افكر بالانتحار

[مشكلتي]

لسلام عليكم مشكلتي خطيرة ارجوكم ان تساعدوني بفكرة قبل ان انتحر
فكرت في كل الحلول و لم اجد اي حل ياست و بقي حل الانتحار فقط هدا و صعب يجب ان اجد باطيمة مرتفعة جدا لكي اصعد الى سطحها و ارمي نفسي لكي اتاكد انني ساموت و ليس تحصل لي اعاقة او شلل فقط
القصة طويلة جدا لو احكيها كلها بتفاصيلها لن تكفي 500 كتاب
المشكلة هيانا طفلة عمري 28 سنة انا اعيش في سطيف مع امي و اخي اظلم ناس في البشرية دارو في المنكر من ضربوني عراوني طيشولي قشي اللي نشتيه طيشولي ادواتي و كراريسي تاع الباك قصولي شعري داوني لمصحة المجانين 3 مرات
المشكلة هي ان هذيك المراة التي ليست ام طول تحوس تقلبني كيما اخواتاتي متعريين في الدار و يدوشو توال بعضاهم ... و انا نشتي نلبس المستور في الدار يعني روبة نلبس تحنها سروال و فيستا من الفوق و نشتي ندوش وحدي و نشتي نلبس اللون القهوي و حجاب ملتزم هذا ذوقي الخاص ...هي مالا حطتني معقدة و تحوس تقلبني كيفهم .......متعرية كيفهم و منلبسش الحجابات و انا نشتي نلبس المستور في الدار و برا ...مستحيل نولي كيفهم

عندي زوج اخواتي مزوجين في سطيف و اغنياء جدا ميعيطوش طول بالعام و هذيك المرة تقلي كان تعيطيلهم و تشكيلهم نحرش عليك هذاك الراجل اللي هو خويا مطلق
عندي اختي مطلقة ثاني و كارية في سكيكدة وحدها تقري ثم عشت عندها 7اشهر دارت فيا اسوا من مرت الاب كل دقيقة تقلي ضك نزعكك و ضك نعيط لخويا يديك للمصحة و اني لميتك من الشارع كنت نقرى للباك كي كنت عندها و كي جيت لسطيف باه نعقبو كي خلصتو طول داتني هذيك المرة للمصحة بقيت فيها شهر كامل اسواء شهر في حياتي و مجاتش زارتني طول كي خرجت من المصحة زعكتني هذي اختي و قالت للمرة هذيك منيش قابلتها طول عمر
انا كنت سعيدة في سكيكدة كي نخرج برى نشري الادوات او نشوف الطبيعة و كي وليت لسطيف نضال حزينة و دايما نبكي حتان وليت منشوفش مليح كي زعكتني دمرتلي حياتي

الان هذيك المرة راهي تشربلي في وحد الدواء نفسي جابتو من عند طبيب مهدرش معايا مره طول كتب الدواء و برك منيش نحوس نشربو طول يدير الرجفة و جفاف الفم و يزيد الوزن و انا نكره السمنة كثيرا نحوس نبقى رقيقة
البارح شافتني طيشت الدواء قاتلي وقيل عجبك الحال في المصحة تحوسي نقلبك ليها و سمعت اختي المطلقة هذيك في التلفون قاتلها حرشي عليها خويا يضربها و ديها للمصحة حطيها 3 اشهر جاتني صدمة كيفاه اختي تهدر عليا هكذا مالا هذي شيطان
مع العلم انا عندي ليسانس انجليزية ملقيتش بيها خدمة و عندي ست باكات شعبة علوم تجريبية كنت نعاود فيه على جال معدل الطب
خدمت خطرة عام في شركة و لميت شوي صوارد عندي الان 10 ملاين نحوس نكري بيهم وحدي في سكيكدة و نحوس خدمة ثم باه نلم الكرى تاع العام الجاي لكن مخلاونيش نكري وحدي متقولوليش يدخلو عليك الرجالة لان اختي كارية وحدها و مخل عليها حتى واحد
عندي خالاتي نروح نشكيلهم قالولي مقدرنالهاش هذي المرة قاتلهم بنت ندير فيها وش نحب قاتلهم متدخلوش و انا قاتلي كان تروحي ليهم او تعيطيلهم نكسرلك البورطابل مع العلم واحد ميمدلي مية فرنك في الدار هذيك
واحد ميقلي ام او .... لانها مهيش ام طول اني حكيتلكم وش دارت فيا و باختصار كان نقلكم حوايج خراين تتشوكاو انا راني متبرية منها الى يوم القيامة منسامحهاش طول عمر تخيلو قاتلي ضك نديك للمصحة تاع المجانين في بليدة و نخليك ثم طول عمر و يحطولك راسك في المرحاض و تقلي نتاجك زوجو و كوارث اخرى وصلتني للانتحار

