ميني تارت بذوق الشوكولا ولا اروع

[souad skikda]

حبيباتي اهلا و مرحبا بيكم
اليوم جبتلكم وحد ال ميني تارت يهبلو درتهم والله ما يتشبعو
نخليكم مع الكيفية نبداو بالمواد السائلة نخلط 3بيضات مع 2 مغارف كبار سكر و 2م ص لافاني تاع الميزان
و بعد نزيد 100مل زيت مع مواصلة التحريك و نضيف 150مل حليب
نحضر المواد الجافة بخلط 300غ بيمو مرحي غبرة او أي نوع تحبيه انت انا نفضل بيمو
مع 2 م ك كاكاو و 2 باكيات خميرة كيميائية نوارة و ثم نضيف عليهم المواد السائلة
نحكم ليمول صغار نتاع المول العجيب لي تجي فيه فتحة في الوسط ندهنهم بالزبدة و نرشهم بالفرينة
و نعمر ملئ ملعقة كبيرة لانه راح يتنفخ و نحطو في الفرن على 180درجة مئوية كي يطيبو نخليهم يبردو
نروح نحضر قلاصاج متكون من فنجال حليب و فنجال سكر قلاصي و فنجال زيت و فنجال شيكولا ماكسون نوار مبشورة 2 م ك كاكاو الكل على النار حتى يتجانسو
ندهن الحلوى بالقلاصاج باستعمال بانسو ثم نرمدها في النواد كوكو و في المنتصف نحط م ك من القلاصاج و نعمل وردات بالكريم شانتي لي كنا طلعنا فنجال شانتي مع فنجال حليب بارد