من المخطئ

[مشكلتي]

السلامة عليكم ورحمة الله
اخوتي باغية حل غنطرطق وماقديتش
انا تزوجت وسكنت في بيت العائلة
بصح لقيت ام زوجي تتحكم فيا بشكل رهيب موعد النوم والاكل والقضيان والخرجة وزجي ماعندهش اي مشكل عادي الوضع عنده ومن ماناخدش رايها تعيط وتتقلق انا قلقت كيفاش مصيري تتحكم فيه امراة قالولي ديريها كي امك بصح هي ماتعاملنيش كي امي عاونوي شاندير

[زبدة ذايبة]

شحال عندك زواج؟؟؟

ممكن انت اللي ولفتيهم تكوني إمرأة مطيعة

أبداي انسحبي من الأوامر بالتدريج

خليها تتقلق مرة وزوج حتى تبدى توالف

كي تطلب منك حاجة قوليلها راني عيانة

وكي تقولك ديري كذا وكذا قوليلها نديرو مرة أخرى ماشي اليوم

وهكذا

أما تكوني ليها عبد فهذا و أمة فهذا والله عين ال.........


تحرري منها

وتتقلق ولا تقعد

تطيعيها بالمعروف وإكراما لزوجك فقط

أما تحولك لخادمة عندها

فهذا مرفوض

[ماري نت]

لا أستطيع القول من فيكما المخطئ ،فلكل واحدة منكما وجهة نظر وترى نفسها الأحق والأصوب ، لكن عليك أن تتخلصي من تسلطها بالتدريج ودون أن تثيري ضجة يعنى بالمختصر المفيد قولها نعم نعم وفي الواقع ديري رايك ، لا تشاوريها في كل شيء ، حاولي أن تقلصي صلاحياتها لفائدتك همشيها في بعض الأحيان ، الأمور الخاصة بينك وبين زوجك لا تطلعيها عليها ، ومع الوقت توالف وتكره وتحبس ، لماذا كل هذا ؟ لأنك إن عودتيها على الطاعة ستتقلص حريتك أنت وحينئذ ستمرضين فإذا أردت التحرر من قبضتها تولي أنت ماكش مليحة ومتمردة وستؤلب عليك زوجك وبناتها وعائلتها والجيران و...........

[بـــيِسَة]

سلام

يا اختي ان شاء الله يكون عندك اولاد على الاقل
يكون الطلاق صعب ... فهمتيني اظن
لا عليك

بما انك درتي كلش باش اديريها مثل امك
و هي لا تستغل هذه الفرصة

ديري دارك وحدك و الا مكاش كيفاه امممممممممم
فهمي زوجك بالاحداث و حاولي اتقنعيه باه يفهمهاااااااااااا بنفسه

اختي والله ربي معاك

[amoulette]

موضوع وقت النوم و وقت الاكل قضية نظام يعني نظكي روحك و لازم وحدك تفيقي الصباح تديري شغالاتك و تكمليهم قبل وقت الفطور يعني هذا موضوع تنظيم وقت كما ان النوم لساعات طويلة يضر اكثر مما ينفع
و كذلك عليك الحفاظ على موعد الوجبات (يعني لفائدتك انت و ليس لعزوجتك)
اما الخرجة فهذا موضوع بينك و بين زوجك
ولكن اذا كانت خارجة و حابة تديك معاها لازم تقولك قبل بش يكوون عندك وقت للتفكير اذا تروحي و لا لا و باش تجهزي نفسك
و كذلك مين تحبي تروحي لمكان ما قوليلها قبل راني رايحة للمكان الفلاني مش راني حابة نروح ولا كنت باغية نروح يعني كي تاخذي قرار خلاص لا رجعة فيه
هكذا معندها ما تقول
اما بخصوص اخذ رايها فعليك تفهم انك راكي ساكنة في دارها علابيها تزعف ميين ما تشاوريهاش و كيما قتلك ما تسأليهاش اسك ندير هكذا و لا هكذا قوليلها ديراكت رح ندير هذيك الحاجة يعني افرضي نفسك

[هـــدوء]

نتي الغالطة خاطرقبلتي تسكني في بيت العائلة و تنازلتي على حقك في بيت مستقل....

[krimo19918]

انتم بنات اليوم يليقلكم غير العجوز الحارة راكي حاسبة روحك في داركم تنوضي كيف حبيتي و متديري والو يا اختي انتم اصلا مجيحينكم اماتكم غير الماكلة و الرقاد و تزيدو تحبوا تشرطوا في عزايجكم تحسب الراجل مرنيش عارف شكون كبره حتى تجوا تدوه واجد كما عاشوا والديكم عيشوا

[noursm]

ادعي ربي ما تبقاش تعاملك بهاد الطريقة و توكلي عليه.
احيانا امور تبدو لنا تافهة ما تساهلش الدعاء لكن بالعكس ربي هو مسهل كل الامور.
و كحل عملي في رايي ما ديريش على رايها بالملاحة كيما نقولوها اقتليها بالقدر.
مثلا تقولك ديري حاجة ماكيش حابتها قوليلها حاضر حاضر و مديرهاش حتى تكره تعود ما تقولكش.
و كون تعيط في وجهك قادريها و تبسميلها و قوليلها عندك الحق بالصح المهم انتي ديري رايك.
كي شغل كوني ديبلوماسية معاها.
ربي يكون في عونك.