اللعنة2

[مشكلتي]

سلام عليكم
انا لحكيتلكم مشكلتي قبل ايام هاذا رابط مشكلتي
https://www.djelfa.info/vb/showthread.php?t=2153934
حاب نشكر كل ادارة المنتدى وكل لرادو علي
نقولكم شكرا كامل بصح زعفوني بعض ناس لتهموني برجولتي
برك مافهمتونيش انيا انسان طيب نسامح بزاف للغاشي لغلط علي نسامحه بالخف
وزيد عاشق والعاشق يسمح لمحبوبته وانا نعشق مراتي سورتو فالاول دركا مع تصرفاتها موليتش كيما الاول
بصح مانقدرش نطلقها فمهتكم علاش راني نفكر في مصلحة ولدي وتدي علي الولد ويتربى ولدي بدون أب كيما أنا كي كنت
صغير كانه دراري يحقروني ويضربوني ومكنش ليدافع علي بابا مات
ووليت نكره المدرسة ونكره نخرج برا باش مايضربونيش دراري سوفريت كي كنت صغير حتى كبر شوية خويا وولى يدافع
علي .
منحبش ولدي يسوفري كيما انا اصلا حقرة دراري لي لخلتني نخرج من المدرسة الواحد كي يولي أب يفكر في مصلحة ولادو
ماشي في مصلحته هو كي تجربه وقتها غادي تفهموني كلكم
نكملكم واش صاري ياك قلتلكم هبلتني كل دقيقة هات وهات وانا ماتدخلش شهرية الجديدة حتى نولي بدين
ولا مرة ملي تعرفت على هذي المرا مابقيت بلا ديون وتتراكم منعرفش اش غادي ندير
ملي تزوجتها وليت كي المهبول نهدر وحدي حتى فطريق
وزيد كي نجيبلها حاجة مثل الدجاج المقلي جامي تمد لبقى لاهلي ترميه وماتمدوش وترميه قدامهم باش يشوفه
شريتلها فريجيدير صغير تديره في شومبرا بصح ترمي تقولي راهي حاملة ماتقدرش تاكل لتصبح

وماشي هذا برك لازم ديما نخرجها لانها عندها بوقلاق كيما تقول هي صافي كل مانخرجها اي حاجة تشوفها تبغيها
ومبعد كي نقولها مكنش تبدا تعايرني قدام الغاشي واش ندير نروح نسرق الله غالب زوالي وناا لازم نسكت خصوصا وهي حامل
وزيد دايما تهددني بلي تخليني وتروح عند فلان وعلان وانا راني ندير المحال باش نفرحها وهي واش درت مترضاش حتى عندي مدة
منقدرش نرقد من وجع ظهري يوجعني بزاف وماروحتش لطبيب لانه شوية هذوك لنمدهم لطبيب نصرفهم عليها
وكاين حاجة اخرى نسيت مقلتهاش ليكم
في مرة الاولى مرتي كاتخدن سجائر وهي بالحمل تدخت 5 سجائر باليوم
وانا لنشريهالها لو كان منشريلهاش تقوم القيامة وليبعو علبلهم انا لنكيف
وانا بحياتي كامل ماكيفت وتكيفهم داخل شومبرا باش مايشوفهاش خويا
نقولها سجائر تضر البيبي ونزعف عليها تزعف علي وتبدا تزعق وتعيط وتدعي لولدنا بشر وتبدا تضرب على كرشها
وتقول ان شاء الله يتولد معوق باش نخليهولك ونتهنى منكم بزوج ونروح نشوف حياتي وهي اصلا ندمانة بزاف
لانها حملت وكل ما تتوحم ولا تتوجع تبدا تضرب على كرشها وتدعي لولدها بشر
وتدعي علي ثاني بشر وتدعي باش نموت باش ترتاح مني خايف بزاف ولدي يطلع معوق
ساعدوني ليعرف في هد الامور يساعدني مع العلم قبل الحمل كانت تكيف اكثر من خمسة
وهي تقول سجائر برك لينحلها شوية بوقلاق لانها تتقلق بزاف
وكي تتقلق ماتعرفش اش تدير وانا راني نشوفها كي المهبولة لانه ساعات نقعدو ناكلوا نورمال
تقوم كي الوحش تخربشني على وجهي ولا تلصق فوق ظهري
ولا تقوم تشد مرت خويا من شعرها بلا سبة
وطبعا كي مايكونش خوي لانه كي يكون خويا تسكت حسها ماتسمعوش تخافه بزاف
خصوصا ان خويا ديما يبهدلها ويعايرها يعني خويا هو ليتهجم عليها بالهدرة وين يشوفها يبهدلها

