السلام عليكم و رحمة الله تعالى و بركاته
وعليكم السلام ورحمة الله وبركاته
اود استشارتكم بامر هام جدا
تفضلي
قسمي " طوايشي شوية " و بزاف مرات يتفاهموا ما يروحوش كي تنفحلهم و حتى هذا العام راهم هكا مثلا يكونوا حصص مافيهمش فايدة يقولوا رانا نجو نضيعو وقتنا دونك مكلاه نروحوا وووو
في رايكم هل من الاحسن نروح ؟؟ للعلم صح حصص تع مضيعة وقت باعتبار الاساتذة غير اكفاء و شغل منديرو والو
و ثاني لوكان نروح انا نسكن بعيد و لوكان الاغلبية ميجوش الاساتذة يرجعوني للدار
مازلتي في بداية العام ماتاخذيش نظرة على الاساتذة هكا من الاول ، ممكن نتي سمعتي على الاساتذة هاذو ماهمش اكفاء وووو لكن ممكن نتي بلاك يخرج عليك وتفهمي عندو كي تحطي راسك معاه ،لانوا كل واحد واش يخرج عليه
هل من الاحسن الا كاش خطرة تفاهموا ما يروحوش نروح لليسي ؟؟ و للعلم منقدرش نقعد فقسم وخداخر باعتبار اساتذة النهائي تع هذا العام كامل هم اسوء اساتذة فالمؤسسة
بصح كي منروحش نقعد موسوسة و لوكان راحوا و لوكان الاغلبية حضروا
و معنديش النيميرو تع حتى وحدة ( كامل تع مصلحة و ميقولوش الصح )
و الا مرحتش و قعدت نحط النقاط على الحروف الناقصين عندي مثلا الا كنت محتاجة راحة نرتاح و الا كنت اقصة فمادة نراجعها
هل هذا رح يعتبر قلة انضباط ؟؟ و هل نسقط من عين الاساتذة مثلا ؟؟
ما الاحسن ؟؟
للعلم عندي ظرف يجلع ذهابي للثانوية صعب و شاق جدا خاصة الا القسم ما جاش
كيفاش ندير ؟؟
اذا كاين عندكم مكتبة في الليسي اقعدي ثم واقري في الحصص الي يتفاهموا فيها ويخرجو ولاجيبي معاك كاش كتاب خارجي او سلاسل المهم اقري وحدك ولاكاش حاجة تحفظيها مدام داركم بعيدة
+
هناك مشكلة اخرى امنى نقاشها معكم
في مؤسستنا هناك ظاهرة غريبة تلاميذ الاقسام النهائية لا يشاركون ابدا و خاملون تماما لا يتناقشون مع الاساتذة ووو و حتى الاساتذة من يشارك يعتبرونه غريب الاطوار نوعا ما و يبدا زملاؤه بالسخرية منه و " الضبيح " .... و سبب عزوفهم عن التفاعل و المشاركة خوفهم من العين و الحسد
هل هذا في مؤسساتكم ايضا ؟
و ما رايكم في هذه الظاهرة ؟؟
كاينة منها انا العام لي فات لاحظتها كي تسألي ولاتناقشي الاستاذ كانو واش صرا ولا مثلا تناقشيه على الدرس ولا التمرين وو
يفعدوا حايرين وهيا هذذاو العفايس بالعكس تفيدني وتفيدهم ، انا كنت كي منفهمش حاجة نروح للاستاذة كي تولي وحدها ونسقسيها مش في القسم لانوا يقعدوا لاتين بيك راهي تحل ووو ععلى اساس حنا في عام عادي وهو بالعكس اهم عام للتلميذ الي ماكانش يحل تمارين يحل والي مايحفظش يحفظ .....
يعني نتي ماتهتميش بيهم كامل عندك سؤال اسألي الاستاذ تاع القسم ولا ليكور كي يولي وحدو ولا نادية لبلاصتك عادي نتي رايح باش تتعلمي وتنحي الغموض من الدرس ، حنا قبل الاستاذ تاعا يقولونا ماترحموناش من الاسئلة اذا ماسألتوناش ذرك وكتاش تسألونا
واهم حاجة ديما تفكري بلي جهدك هو الاساسي لوكان يجبولك احسن اساتذة وتكوني ماتبذلي حتى جهد ماتفرقش وعام الباك 80 بلمية جهدك نتي وديري في بالك الاستاذ سواء في القسم ولا ليكور مايميدلكش كل شئ نتي الي تبحثي وتسألي لانه ديما يكون كاين غموض في عفايس
علابالي طولت عليك مي ان شاء الله نكون افدتك 
( تقرير عن مشاركة سيئة )، و الموجودة أسفل كل مشاركة .
2019-09-18, 15:02
ماذا افعل
العرض العادي