الان وش ندير راني كرهت علبالي بحل الدعاء و ربي لكن انا 20سنة و انا في هذا البلاء و محبش يجيني الفرج طول كرهت مقدرتش نزيد نصبر كثر والله
قلت ننتحر وقيل ربي يسامحني لانو علبالو بلي حطني مع شياطين مشي مع عاءلة و متحملتش الظلم تاعهم فكرت نروح للشارع نتحمل فيه البرد و الجوع عادي والله لكن منتحملش فيه الرجالة و الاغتصاب مستحيل خالتي قاتلي ارواحي عيشي عندي طول عمر هذيك المرة قاتلي كان تروحي ليها نجيو نديوك للمصحة تاع بليدة تبقاي فيها طول عمر
الدواء ولات تذوبولي في الماء باه تتاكد بلي شربتو و قالت لخالتي تبقى تشرب فيه طول عمر

كيفاه ندير ارجوكممممممممممممممممممممممممممممممممممممممممممممم ممممممم

[الملآذ]

السلام عليكم ورحمة الله تعالى وبركاته
ترددت كثيرا في الاجابة على مووضوعك حقيقة البعد عن الدين هي من تسبب هذا الشيئ...
قلتي حابة ننتحر وربي يسمحلي ...قتل النفس حراااااااااااااااااااااااااااااااااااااااااااااااا ااااااااام نقطة انتهى ..
اما عن الاشياء الاخرى الحل بيدك افرضي نفسك على اساس انك انسانة مولات 28 سنةةةة
اكثري من الاستغفار والدعاء ..

[alilo.cr7]

شوفي خت الانتحار لا ولن يكون حل الوضوء والصلاة في ثلث الليل الأخير تحقق المعجزات الحل موجود عند علام الغيوب فقط انت أسجدي واقتربي منه وسترىن كل الخيرات بالنسبة للناس لي تقول دعيت دعيت وماتبدل والو عندما تدعوا وانت وااااثق ان حالك سيتغير وان كل شيء في حياتك يحدث لحكمة خفية لا يعلمها إلا الله والله ستأتي ساعة الفرج لأن إستجابة الدعاء مربوطة بالثقة بالله عز وجل واجهي ضروفك و سترين ان الأنتحار ليس حلآ ولن يكون كوني قوية و واجهي ضروفك وربي يفرجها عليك اختي

[*عبدالرحمن*]

السلام عليكم ورحمة الله و بركاته

نصيحتي لكِ هو دعاء الله تعالى

هذا الدعاء شأنه عظيم يقرب من المولى

ويبرهن على التوحيد وفيه صدق المناجاة

تفرج به الكربات وتحقق به الحاجات

وتدفع به السيئات وتستجلب به البركات

تفتح به الجنات وينجي من النار والعذاب الأليم.

و صفات الدعاء المستجاب

رفع اليدين والتوجه إلى القبلة

وأكل الحلال والصلاة على النبي

و الالحاح في الدعاء

الله يستجيب الذي يدعوه مفتقرا إليه.


