يا بخصتاه منكم يا اعضاء المنتدى

[ANOS]

والله قلبي راح نلوحو من الاعضاء هادو يا خي عباد ياخي كي قالت سيرين مشجعين كرطون صدقت
عييييب وحشومة عليكم
عيييييييييييييييييب
عييييييييييييييييييييييب
عييييييييييييييييييييييييييب
لي راح يطلب في اعتذار من ال فرعون ولي راح يسب في سعدان ولي راح يتمنى استقالتو
كيما قالو السوارة
والله ماكان عشمي فيكم هيك
والله بخصتو بينا
المرة الجاية كي نربحو ولي يفرح من لي سبو سعدان نعرفو واش نتصرفو معاه
العضوة قطر الريحان انا

[ANOS]

نبكي ولا نضحك قولولي برك

[sirin4]

والله عيب عليكم واش قاعدين تقولو على سعدان الذي أهلكم الى المنديال بعد 24 سنة

واحد يقوللك مين جا سعدان وهو يوجعلنا في قلوبنا والاخر يقوللك ما يوقفش من كرسي الاحتياط

أنا نقلكم أنتوما اللي تبعتو البالون غير في جوان 2009 ما كالاه تحلوا فامكم

امالا نقولكم آلاكس فرغسون أكثر مدرب عندو ألقاب في العالم جامي في حياتو وقف من كرسي الاحتياط

وزيد يا عجابة يا ربي مباراة ودية تقلقوا عليها المهم تعرف النقائص راهو جايك المنديال

هاذو اللي ديما يسبو في سعدان داروها ضد المالاوي ثم أتوا بعد ماتش الكوت ديفوار يشكرونه ويصفونه بشيخ المدربين ووووووو

وزيد راهي الدنيا مقلبة بالغيابات صح الهزيمة قاسية شوية بصح استخلصنا بلي رحو غير يريح في البيت

استخلصنا أنو يبدة ما يصلحش صانع ألعاب استخلصنا أنو لازم مهاجمين صريحين استخلصنا بلي زياني لازم يلعب في فريقو لانو الفريق تعنا بلا زياني =التشاد والأهم من

كل ذلك استخلصنا بلي عودة شاوشي مفروغ منها وتعلمنا بلي لازم نديروا أرضية كيف تع اللوروب ماشي تع 15 يوم وطيش

ونقولكم بلي الجمهور الجزائري ما حبش يتعلم أن البالون فوز و خسارة

يحب ديما رابح نحسابو رواحنا البرازيل

[حمدي212]

الكرة فوز و خسارة و هاته ليست الخسارة الأولى و ليست الأخيرة عادي جدا

[ياسمين الجزائر]

يعطيك الصحة على هذا الكلام و لي فعل مثل هذه الاشياء السخيفة و يقول مثل هذا الكلام السخيف هم قلة و ليس لهم اي علاقة برياضة

الجمهور الرياضي الحقيقي يقف دائما جنب منتخبه و يشجعه مهما كانت الظروف اكيد يكون فيه نوع من الغضب عليه و لكن بدون تجريح او سب

او تفضيل الغير عليه احنا مع الخضرة مهما حصل و ربي يكون معهم و يبعد عنهم هذا النحس

[ANOS]

شككرا بزااااااااااااف

[mordia]

زعما غاد نربحوا في المستقبل ؟؟؟؟؟؟؟؟؟؟؟ما شكيتش.........

[ANOS]

كملي عليما يا اختي كملي

[fifi mimi]

المشاركة الأصلية كتبت بواسطة anos

والله قلبي راح نلوحو من الاعضاء هادو يا خي عباد ياخي كي قالت سيرين مشجعين كرطون صدقت
عييييب وحشومة عليكم
عيييييييييييييييييب
عييييييييييييييييييييييب
عييييييييييييييييييييييييييب
لي راح يطلب في اعتذار من ال فرعون ولي راح يسب في سعدان ولي راح يتمنى استقالتو
كيما قالو السوارة
والله ماكان عشمي فيكم هيك
والله بخصتو بينا
المرة الجاية كي نربحو ولي يفرح من لي سبو سعدان نعرفو واش نتصرفو معاه
العضوة قطر الريحان انا

عندك الحق والله غير صح بصح حنا الجزايريين دايما هاك

[rachod]

اختي يعطيك الصحة انا و الله مفهمت والوا ماخلاوا مدرب ماخلاوا لاعبين رجعوا الكل محللين و فاهمين و سعدان نساوا خيروا و لاتلهم مصر مليحة و ننسحبوا
والله العقل زينة
معاك يا لخضرة معاك يرابح سعدان

[نور الهدى دريد]

والله غير عيفوني من المواضيع البائخة والتافهة ولا سعدان ماشي مدرب واللاعبين ماشي ملاح ربي يهدي برك من هذا النفاق الي نشوف فيه بكثرة في هذا المنتدى.

[djemadikhaled]

وش راكم تهدروا المونديال اهلنا ليه اللاعبين وماهوش سعدان اللي يلعبلي واحد مايمركيش 7ماتشات ورا بعضاهم كيما غزال وثاني لاه كي نخسرو تسبوا شاوشي وقواوي البارح نسيتوه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ارجو الراي

[NEWFEL..]

هذا هو الشعب كي تربح يقولك راني معاك كي تخسر يعود يمنشر فيك

[ملكة المنتدى]

لا حول ولا قوة الا بالله العلي العظيم مشي غي تبهديلة اكثررررررررررررررر
وقيل يعرفوا احسن من سعدان هههههههههههههههههههههههه
لا حول ولا قوة الا بالله العلي العظيم

[sweet-kurapika]

Merci a vous tous Wallah
vous m'avez remonté le morale...parce qu j'ai commencé a croire que tt les supporters Sont devenu des Égyptiens
Ok n a perdu mais je préfère perdre mnt dans un match amical que des perdre dans le Mondiale.....et la tout le monde est devenu meilleur que Saadane....les joueurs son nul et toutes ses conneries (dsl pour le mot) réveiller vous on est loin d'étre parfait mais on va rattrappé nos fautes et se renforcer d'avantage
Grand Merci a vous (ANOS et SIRIN 4)