سؤال بخصوص حصر مواد الباكالوريا

[محارب الحمق]

السلام عليكم يا طلبة يا مجتهدين ياحلوين ورمضانكم مبارك. شخص يفكر في إعادة الباكالوريا لكنه لم يجتزها لسنوات وليس لديه الوقت لقراءة كل مافي المقرر التعليمي. هل يمكنكم مساعدته بذكر مواضيع محددة في كل مادة لا شك بوقوع أحدها ضمن أسئلة الإمتحان؟ سأكون لكم من الشاكرين الداعين بالخير. صح فطوركم

[سُـــمَـــيَّـــه]

شعبة علمي ؟

[محارب الحمق]

المشاركة الأصلية كتبت بواسطة عَـنْدِي البَـآكْ

شعبة علمي ؟

شعبة علوم تجريبية أختاه

[سُـــمَـــيَّـــه]

بالنسبة للعلوم : كاين نقرو تركيب البروتين في البداية فيه الترجمة و الاستنساخ ابحث عليهم
و من بعد الانزيمات ندرسوها و العوامل الي يأثروا عليها
منبعدا نقروا المناعة مثل الزمر و الخلايا البائية و التائية و كيفاش عندهم علاقة تكاملية مع بعضهم
موراها نقروا الاتصال العصبي كيما المشابك و انواع كمونات العمل و ركزنا على البنيات اللي تتحكم في كمون للعمل
موراها نقروا الية التركيب الضوئي و تشكيل المادة العضوية الى كامنة و موراها كيش نحولوا هاديك الطاقة ل atp
موراها نقروا جيولوجيا غي حاجة خفيفة

[سُـــمَـــيَّـــه]

الرياضيات نقروا دوال و دالة اسية و لوغاريتم و احتمالات هاد العام باغي يطيحوا و نقروا الدوال الاصلية و التكامل و الهندسة في الفضاء و الاعداد المركبة
الفيزياء نقروا اكسدة و ارجاع و احماض و اسس و كهرباء و ميكانيك و اهتزازات
باقي المواد ساهلين تاع الحفظ كاين بزاف مراجع تبحث فيهم

[محارب الحمق]

المشاركة الأصلية كتبت بواسطة عَـنْدِي البَـآكْ

بالنسبة للعلوم : كاين نقرو تركيب البروتين في البداية فيه الترجمة و الاستنساخ ابحث عليهم
و من بعد الانزيمات ندرسوها و العوامل الي يأثروا عليها
منبعدا نقروا المناعة مثل الزمر و الخلايا البائية و التائية و كيفاش عندهم علاقة تكاملية مع بعضهم
موراها نقروا الاتصال العصبي كيما المشابك و انواع كمونات العمل و ركزنا على البنيات اللي تتحكم في كمون للعمل
موراها نقروا الية التركيب الضوئي و تشكيل المادة العضوية الى كامنة و موراها كيش نحولوا هاديك الطاقة ل atp
موراها نقروا جيولوجيا غي حاجة خفيفة

أشكرك كل الشكر على التفاعل. حسبما أتذكر التركيب الضوئي والمناعة موضوعان لا يمكن أن يكونا في نفس موضوع السؤال (أقصد أن الباكالوريا تعطينا موضوعين اختياريين والتركيب الضوئي والمناعة مثلا لايلتقيان في موضوع واحد) وهذا ما أريده بسؤالي. أريد حذف المواضيع التي لا تلتقي, فمثلا لو راجع هذا الشخص التركيب الضوئي لا يراجع المناعة. أرجوا ان تكون الفكرة قد وصلت. أنتظر ردك أختي

[المُعادلة الصّعبة]

سلام اخي صح رمضانك
بالنسبه للعلوم انا مش علمية مانقدرش نفيدك
بصح المعروف انو وحدة المناعة والمشابك والانزيمات على ما اظن هوما المهمين

خاطر صح كاين محاور في كل مرة لا بد تجي وهي رئيسية
فالفيزياء شوف نقلك النووي والميكانيك و الكهرباء هاذو رسمي يجيوا كل عام
والرياضيات الدالة الاسية واللوغاريتمية و الاعداد المركبة و احتمالات هذو رسمي يدخلوا *الاحتمالات في بلاصة هندسة فضائيه لانها كانت كل عام تجي*
بغيت الموا د الاساسيه ولا حتى الثانوية؟

[محارب الحمق]

المشاركة الأصلية كتبت بواسطة المُعادلة الصّعبة

سلام اخي صح رمضانك
بالنسبه للعلوم انا مش علمية مانقدرش نفيدك
بصح المعروف انو وحدة المناعة والمشابك والانزيمات على ما اظن هوما المهمين