و الانتحار كبيرة من كبائر الذنوب

وفاعلها متوعد بالخلود في نار جهنم أبداً

ويعذبه الله تعالى بالوسيلة التي انتحر بها

وليتأمل المسلم أنه ليس هو الوحيد في الدنيا

الذي يصيبه البلاء والشدة

فقد أصاب البلاء سادات البشر

وهم الأنبياء والرسل والصالحون

وأصاب أيضاً شر البشر وهم الكافرون والملحدون .

فالبلاء سنة كونية لا يكاد يسلم منها أحد .

فإذا أحسن المؤمن التعامل معها بالصبر

وجعل ذلك سبباً لرجوعه إلى الله

واجتهاده في العبادات والأعمال الصالحة

كان البلاء خيراً له وكان مكفراً لذنوبه

حتى لعله يلقى الله تعالى وليس عليه خطيئة .

فقد قال صلى الله عليه وسلم :

( مَا يُصِيبُ الْمُسْلِمَ مِنْ نَصَبٍ وَلَا وَصَبٍ وَلَا هَمٍّ

وَلَا حُزْنٍ وَلَا أَذًى وَلَا غَمٍّ حَتَّى الشَّوْكَةِ يُشَاكُهَا

إِلَّا كَفَّرَ اللَّهُ بِهَا مِنْ خَطَايَاهُ )

رواه البخاري (5642) ومسلم (2573) .

[مراد سابقا10]

شوفي يا اختي اولا لازم تقتنعي بلي راكي مريضة نفسيا وشوف نقولك الواحد كي يكون مريض نفسيا هو في اغلب الأحيان الأشخاص لي معاه لي يعرفوا ذلك

يعني اكبر خطا ترتكبينه في حق نفسك هو التوقف عن تناول الأدوية من تلقاء نفسك ، شوفي يا اختي الأمراض العقلية لازم تتناولي الأدوية النفسية مدى الحياة

ولازم تتقبلي ذلك علاه لي مريض بالسكري ميضربش الأنسولين لي مريض بالضغط ميشربش ادوية الضغط لي مريض بالسرطان ميتناولش ادوية السرطان

المنطق لي تمشي بيه غالط يا اختي ومتقولوليش منشربش الأدوية لأنها تجفف الفم وتزيد الوزن من اعراض الأدوية النفسية ما تقولين صحتك بجل ما فائدة

ان تبقي رقيقة وانت تفكرين بالإنتحار.

انا ننصحك لوجه الله لازم تساعدي نفسك واش تساعدك عائلاتك اوك يجب ان تطلب من عائلتك ان تذهبي معهم المرة القادمة لطبيب الأمراض العقلية

ماشي يجبيبولك الدواء هوما من الطبيب كي يسمعك الطبيب احسن من ذلك زيدي حاجة اخرى لازم تروحي عند اخصائية نفسية بالإضافة

لطبيب الأمراض العقلية الأخصائية النفسانية تساعدك تنظمي حياتك

بصح اياك واياك والإنتحار عالجي كيما الناس وعيشي حياتك عندنا 3 ملايين في الجزائر مرضى نفسيا وعقليا واراهم يشربوا الأدوية وعايشين عاديي .

ربي يشفيك.

[رَمَادِيَاتْ]

شوفي يا أختي.. كل واحد في ذي الدنيا ربي دارلو ابتلاء معين،
هي صح تجرح بزاف كي يعاملوك بأسلوب التهديد والقساوة لي وصفتيها.. والواحد كي مايلقاش عايلة تدعمو في مرضو يزيد يمرض اكثر واكثر... لكن نصيحتي ليك انك تتصالحي مع حقيقة أن الله ابتلاك بهذا المرض.. وقد ما تصبري بإذن الله ربي يجازيك
ولذلك فالامتناع عن شرب الدواء ماهوش حل.. على العكس هكا راكي تأذي في روحك برك.. المفروض انت تروحي برجليك عند الطبيب وتصارحيه قاع بواش راكي تحسي.. هكا يقدر يشخص الحالة عن قرب ويبدلك الدوا اذا دارلك اعراض جانبية ضراتك..
رانا نتعاملو مع بزاف ناس تعالج عند بسيكياتر ... وعايشين حياتهم عادي، فلازم اول حاجة انك انت تعاوني روحك بروحك في هاذ النقطة..

