عنها والا لسنا موكلين عنه
النبي صلى الله عليه وسلم قال له الله عزوجل انك لا تهدي من احببت ولكن الله يهدي من يشاء
وقال ليس عليك هداهم ولكن الله يهدي من يشاء
الانسان يبلغ ما امره الله به باللين والحكمة والموعظة الحسنة
قال الله تعالى ادع الي سبيل ربك الى الحكمة والموعظة الحسنة وجادلهم بالتي هي احسن ان ربك هو اعلم بمن ضل عن سبيله وهو اعلم بالمهتدين

واقول ان اريد الا الاصلاح ما استطعت وما توفيقي الا بالله

و.وحيد · 2010-03-14, 15:00

السلام عليكم

وانا اقولها صراجة
اخي حسين فتحت باب اخر لمزيد من الخناق التافه
اصبر وتشوف
على كل شكرا على المبادرة .ان شاء الله نكون غالط برك
سلام

thorpe · 2010-03-14, 15:05

اقتباس:

المشاركة الأصلية كتبت بواسطة V0LCAN0

يعطيك الصحة خويا thorpe
على الأقل كاين أعضاء لديهم الشجاعة ومايلتاوش بالنقاط والأوسمة فالمنتدى
هذا صاحبنا كمال بانتلو بلي دايما كلامو هو الصح وياويلو لي عارضو .
تعرف في موضوع عبد المجيد قالو ماكش راجل وزاد قال ولي يشاركو في موضوعك ماهمش رجال .
بانتلو كيعاد مسمي روحو *اسلام* الجميع *كفار*
ومنح لروحو حق الفتوى والحكم الراشد فالمنتدى
سب الفريق الوطني وقلنا ماعليش
سب دزاير وقلنا ماعليش
سب بوتفليقة وقلنا مايهمناش
سب عبد المجيد
سب فاطمة البتول
قاعد يشر على عالولو
سبني انا
واش راح اطير يا كمال ؟؟؟
حط رجلك فالأرض .
المنتدى ماشي ملك *باباك*
سلام ومشكور خويا
thorpe

اولا اشكرك على الرد اخي الكريم
لكن ارجو منك فقط واعتبره طلب من اخيك ان تتضغاضى عن بعض الامور فكلنا نخطا لكن خير الخطائين التوابون
خويا لعزيز انا ان شاء الله درت هذا الموضوع باه نصلحو الامور بين بعضنا ماشي نزيدو نشعلو حرب
يعني انا كي درت الموضوع ذكرت فيه كل شيء محاسن ومساوئ المواضيع الي فاتت وان شاءالله يكون هذا الموضوع سبب في الصلح بيننا
ماشي عيب الانسان يقول اسف عيب الانسان الي يغلط ويتمادا فالخطا نتاعو ويحط روحو انو ما غلطش
سلاااام خويا volcano وشكرا على المرور

rahma111 · 2010-03-14, 15:08

عطيتهم موضوع اخر للتشاجر...
نيتك صافية..مي..جيت تكحلها عميتها..
ودرت حلقة اولى لمسلسل جزائري بامتياز.

thorpe · 2010-03-14, 15:09

اقتباس:

المشاركة الأصلية كتبت بواسطة سعد ابو يوسف

السلام عليكم
بارك الله فيك على هذا الطرح الذي ترجو ونرجو من خلاله الاصلاح بين الاطراف التي تشاجرت

كنت اقرا بعض الردود بعيدة جدا عن منزلة اصحابها
علي سبيل المثال

كمال الاسلام من خلال اسمك ما شاء الله عليك عندك حمية اتجاه هذا الدين وتحبه وتنصره

فاطمة البتول نفس الشيء سمات نفسها على بنت الرسول صلى الله عليه وسلم
ولها غيرة على دين الله
ما شاء الله عليكما