والجديد لصرا دخلت البارح لدار على ساعة 11 كيما علبالكم عطلة البارح كي دخلت سمعت صوتها تهدر في تلفون
ربي يسامحني تجسست مور الباب عرفت بلي كانت تهدر مع شي راجل وتشكره على الماكلة لشرهالها وهي تهدر وفي نفس الوقت
تاكل ودخلت نحيلتها تلفون وسبيت ليهدر معها ورميتلها الماكلة لكانت في يدها هو شرالها همبرغر وسندويتش فيونداشي
وفلكسلها 1000 دج للبورطابل على هادي بورطابلها ديما عامر وتقولي يماها لتفلكسلها
ربي يسامحني بصح كنت زعفان بزاف وقلتلها شكون هذا وزعفت عليها فالاول خافت
ومبعد كي دخلت يما ومرت خويا وبداو يشدوني باش منديرش فيها حاجة ولات تقولي
انت سبة لوكان راك قايم بيا وتدير كل واش نقولهولك مانقول لحتى واحد يشريلي حاجة بصح انت مقدرتش تكون راجل
معايا وولات تعايرني بزوالي وبلي ندمت علاش تزوجتني

ويما قالتلي بلي طفل صغير لجاب الماكلة وبلي مرة على مرة يجيو دراري صغار
يجيوبلها ماكلة ويقلو بلي انا لنشريهولها على هادي يما ومرت خويا مشكوش لانهم علبلهم انا
لشنريلها ونبعث ولاد صغار وكي سقسيتها ادا خرجت معاهم يما ومرت خويا شهدو قالولي الخرجة ماتخرجش
من دار بلا بيك بصح ديما في تلفون تهدر وهما علبلهم مع يماها وصحباتها
هي متخرجش من دار لوحدها ماشي لانها تخاف مني لانها تخاف من خويا لان خويا حذرها بصح علبالي بلي
هي ماتديرش حاجة ماشي مليح يعني ماشي خيانة جسدية حتى قبل زواج ماتديرش حاجة لماشي مليحة معاهم
بصح هي وعدتني بلي ماتهدرش معاهم بصح اتصح انها كدبت علي كيفاش نوثق فيها دركا هادي
تخونني وتكدب علاش تدير معاي هكدا علاش علبالها تلقى كيما انا حتى واحد مايتحملها كيف ماتحملتها
وكي سمع خويا هدرتها بلي تهدر مع رجال دخل كي الوحش عليها وضربها قدامي وكي تدخلت مرته باش تمنعها
ضربها حتى هي للعلم خويا موالف يضرب مرته حتى لو لسبب تافه وديما ييعيط عليها ويحقرها
وديما ياما لتمنعها ولا انا كي يروح راجلها يضربها تجي تتخبى موراي وتشد فيا
باش ندافع عليها وانا زعفت عليه
قلتله علاش ضربت مرتي وهي حاملة قالي راهي تحب تجيب لنا العار وبلي
ماغاديش يسكت لحتى تروح من الدار وجرحني بهدرته وقاس رجولتي فضربته بالكف على وجهه فزعف وخرج ديركت ومرجعش لدار

