الباك رااه تاع مهابل مكانش لي ميديش

ميااار · 2019-01-04, 07:14

السلام عيكم
خاوتي كيف الحال يا محاربين اتمنى ان تكونوا بنفس الارادة والعزيمة التي بداتم بها
اليوم بغيت نهدر عل الباك وعلى لي مزالو مبداوش من درك
وحابة نقولهم ابداو من درك درك ابداو لازم تقراو مكانش حاجة صعيبة فالبباك حكاية ارادة وصبر

بالنسبة لمادة الرياضيات
فيها زوج حوايج 1/حط في راسك بلي راهي مادة اكثر من تافهة 2/ حل التمارين شرط ان تكون بالحلول

الفيزياء
الاستاذ مولاي عمر ولا الاستاذ شريفي يا خاوتي عند هادو في زوج الفيزياء راهي تمشي فوق الارض
بلا مانساو حل البكالوريات السابقة
العلوم
نلخصها في كلمة افهم ثم احفظ ثم احفظ راهي مادة حفظ يكذب عليك لي يقولك فهامة بسك تحتاج لمنهجية وهي ليعطوك نقاط عليها
الاجتماعيات
استعينوا بكتاب محمودي عادل الذي يمكنه تحميله على الانترنيت وننصحكم تبداو بالمصطلحات والتواريخ بسك كي تحفظ هادو تكون ضمنت 12 نقطة والدروس راك تحتاجهم في الوضعيات فقط والمصطلحات ماتشخروش راكم في سومسن تخلصو تاع عام كامل
اللغة العربية
لي نسميها انا المادة المجانية ختي خويا فهاد المادة تبع الاستاذ في النصوص الادبية كفاه والنثر كفاه وحل على الاقل امتحان في الاسبوع
اللغة الفرنسية واللغة الانجليزية
سهلوهم يسهالوا ساهلييييييييييين خلاص تقدر تجيب فيهم 17 وطلع حلوا الامتحانات بزااف بزاف وحتلقاو رواحكم متمكنين من المواد هادو
التربية الاسلامية
تاع 3 ثانوي رائعة بسك تحكي واقعنا وساهلة للحفظ وابداو احفظو من درك الباك راه عل الابواب
الفلسفة مكروهة الملايين
شوفو مكلاه تخلعكم الفلسفة ماتشوفهاش كدروس شوفوها كمقالات العلميين عندهم 10 مقلات الى 12 ماتفوتش اذن ماشي واعرة كما انصح بالستاذ mhm bnh هاده قناتو في اليوتيوب راح يفيدكم بزاف وللي حب ملخصات في الفلسفة يقولي راني هنا

ننصحكم برك قبل ماديرو كل هذا حطو ربي في قلوبكم بسك هو لي راح ينجحكم وصصلاتكم ثم صلاتكم لي حاب يوصل لازم يصلي لازم يتعب ولازم يسهر الليالي لباك بقالو 5 اشهر ماتدي ماتجيب اصبر ضحيو وصدقوني راح تلقاو فاللخر ربي ماضيعش

مع تمنياتي لكم بالتوفييق تحت شعار بكالوريا الجزائر راي تاع مهابل المهبول ويدي الباك