أما الانتحار فماهوش حل.. لوكان جات الموت هي نهاية المطاف لوكان قاع رانا قتلنا رواحنا وتهنينا من المرض والألم وحياتنا لي مازالها رايحة وتتكركر ، ها بصح الحيا فيها حساب وعقاب..

ريقلي مشكلتك الصحية مع الطبيب... وقوي ايمانك بالله، ودرك مع الوقت ان شا الله ممكن تبالك افكار تع خدمة وتخرجي من المود هذا

ربي يكون معاك ويفرج عليك

[ايمان4]

الانتحار ضعف شخصية و حرام انسيها مش حل خلاص ، انا ننصحك باش تزوري طبيب نفساني في غضون سنة راح تولي اخرى راح تحكيلو و يعرف سبب الوسوسة و علاش المعاملة تاع داركم مش مليحة كلش هو لي راح يقولهولك و راح يساعدك ف الشفاء ، ادعي ربي و ابداي انشطة اختي انت راكي قارية تقدري حتى تدرسي بالانترنت من المنزل مش شرط تجبري عند الدولة لانو راكي تعرفي الخدمة عزيزة ، شوفي تبعي rania ben croft ف يوتوب و انستغرام و وحدة نسيت اسمها وقيل sarah mimoune قراو انجليزية كيفك ف الجامعة و راهم خدامين و يديو ف الدراهم ، ابداي بنشر دروس مجانية في الاول و ممبعد لي يبغي يحجز حصة معاك يخلصك ب ccp و سجلي ف مواقع التدريس italki و غيرهم المهم اشغلي روحك بجني المال من النت و اخرجي للطبيب النفساني و عالجي روحك ملييييح كاين تاع الدولة اسالي ع واحد مليح او وجدة و داومي عندو سنة او حتى سنتين المهم حتى تريحي مليييح ، ما تفكريش ف امك و اخواتاتك خلاص خممي ف الدراهم و العبادة و كيفاش تطوري من نفسك تقدري تدخلي تقراي تاني تخصص جديد ف الجامعة ما شاء الله انت مش مجنونة عندك 6 باكات ، شوفي كونطرات عمل ف الخليج انت انجليزية عندك حظوظ شوفي و ا تياسيش اذا ما جبرتيش ادخلي للجامعة اقراي تخصص له علاقة بالبترول ادخلي للنت و شوفي اهم التخصصات المطلوبة و اقراي ليسانس فيه و ديريها هدف ، المهم اتحركي و اخطيك منهم انت الهاي ف روحك و فقط و روحي للطبيب النفسي فرغي الطاقة السلبية لي راها فيك و ادعي ربي و ممبعد كي تحسي روحك فرغتي هديك الطاقة شوفي كاش ولد حلال و روحي ديري عائلة ربي يوفقك

[ايمان4]

راكي في عز شبابك استغلي وقتك فيما يفيدك عايلتك عامليهم بالحسنى و ما تدخليش في نقاشات عقيمة معاهم ركزي مع صوالحك و فقط كل واحد يدبر راسو .... لكن احكي كللش للطبيب النفساني لا يستعمل الدواء هو لي يداويك بالهدرة فقط ، راه خاصك شخص بروفيسيونال يساعدك باش تفرغي الطاقة السلبية فقط و ترجعي كي الوردة .... اختي ديري ربي ف قلبك و نحي عليك فكرة الانتحار مش فكرة خلاص ، انا تاني كنت واحد القيس موسوسة مشيت لطبيبة نفسية عالجت و درك راني نحمد ربي و يشكرو و كي نتفكر نضحك ع روحي ... و وحدة خالتي تاني عاد هي ربي ستر شعرة و تموت عالجت عند طبيبة نفسية ما شاء الله عليها درك ناجحة في حياتها و جبدتلها قاع العقد تاعها و تخلصت منهم و درك تحمد ربي و تشكرو و راها لاباس عليها خلاص