ومرتي لمت قشها وخرجت مشيت مورها نرجعها بصح محبتش تسمعني وبدات تعيط فطريق وناس يشفولنا وكي روحت لدرها
باش نرجعها محبتش تخرج ليا برك تعايرني من داخل شومبرا ويماها تترعد وقاتلي رجع ومبعد ديها
للملاحظة يماها تخاف منها كي نديها لزيارة لامها قدامي كي تقولها يماها علاش تعايري راجلك ولا علاش
راكي هكدا وكتاه تعقلي تقوم مرتي
مرتي عندها تشد يماها من شعرها قدامي على هادي يماها لو كان لقت ماتروحش كامل
وهي دايما تقولي علاش جبتها ويما ومرت خويا ديما يقلولي ديها لاهلها باش نتهناو شوية
وهي معروفة تدير المشاكل بين الجيران وتعاير الجيران حتى زوجات اخويها طردتهم من دار
وكانت تضربهم وخويها واحد منهم دخل الحبس بتهمة تجارة المخدرات والسرقة عنده دركا 7 سنين مخرجش والاخر ثاني دخل الحبس
بتهمة سرقة وخوها معروف بزنا والاخر واعر بزاف وكل ناس يخافوه وويمشي بدوا مهبول شوية والموس ديما معاه هادي هي عيلتها
وباباها عاود زواج صافي ميكونش ديما يجي برك مرات مرات ومعلبلوش كامل بيهم
وحنا البارح فليل مرقدناش كامل يما بقات تبكي ومرت خويا تبكي على راجلها وانا كل ليل مرقدتش نبكي على
زهري المعوج وعلى خويا خفت كاش مصراله لانه مدخلش من هداك الوقت لدار للعلم انه جامي بات برا الدار
الامر خفت بزاف عليه انا نحب خويا بزاف لو كان كاش ميصراله نموت انا وخويا موالفين نتضاربو بصح المرة هادي كان جدي
انا منكرهش خويا كيما فهمتم وكيا لتهمني واحد هنيا قالي بلي خويا
يحشم بيا لاني خوه حنيا علاقتنا قوية احنا صحاب بزاف قبل مانكون اخوة نقصرو نتمسخرو مع بعض
يدخل لشومبرا نتاعي يخير واش يحب من لبسة ولا اي حاجة يحبها يديها
ولا يدي بروطابلي يعيط به ولا يلعب العاب فيه
وندخل لشومبرته نخير واش نحب من لبسته ولا اي حاجة نرفدها
بلا مايقولي بلا مانقوله حتى درهم خويا شهريته مليحة شوي خير مني وهو ليصرف على دار كامل لانه انا ديما مديون
حتى العرس هو لدرهولي واي حاجة دركا نقوله يمدلي يمدلي وجامي نرجعلو دراهم وهو مايقوليش
وهو خويا الصغير انا نكبره ب 7 سنين هو 27 سنة في عمره وانا 34 سنة وتزوج قبلي بصح مجبش دراري لانه عنده مشكلة
يداوي منها وهو خويا الوحيد وهو سندي بدنيا دعوا باش يرجع وباش ميخليناش سقسينا عليه
صحابه قاله مجاش لينا واقربائنا محبيناش نتصلوا بيهم باش منقلقهمش
يعني نستناو شوية بلاك يرجع راني نكتب ونبكي نرضي خويا ولا نرضي مرتي
راسي يوسوس ليا يقولي ننتحر ونخلص باش يتهناو الكل يما تلومني انا تقولي لو كان يصرا حاجة لخوك عمري منسمحلك ولا نهدر معاك
وهي تقولي هدي فرصتك باش تخليها لمرتك ونخطبلك خطيبتك سابقة للعلم ان خطيبتي سابقة لم تتزوج ولم تخطب لحتى درك
ومعرفتش واش ندير مرانيش حاب نطلق برك علجال ولدي ومن جهة حاب نرتاح من المشاكل ونريح عيلتي واش ندير شورو علي

[yassefe]

قرات مشكلتك ياخي وراك طاليلها من الاول للاخر سبحان الله انت لست طيب ابدا هدا ليس طيب في قلبك بل تبهليل اخوك اصغر منك افضل واجرا منك شافتك معندكش شخصية علي هاديك تخاف من خوك ومنك لا .... ياخي مع كل احتراماتي المشكل منك وليس منها راك مخطئ من الاول ضلمت بنت الناس خانتك خطيبتك ومزالك معاها الاعضاء عندهم حق كي تهموك في رجولتك قلبك راهو ميت موش طيب ربي يهديك تزيد جيبلها الدخان راك نتا لي درتلها هكا زير روحك ياخي راك ندبتلها خلاص حاب ترجع المشكل في الزوجة راجع نفسك ياخي والله غاضتني حالتك 34 سنة تمشيك مرة من ودنك مالقيت مانقول وزيد مازلت تامن بالعشق والمحبوبة وحبيتها

راك عايش في هم وميزيرية وزيد تقول اعشقها بففففففف في العوض لي تشبح مرتك وتزيرها ضربت خوك ..... راجل مع خوك ومرتك لا قلبك طيب

[المُعادلة الصّعبة]

