اريد العودة للدراسة

[مشكلتي]

السلام عليكم ورحمة الله وبركاته مشكلتي اني اريد ان ادرس لكن عائلتي بالنسبة لها موضوعع دراستي مغلق وانتهى لكن السبب الاساسي عندنا قريت تخرجت يا تخدم يا تقعد فالبيت انا حبيت نكمل الماستر منحبش الخدمة (اشارة الى الاخت زبدة ذايبة اقتنعت الوالدة لكن خاوتي من سابع المستحيلات يقتنعو ) ابي ايضا مزال مقلنالوش لانو عن طريق الصدفة جات قريبتي وهي استاذة وتم اقناع امي علابالي تقولولي امك تقنع والدك ساهلة بابا ممكن يوافق منحبش نخسر علاقتي بخاوتي منجمش نشوف خويا يتشنف راهم يقولولي قريتي بزاف وزيادة افيدوني بدون تجريح

[noursm]

لكان صح حابة تتعلمي و تقراي (ليك يعني ليس من أجل الشهادة )
كاين مواقع يقدموا دورات أون لين و فيهم حتى اللي يقدموا شهادات ( و هذه المواقع فيها اللي مجانية)
مثلا موقع كورسيرا
و حطي أيضا في قوقل cours mooc
حوسي أيضا على الدراسة عن بعد إذا كانت متوفرة في احتصاصك
و في رأيي يعني إذا تجاوزتي 25 سنة ننصحك اختي حوسي على خدمة احسن
القراية و البحث العلمي شيء رائع و لكن يعتبر مضيعة وقت في بعض الأحيان خاصة في البلاد هادي .
و ننصحك تاني اختي استخيري الله، لأن اللي فيه خير يقدمهولك و يباركلك فيه .
بالتوفيق .

[زبدة ذايبة]

غريب !!!!!!!

كيفاش خاوتك مقتنعين بالعمل وغير مقتنعين بالدراسة.!!!!!!

إذا كاين اللي تقدملك للزواج

الزواج أحسن بكثيييير من الدراسة ومن العمل.

أي شيء ممكن تلحقي عليه

ماعدا سنوات عمرك إذا ضاعت

يفوتك قطار الزواج والإنجاب وقتها


شهادات الدنيا وأموالها ماتقدرش

ترجعلك المرحلة اللي راكي فيها الآن.


أما إذا ماكانش الخاطب الدراسة أحسن مع عائلة قد تكون متشددة

في الدخول والخروج للفتاة.

وبما أن أمك مقتنعة والوالد

شبه موافق

إخوتك من السهل إقناعهم.

ممكن هذي تخيلات فقط


وسوء تقدير للموقف فقط.


استخيري وتوكلي على الله.

وسيجعل الله بعد عسر يسرا.

[سيرين راجي]

تنفعي نفسك فقط نصيحة اقراي المهم امك وابوك كي يرضاو خاوتك يتزوجوا واح مايسقسي عليك

[toulay]

السلام عليكم
وخاوتك واش راحلهم فيك هذا مستقبلك انت
وكيما قاتلك الاخت لقبلي خاوتك يزوجوا وينساوك اصلا طبعا كاين استثناء
بما انو الوالدين الكريمين مقتنعين هذاك هو الصح
وفي بالي الكلمة الاولى والاخيرة لباباك مشي لخاوتك
بالتوفيق

[amoulette]

اقنعيهم بأنك عندما تكملين الدراسة ستجدين منصبا افضل و براتب اعلى

[رندة.]

مادام الوالدة تاعك اقتنعت ما تتقلقيش هي بدورها راح تقنع الوالد والإخوة ان شاء الله، ربي يوفقك في دراستك ويرزقك الزوج الصالح ان شاء الله.

[مسامح.]

أنت عندك الليسانس
وتريدين تزيدي القراية

[أم رقية نسرين]

كيفاه يرضاو الخدمة و القراية لا لا امر عجيييب !
شوفي نقولك اهم حاجة رضا الوالدين مدام امك مقتنعة بإذن الله تقدر تقنع الوالد خصوصا انو فيه إمكانية كبيرة باه يقتنع
إخوتك مدام مكيش حابة تخسري علاقتك بيهم و هذا موقف نبيل منك اطلبي من والديك يقولولهم
ربي يوفقك لما فيه الخير لكي

[أم رقية نسرين]

كيفاه يرضاو الخدمة و القراية لا لا امر عجيييب !
شوفي نقولك اهم حاجة رضا الوالدين مدام امك مقتنعة بإذن الله تقدر تقنع الوالد خصوصا انو فيه إمكانية كبيرة باه يقتنع
إخوتك مدام مكيش حابة تخسري علاقتك بيهم و هذا موقف نبيل منك اطلبي من والديك يقولولهم
ربي يوفقك لما فيه الخير لكي