موضوع مهم ارجو نصيحة الاساتذة

[ايمانو الجزائرية 01]

السلام عليكم و رحمة الله تعالى و بركاته



صراحة انا في حيرة شدييييييييييييييييييييييييدة و لا ادري ماذا افعل



الان الوضع مخيف و لا يبشر بالخير بسبب الفيروس عافانا الله و اياكم


الان نحن كطلاب بكالوريا ماذا يجب ان نفعل ؟؟


اذا لم يتحسن الوضع لا قدر الله قد تغلق المدارس و تعلق الدراسة و بالتالي استحالة انهاء البرنامج و قد تكون العتبة

اذا تحسن الوضع ان شاء الله يجب ان نكون قد انهينا البرنامج قبل افريل ان شاء الله





ما هو افضل شيء يمكن فعله ؟؟

[dounia-zed]

وعليكم السلام
برايي ليس لدينا حل غير مواصلة دراستنا في البيت وفعل مايكننا فعله وندعو الله وفقط
ديري برنامجك راهم 20 يوم ديري فيهم عجب من مراجعة دروس سابقة و تقدم في دروس وحل تمارين ..
وربي يوفقنا ويستر

[ايمانو الجزائرية 01]

اجل لاختي دنيا لكن على الاقل يجب ان نعرف ما احسن شيء يمكننا فعله


شخصيا انا محتارة بين انهاء البرنامج و بين المراجعة


ارجو منكن ان تصوتوا و اتمنى ان يدلي الاساتذة الكرام بارائهم

[وسام سومة]

سلام ايمان
بالنسبة ليا راح نكمل المراجعة تاع الفصلين 1و2 ونعاود نحفظ كلش من جديد
ونحل تمارين في الفيزياء والرياضيات على واش قرينا لازم نكمل هاد الفصلين لي فاتو ولفصل 3ربي ورحمتوا ديجا كي تتهني من 2فصول وتكوني مبازية فيهم غاية مايبقالك والو مع العلم الفصل 3ممكن يجي فيه عتابة حتى اذا مجاتش فيه مامبا 3دروس ولا يعني تقدري تخليه حتا تقريه والراي رايك

[نـــورسين]

ماتبقايش تخلطي في الامور والافكار على روحك اقراي وتوكلي على ربي وخلاص والحسابات بزاف راهي تديك غير لتوسويس برك ، الناس كامل ماكملتش لبرنامج يعني في رايك اذا بقى الحال هكا راح يدخلوا حوايج ماقريتهومش !! كونوا منطقين شوية
لحد الان اغلبكم قراو 85 من البرنامج في جميع المواد اقراي واش قريتو الفصل الاول والثاني وحلي تمارين ومواضيع البكالوريا واحفظي *بالمختصر خممي في 85 بالمية الي قريتوها ماشي 15 بالمية الي ماقريتوهاش ودازير كامل ماقروهاش *
كي تطبقي كل شئ وتتمكني من جميع الدروس والمواد لكي الحرية في اكمال البرنامج ههه

[اكرام براءة]

راجعي دروس الفصل الاول و الثاني
و ثبتي روحك فيهم و حلي تمارين عليهم و افهميهم مليح و ماتخميش في البقية
رانا كامل ماكملناهمش و مستحيل باش يديرو حاجة لالجيري كامل ماقراوهاش
احتمال كبير جدا أنو المواد الأدبية رح يكون فيها دروس الفصل الاول و الثاني فقط
الرياضيات الدالة الأصلية و التكامل و ماشي سور داخلين أصلا اذا كان عليهم بزاف نقطة تسما نورمال
الفيزياء السوجي واضح فيها
ميكانيك و كيمياء و نووي أو كهرباء
يعني ماكالاه تخمي تقراي حاجات ماقريتيهمش
ركزي على ما سبق و ماتضيعيش روحك
اقرايهم مليح باش تضمني المعدل الممتاز

وفقنا الله و إياكم

[ايمانو الجزائرية 01]

شكرا جميعا على المرور


يعني ربما لم تفهموني جيدا لحظة لاوصح



1 ) الاساتذة نبهونا بشدة على التمكن من الوحدات الاخيرة بتوجبه من السادة المفتشين

2) كل الطلاب الذين سبقونا شددوا على ضرورة انهاء كل البرنامج في مارس للدراسة باريحية لاحقا
3 ) تعلمون انه بالكورونا او بدونها اغلب التلاميذ لا يدخلون الفصل الثالث ( في مؤسستي منذ الفص الثاني ندرس 3 او 10 كاقصى حد )
يعني يجب ان نعرف ماذا نفعل



شكرا مجددا اراؤكم صايبة جدا


كنت موسوسة بزاف الله غالب

[Mimy Loulitita]

بالعكس
هذا مؤشر ليكم باه تكملوا المراجعة تع الفصل الأول و الثاني
و الفصل الثالث لكااان رجعتو تقراو او تقراوه و لكان ما رجعتوش متقراوهش
انتم
اعقدو العزم و كملو واش درتو
ربي يوفقكم
و دمتم

[محٍبَة آلُِرٍحٍمآن]

انا شخصيا رح نبدا نراجع من الفصل الاول كل المواد ونحل ليباك وزيد احتمال كبير يديرو العتبة ووممكن ما نقراوش كامل الفصل الثالث اذا الوضع زاد تطور خليك من دروس الفصل الثالث اقراي غير الاول والثاني كيفاش تقراي حاجة مزال مقريتيهاش في الكلاصة باين بلي مراحش يطيح دروس الفصل الثالث الا اذا اجلو الباك وهاذي مليحا لينا ينقصو علينا الدروس تع الفصل الثالث
مبروك علينا العطلة بلا ليكور

[اللهم ارزقني عفةمريم]

انا عن نفسي نعاود من جديد كلشي فصل 1 و2 كيما يقول نهضمهم ملييح ومانخلي ولو احسن من نمشي في البرنامج وانا ماني فهم ولو
رايحة نقرا جيولوجيا كاملة حنا مكملناهش في لكلاصة بصح رايحة نقراها وحدي لان رايحة تجي في الموضوعين
ربي يقدرنا برك وبيعد علينا الوباء