والله ما لقيت ما نقول

نجي نكتب كلمه نبطل نمحيها

مي خويا الغلطة كامل فيك نتا
راجع نفسك احسن
مي سمحلي راك grave والله صدقني
ماشي à ce point
بانتظار بقية الاعضاء لربما يقولوا الكلام لي راني حابه نقولو بأسلوب اكثر تهذيب

ماقدرتش نهدر
ربي يفرج ويحلها ان شاء الله

[نجاة^^]

السلام عليكم
يا له من حظ
امك المسكينة سودتلها وجهها
مرا تبهدل بيك حذا الرجال وجاتك عادي ولحقتها للدار ومدرتلها والو؛( آه آه ،
ايها العاشق الولهان فيق مع روحك
مرتك ربي يهديها اسمحلي مي كارثة كي ولات فيها تضرب امها عجز اللسان عن الكلام .
زير ولا يتزير عليك كثر ملي راك فيه لانو المرأة راهي ضعيفة متروح لفلان ولا واحد ،ما تتطلق هذاك غير تهديد معندها وهو سلاحها للسيطرة عليك ومع الاسف لقاتك طايعها ،جرب زير عليها .
نتا وتشوف كيفاه تولي ،حاول ثركا تخليها لانو راهي حامل على الاقل من اجل الطفل وبعدها وريلها الوجه الآخر ،متقوليش مسامح ،ولا نية راك مسامح على حساب حقوقك ،وادعي ربي يسهلك ويهدي زوجتك .

[قدور بن عاشور]

واش هذي مشكلة و لا فيلم هندو؟

إذا كانت مشكلة حقيقية أنا ننصحك تنفي نفسك إلى أقصى الصحراء

روح تصيد العقارب كاشما تنفع البشرية

[غزلانْ]

السلام عليكم


أقرأ قراءة كلها اندهاش في اندهاش أيعقل كل هذا
أنت المخطيء كان ينبغي عليك أن تظهر موقف الرجل عندما رأيتها مع رجل
غريب في البيتزيريا و لأنك رضيت و لم تتصرف بموقفك هذا
أعطيتها الحرية المطلقة للتصرف كما يحلو له لهذا تمادت و بالتالي أنت السبب
و قبل الخوف على مصير ابنك من مسألة الطلاق يجب أن تخاف على
التربية التي سيتلقاه ابنك المهم هي ضريبة الجمال

[نبض قلبي]

اخي و الله غير شوكيتني و الله
اخي كون جات مرتك مرت خويا انا نزعكها و و الله ماتزيد فيها نهار ف الدار على الرغم من انو في حياتي ماندير ماعندو مادخلني بين زوج لكن اخي اول حاجة و قبل كل شي تحكي مع الرجال؟؟ راهو شرفك يا اخي ، و دخن؟؟؟ اسمحلي مي هذ المرأة بالذات راهي في بالي كيما النسا اللي مايتسماوش اوكي
و اسمحلي اخي بصح و الله كاين خل، تقدر طلقها و تجيب ولدك بالقانون عادي جدااا ، و تفاهم مع مرتك الجديدة اذا تقبل تعيشو معاك و هاك عايش مع امك و ولدك معاك و خليها هي تروح تصيع و تشوف حياتها
هذي تقدر تسميها مرا اللي تضرب يماها؟
موش مرا و الله
احكم روحك شوي ماترخفش للدرجة هذي ماتخليش المعاناة اللي عشتها دمرلك حياتك في كبرك وشبيك
خمم مع روحك اخي خمم مليح
هذي موشها مرا والله و موشها وحدة اللي تبني معاها حياتك لانو ابسط حقوقها على راجلها ماهيش دير فيهم
تحياتي و ربي يكون معاك

[عثمان الجزائري.]