[اسماعيل 03]

ربي أرحم من أهلك كاملين ومايرضاش انك تقضي على الروح اللي عطاهالك باه تعيشي بيها وطيعيه وتعبديه وتدخلي الجنة، الروح هاذي مش ملكك ، هو امتحان وابتلاء ليك نشالله تنجحي فيه ويشرحلك ربي صدرك ويقوي إيمانك، ارفعي راسك للسماء وشوفي مُلك ربي الكبير وشوفي هاذ الكون العظيم ثماية تعرفي بللي الدنيا هاذي والأرض اللي رانا فوقها والناس اللي عليها ماتسوى والوا وما تستاهلش أنو الواحد يضعف إيمانو لدرجة يخمم يختار النار والجحيم على الأذى الدنيوي اللي فايت ويزول
ادعي ربي وابكيلوا في الثلث الأخير من الليل هو يتولاك
ربي يقوي إيمانك ويهدي أهلك

[ع.عيسى]

قريت قصتك وعندي شكوك انها من نسج الخيال والله اعلم ...سمعت كل انواع الجنون في هذا العالم باستثناء جنون التعري امام افراد الاسرة الواحدة والاجبار على ذلك ....اذا كانت قصتك حقيقية فاعلمي انك انسانة عاقلة تعيش وسط مجانين ولكي ربي ينجيك من هذا الجو المجنون التي انت تعيشين في وسطه رددي دعاء يونس عليه السلام لا اله الا انت سبحانك اني كنت من الظالمين ...وان شاء الله ربي ينجيك

[نجاة^^]

شوفي عزيزتي ،الدنيا فانية فانية مالا خلي تلقاي الصح قدام ربي سبحانه ،لانه مهما بلغت بك الإبتلاءات فستنتهي يوما ما ،أما انك تخممي في الإنتحار وعلابالك بلي ماراح تحكميها لا دنيا لا آخرة لأنه قتل النفس حرام ،بما انك قريتي وتخرجتي من الجامعة وعندك ست باكات يعني راكي لباس بيك الناس اللي تهبل فيك ،شوفي طبيب نفسي ،وأتقربي من ربي وادعي وأستغفري ،ربي يشفيك ويعافيك

[جالب الخيرات]

الإنتحار مرة واحدة...................................أختي راك وقيلة أهبلتي...............رانا في القرن الواحد و العشرين الناس ولات ما تفكرش فيه.............بدلوا حوايج وحد أخرين.......................... منها الذكر و الدعاء و خوف الله و الصلاة في جوف الليل..................الأنه لإنتحار يدخل في صميم قتل النفس و قتلها حرام بالإجماع.......................................... ..........من خلال كتباتك يتضح ان أهلك ربما يتصرفوا معاك لأنهم لايكرهونك و انما لحبهم الشديد لك..............فبحبهم لك أفرطوا في المعاملة معك لعنادك....................لأنك عنادية ما تاخذيش الراي....................امالا خذي رايهم و كولي دواك و عيشي هانية..............................و ديري كيما راهم اقولولك........................................... ..........ما تعاسريهمش ما تعاكسيهمش باه تلقايهم معاك.....................امك مهما تكون راها مستحيل اتحبلك الشينة...................اميمتك اتهلاي فيها......................و انت كثري من الإستغفار و الدعاء و الصلاة و خليك من هاذ التفكير اللي ما عندو حتى معنى...............................عليك بتقوى الله و الدعاء فلعل الإجابة قريبة.......................نسأل الله لك العافية و المعافاة في الدنيا و الآخرة و كان الله في عونك.............................................. ...دمت سالمة............................................. ......................