ولكن ......... ما هكذا يا سعد تورد الابل

لذا من اراد النصح حسب علمي وانا اجهلكم ليس هذا شكله وموضوعه

وان ترمي شخص بالنفاق ليس بالامر الهين والله كلنا له زلات وعثرات ينبه عنها والا لسنا موكلين عنه
النبي صلى الله عليه وسلم قال له الله عزوجل انك لا تهدي من احببت ولكن الله يهدي من يشاء
وقال ليس عليك هداهم ولكن الله يهدي من يشاء
الانسان يبلغ ما امره الله به باللين والحكمة والموعظة الحسنة
قال الله تعالى ادع الي سبيل ربك الى الحكمة والموعظة الحسنة وجادلهم بالتي هي احسن ان ربك هو اعلم بمن ضل عن سبيله وهو اعلم بالمهتدين

واقول ان اريد الا الاصلاح ما استطعت وما توفيقي الا بالله

بارك الله فيك والله وارجو ان يكون هذا الموضوع تداركا للاخطائ قبل فوات الاوان لانو والله يوجد اناس عرفتهم هنا والله العظيم احسن ممن كنت اعرفهم لمدة 4 و5 سنين
ولهذا لا اريد احد ان يخسر الاخر بمجرد كلام
بارك الله فيك اخي الحبيب وجازاك الله كل خير

thorpe · 2010-03-14, 15:10

اقتباس:

المشاركة الأصلية كتبت بواسطة وحيد المسلم

السلام عليكم

وانا اقولها صراجة
اخي حسين فتحت باب اخر لمزيد من الخناق التافه
اصبر وتشوف
على كل شكرا على المبادرة .ان شاء الله نكون غالط برك
سلام

ان شاء الله يتفهمو الموضوع لانهم ماشاء الله كلهم ناس واعيين وعارفين
بارك الله فيك

thorpe · 2010-03-14, 15:12

اقتباس:

المشاركة الأصلية كتبت بواسطة rahma111

عطيتهم موضوع اخر للتشاجر...
نيتك صافية..مي..جيت تكحلها عميتها..
ودرت حلقة اولى لمسلسل جزائري بامتياز.

ههههه اختي ان شاء الله رايح يكون غير الخير لانو راني واثق بلي كمال و volcano و فاطمة و الاخ مجيد كلهم واعيين ويعرفو الخطا من الصواب اما بالنسبة للمشكلة فهي مجرد زلة لسان ربما او وسوسة شيطان رجيم
بارك الله فيك

¨°o.سيدو~علالو.o°¨ · 2010-03-14, 15:16

*ربي يهدي النفوووووووووووس*
*بارك الله فيك خويااااااااااا*
*سلام*

thorpe · 2010-03-14, 15:17

اريد التذكير يا جماعة العيب ليس انيعترف الانسان بالخطأ و يتاسف
انما العيب ان يضن الانسان انه دائما على صواب وان الناس دائما غالطين في حقو
يا جماااااااااااعة اذا كنت انا الي غالط سامحوني والله واذا كنتم انتم راكم مسامحين دنيا واخرة من عندي

thorpe · 2010-03-14, 15:18

اقتباس:

المشاركة الأصلية كتبت بواسطة علالو أبو درمان

*ربي يهدي النفوووووووووووس*
*بارك الله فيك خويااااااااااا*
*سلام*

اللهم امين يارب العالمين من فمك لربي يا خويا علالو

rahma111 · 2010-03-14, 15:21

واش يا اخ وحيد..وقيل طحت في اسمك القديم...جزائري بامتياز..ياك.
ما زلت ما عرفتش الاسماء الحالية حتى نعرف القديمة...هههه.
انا قصدت انها بداية مسلسل جزائري سامط مليان بالمعاني ...

أم نور · 2010-03-14, 15:25

بارك الله فيك اخي رد حكيم من انسان عاقل
نتمنى برك ماتكونش سبب في مشكلة اخرى لانو المنتدى بدا يسماط من المشا جرات

و.وحيد · 2010-03-14, 15:27

اقتباس:

المشاركة الأصلية كتبت بواسطة rahma111

واش يا اخ وحيد..وقيل طحت في اسمك القديم...جزائري بامتياز..ياك.
ما زلت ما عرفتش الاسماء الحالية حتى نعرف القديمة...هههه.
انا قصدت انها بداية مسلسل جزائري سامط مليان بالمعاني ...

ههههههههههههههههههههههههههههه
واش نقولك ختي الله يهدينا وخلا ص
درك نحذف الرد وانت احذفي الاقتباس