و أنا أقولها لك للمرة الثانية لا تشرف الذكور فضلا عن الرجال، النبي صلى الله عليه و سلم كان يتيما أيضا، الرجولة ما عندهاش علاقة باليتم، تبا لك متى تستفيق، لو كان حطيت موضوعك في قسم الرجال على الأقل، النساء مستغربات منك و من تصرفاتك النسوانية، 34 سنة راك من جيل الثمانينات آسي محمد، الإبن سيكبر و يرى أمه تصفع أبوه....و كيف تقوده من أذنه و ستنجب بنت و سترى أمها كيف تتحكم فيك و بالتالي ستنجب لنا جيل يدور بين مخنث و مسترجلة...بصح عجبتني كي نحيتيلها السوندويتش خخخخ و سبيتي لي كان يهدر معاها أعتقد أنك قلت له أنه إن إتصل مرة أخرى راح تندب في وجهك ^_^

[قدور بن عاشور]

هذه قصة مختلقة 100%
أنصحك أن تمتهن تأليف الروايات فأنت بارع جدا
هناك فقط مشكل صغير هو أن الجزء الأول تقريبا لا علاقة له بالجزء الثاني جعلني لا أكمل قراءة القصة

أمور جديدة في الجزء الثاني كانت مختفية تماما من قبل، تفاجيء القاريء.
حقيقة أحييك على هذه الدراما و ياريت تأخذ نقدي الدرامي بعين الإعتبار في الجزء الثالث.

[أم عبد الكريم]

اظن ان القصة ضرب من الخيال و من تاليف احد الاطفال كما قلت في موضوع سابق كي تلحق العطلة يتعمر المنتدى عامة و القسم هاذا خاصة بالخرطي

[BAROUD]

أعتقد جازما .ان فيه بعض الاعضاء ينقلون قصص وهمية من مواقع "خاصة مغربية". و ينشروها هنا بغرض التخريب و الالهاء و الفساد كما هو موضح .
و كنت من قبل راح انبه المشرفين و الاعضاء الى ضرورة عدم الرد على بعض القصص المشابهة. لكن الان لازم تتنبهوا الى مثل هذه السخافات و بلاش تنشروها هنا اصلا يا مشرفين ...

لفتة خاطفة ...

[I'm a girl]

سلام خويا قريت المشكل نتاعك وانا موالفة نقرى ونخرج مانحبش ندخل والله ماقدرت نقولك حتجة برك مانلومل ونقولك لوكان درتلها حسابها قبل الزواج ولا نقولك لوكان سقسيت عليها المهم دير في راسك بلي مايهزك غير خوك وانا نشوف بلي مادامها تتصرف هاكة ماعتقتش ولدها وهو في كرشها تعتقو كي يزيد ولا كي يكبر ولدها سبحان الله وزيد نتا راك تشريلها الدخان المهم انا نصيحتي خمم مليح وصلي وادعي لانو ادا عاشت مع ولدها رايحة تعقدو وزيد روح لرجال القانون احكيلهم ويقولولك الحضانة بلاك يمنعوها عليها وشد في ربي

[نجوم الأمنيات*]

لب الموضوع انت خائف ابنك يتشرد بدون عائلة
وهل تقبل ان تكون امراة متل زوجتك يا اخي حسب وصفك ماقدرتش نتخيلها هل هده انسانة حية تتنفس هواء وتعبد ربي
هل تقبل ابنك يعيش في بيئة لي نت عايشها الان
لكان جاوبتي على هدا السوال امورك تتيسر
المراة عندها حدود لازم ماتفوتهاش لكن زوجتك تماااااااااااااااااااااااااااااااااااااااااااااااا ااااااااااااادت
ربي يهديك للطريق الصحيح

[زبدة ذايبة]

كلام تلفيق في تلفيق.

كلام أوهام ومرض نفسي.

وأحلام يقظة.

الله يداوي حالك.

لو كنت استفدت من وقتك فيماينفعك

كان يكون أفضل بكثير

لأنه لا فائدة من كتابة الأوهام.

المنتدى مليء بالأقسام اللي تقدر تكتب فيها المواضيع.

تقدر تكتب القصص وتالفها بدل

الخزعبلات اللي جيت تنشر فيها هنا.

موضوعك الأول كله كذب في كذب

ومرض في مرض.

وإن رد عليك الأعضاء في الموضوع الأول

فهذا لأنهم يريدون تقديم المساعدة.

والعيب ليس فيهم بل في نفسك المريضة.

وما صدقت أن الأعضاء جاوبوك.

حتى زدت كتبت موضوع آخر أتفه من الأول

بتفاصيل هشة وركيكة تدل على ضعف نفسك وسوء أخلاقك.

ربي يرزقك بالعقل والحكمة لأنك تفتقدهما

ونعطيك نصيحة لهذ المشكلة التي تعاني منها.

البلاء موكل بالمنطق.

يدور الزمن وستعاني من نفس

المشاكل اللي كتبتها بيدك.