خاطر صح كاين محاور في كل مرة لا بد تجي وهي رئيسية
فالفيزياء شوف نقلك النووي والميكانيك و الكهرباء هاذو رسمي يجيوا كل عام
والرياضيات الدالة الاسية واللوغاريتمية و الاعداد المركبة و احتمالات هذو رسمي يدخلوا *الاحتمالات في بلاصة هندسة فضائيه لانها كانت كل عام تجي*
بغيت الموا د الاساسيه ولا حتى الثانوية؟

وأخيرا أحدهم فهم المقصود. شكرا جزيلا لك وللأخت "عندي الباك". بالضبط أريد أن اعرف ماهي المواضيع المتعلقة بعضها ببعض. على حسب ما فهمت وحسب ما أتذكر: المناعة والمشابك والانزيمات مرتبطة ولا شك في وقوعها في الإمتحان. أي أن الطالب يمكنه مراجعة هذه المواضيع دون غيرها مع التأكد من انها بلا شك ستكون. هذا هو مغزى السؤال. شكرا جزيلا. نرجو الإفادة بالنسبة للمواد الأخرى وكل الاراء تهمني.

[المُعادلة الصّعبة]

المشاركة الأصلية كتبت بواسطة محارب الحمق

وأخيرا أحدهم فهم المقصود. شكرا جزيلا لك وللأخت "عندي الباك". بالضبط أريد أن اعرف ماهي المواضيع المتعلقة بعضها ببعض. على حسب ما فهمت وحسب ما أتذكر: المناعة والمشابك والانزيمات مرتبطة ولا شك في وقوعها في الإمتحان. أي أن الطالب يمكنه مراجعة هذه المواضيع دون غيرها مع التأكد من انها بلا شك ستكون. هذا هو مغزى السؤال. شكرا جزيلا. نرجو الإفادة بالنسبة للمواد الأخرى وكل الاراء تهمني.

اه خويا شديت غير في هدرتي على العلوم ما تديش عليها بزاف حتى يجي واحد علمي يأكدلك بيسك انا مش علميةبصح راني قلتلك على حسب ما هو متداول بين التلاميذ

بصح فيزياء هذوك هوما الرسمي يجيوا كل عام .. ومعاهم ينوعوا كل مرة كيفاش مرة استرة مرة احماض واسس مرة اهتزازات


رياضيات كيف كيف هذوك هوما الرئيسيين و يديروا معاهم متتاليات
يعني حتى المتتاليات رئيسية شوي بصح احيانا يلصقوها في الداله واحيانا يجيبوهم وحدهم

[محارب الحمق]

أين أنتم يا أصحاب العلوم التجريبية؟ صح فطوركم

[المُعادلة الصّعبة]

تاريخ الوحدة الاولى والثانية هوما اكثر شي يتعاود
جغرافيا يتعاودوا بزاف القمح والبترول و الدروس تاع الو.م.ا و الاتحاد الاوروبي و التنينات الاربعه

تقدر تحوس فالنت على التواريخ الاكثر تكرارا والشخصيات الاكثر تكرارا
شريعه معلاباليش كيفاش
اللغات نظن مافيهمش حاجه تتعاود وحاجه ما تتعاودش .. على حساب مستواك فيهم
هذا وش عندي نقولهولك

[محارب الحمق]

المشاركة الأصلية كتبت بواسطة المُعادلة الصّعبة

تاريخ الوحدة الاولى والثانية هوما اكثر شي يتعاود
جغرافيا يتعاودوا بزاف القمح والبترول و الدروس تاع الو.م.ا و الاتحاد الاوروبي و التنينات الاربعه

تقدر تحوس فالنت على التواريخ الاكثر تكرارا والشخصيات الاكثر تكرارا
شريعه معلاباليش كيفاش
اللغات نظن مافيهمش حاجه تتعاود وحاجه ما تتعاودش .. على حساب مستواك فيهم
هذا وش عندي نقولهولك

علاش كاين شريعة في الباكالوريا علوم تجريبية؟ هل لديك مواد مفيدة حول منهجية الحل في مختلف المواد؟ لأن منهجية الحل القديمة والجديدة تختلف. فحسب ما سمعت هناك ما يسمى الان الوضعية الادماجية

[إينَاس]

العلوم دائما تلقى موضوع فيه : بروتين طاقة و مناعة
و الثاني فيه :: مشابك التركيب الضوئي و الانزيمات

[FroM Hell]

اقرا الموضوع هذا ..
ان اردت تجاوز المقدمة .. لكن فحوى الموضوع فيها الرسمي وزبدة الباك ،، كل شيء ملخص وفيه كل ما تحتاجه
https://www.djelfa.info/vb/showthread.php?t=2131851

[محارب الحمق]

المشاركة الأصلية كتبت بواسطة إينَاس

العلوم دائما تلقى موضوع فيه : بروتين طاقة و مناعة
و الثاني فيه :: مشابك التركيب الضوئي و الانزيمات

هل هذا يعني أن موضوع الأنزيمات ليس مرتبط بموضوع البروتين الطاقة والمناعة؟ شكر جزيلا على التفاعل