ابني في خطر بين ذراعي

[مشكلتي]

لدي رضيع بعمر الزهور شخص على انه لديه تشوه خلقي في القلب كبير رحت لبوسماعيل جاب بيا الوقت هداك الطبيب وكيله ربي حالته المفروض عملية مباشرة بمدلنا في كونترول ورا كونترول البريفي مكانش الاطباء الاجانب هوما اللي يقدرو على عمليته
قانونيا المفروض لاكناص تتكفل بارسال حالته للخارج سقسيت نتم قالولي منبعتوش والعمر بيد ربي وقالولي متعوليش عليه زيدي احملي واولدي
العملية في الخارج اوروبا ناس تقول توصل لمليار وناس تقول لالا هوما مالفين بالعمليات هادو مش كيفنا بعت لوحد المستشفى قالولي 800 مليون في الخليج اقل من هاد السعر والمشكل الحدود مغلقة
راني حاكمة في ربي علابالي يقدر يشفيه في رمسة عين يولي قلبه جديد وراني ندعي ونصدق لكن مقدرتش نسيطر على خوفي على ابني بين يديا ونخاف في اي لحظة
محاس بيا من عايلتي او عايلته يتعاملو معايا وكاني معندي والو معنديش ابتلاء انا راني وليت نحس كبدة تاعي تتحرق حريق لداخل كل منشوفو يزراق كي يبكي
راني نخمم نبيع كلوتي بصح كفاش وين نروح وكفاش نبيعها ونداوي ولدي راني ملقيت بيها وين
كلش مقفول في وجهي نحس بروحي قاعدة نتخنق

[اسماعيل 03]

أذهب البأس رب الناس، واشف أنت الشافي، لا شفاء إلا شفاؤك شفاءً لا يغادر سقماً
البخاري ومسلم.
ربنا الله الذي في السماء تقدس اسمك، أمرك في السماء والأرض كما رحمتك في السماء، اجعل رحمتك في الأرض، اغفر لنا حوبنا وخطايانا أنت رب الطيبين أنزل رحمة من رحمتك وشفاء من شفائك على هذا الوجع فيبرأ.
أبو داود

[aiche]

الله يجعل لك مخرج في العاجل غير الآجل
لا حول ولا قوة إلا بالله,,,,
كان الله في عونك يا أختي

[tassnim5]

دعاء السحر سهام القدر
عليك بالدعاء و قيام الليل.
من قال لك لا تعولي عليه قولي له أنا اعول على رب العباد و خالقهم و ليس على العباد الذين لا يملكون من أمرهم شيئا ولا يحسنون القول و الفعل.
أحسني الظن بالله و التجئي اليه فهو العالم بحالك و حال ابنك.
شفاه الله و عافاه.

[zakisat1]

ربي يشفيه و ترتاحي راني دعيتلك مع قلبي اختي ، شوفي حطي فيديو في الفيس اطلب المساعدة مازال كاين الخير في الناس و يمكن يلقاو لك حل

[ايمان4]

ادخلي للفيسبوك صفحة top commentaire مرات يساعد الناس ينشر الطلب و مرات يكون كاين تجاوب و الناس تلايم .... و تاني شوفني القنوات التلفزيونية ديري نداء للقلوب الرحيمة ... كبريها باش الدولة تسمع بيك و تساعدك

[Elwawy]

ربما يكون هناك حل في تونس أظن يمكن الدخول مع حجر يرجى التأكد.