|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
"◦˚ღ تبع معايا هذي اللحظات ღ˚◦"
 |
|
|
أدوات الموضوع | انواع عرض الموضوع |
2018-05-06, 19:22
|
رقم المشاركة : 1 | ||||
|
"◦˚ღ تبع معايا هذي اللحظات ღ˚◦"
** _ تبع معايا هذي اللحظات _** الايام راهي تمشي بشوي بشوي نكونو في رمضان ومع المراجعة والعطش وليكور والتعب يفوت رمضان يبقو يومين ولا ثلاثة ايام على الباك تبدى شوي خلعة رانا في ليلة الباك راجعت الادب ديرت لي عليك وجدت حوايجك ريقلت امورك نوضت الصباح توكلت على ربي دخلت قاعة الامتحان قلبك يدق تجيك شوية خلايع حطولك السوجي جاوبت وتعاركت مع الاسئلة كمل الوقت خرجت لبرا لقيت صحابك واحد يقولك على الاعراب وواحد يقولك واش اخترت نثر ولا شعر تناقشت معاهم كيف كيف عديت العلوم اسلامية ودخلت في جو البكالوريا وحطولك سوجي الرياضيات وتبدى تجيك صورة استاذك تاع الماط ونهار لي كان يشرحلك ويفهم فيك ووو وتتحصر على حاجة قريتها ونسيتها وتفوت ليام وتكمل الباك وتقول الحمد لله تهنينا يسقسوك داركم واش الباك فيها هذا العام تقولهم وي بربي ان شاء الله يفوتو ليام وتسمع ديك الاخبار تاع نقاط كارثية في الفيزياء وتسمع في الجرنال يقولو الرياضيات نقاط متوسطة يفوتو ليام ويدخل جويلية وتقترب النتائج وبالفعل يجي يوم من الايام يكتبو في قناة كيما الشروق ولا النهار – يعلن على نتائج شهادة البكالوريا 2018 غدا على الساعة الرابعة مساءا- تبات الليلة تخمم والنوم مايجيكش والخلعة حاكماتك جات الربعة نتاع لعشية جات الربعة وخمس دقايق تسمع فوضى البرا وحركة وزغاريت وتسمع لعياط وصوت طومبيلات يجوك داركم يقولولك عطينا رقم التسجيل نشوفولك ولا شوف وحدك تتجمد من لخلعة تقولهم شوفولي انتم يقولك خوك ولا واحد من داركم عطينا الرقم تقولهم 5-6-7-0-0-9-2- جاري اعلان النتيجة تخرجلو النتيجة ويدورلك التلفون تشـــــــــوف ------ راسب ----- داركم كامل في ديك اللحظة يسكتو امك تبكي وباباك يتشوكا لي كان يستنى في ولدو ولا بنتو يفرحو و امك تبكي لي كانت راح توجد القاطو وتعرض الناس تدخل لشمبرة لي كنت تقرا فيها تحكمك السكتة ماتعرف تعيط ماتعرف تبكي ماتعرف تقتل روحك ماتعرف واش دير يصوني تلفونك تهز عليه تلقاه صاحبك لانتيم يقلك راهم خرجو النتائج وراني نجحت تكوبي عليه يزيد يعيطلك اخر ويقولك الجماعة كامل نجحو وانت واش تقولو مافيهاش.. تم وين تحس بالباك تم وين تحس بلي صحابك كااامل نجحو وراحو وخلوك وحدك تم وين تحس علاه ضيعت ايامك في اللعب في ديك اللحظة يجيك الشريط كامل نتاع العام الدراسي من اليوم لي سجلت فيه للباك حتى لديك اللحظة تتفكر صحابك نهار لي كنتو تروحو ليكور الماط تتفكر ضحكاتهم تتفكر نهار المطر نهار الريح تتفكر نهار ضحك معاك الاستاذ تتفكر نهار لي كنت انت وصحابك تجتمعو وتقرو مع بعض وتتفكربلي كااامل نجحو وفرحو والديهم وانت خليت امك تبكي اااااه تحس روحك اتعس الناس تقول ياليتني مت وماعشتش كيف هذه اللحظة... تخيل في هذيك اللحظة بذات يحكي معاك شخص وهذا الشخص وهمي يقولك واش بيك مهموم تقولو والله غير راني حاب تتفتح الارض وندخل فيها منيش حاب نخرج لبرا ويفكروني بالباك يقولك وشنو لي غاظك كي مديتش لباك تقولو بابا لي كان ديما واقف معايا ويخلصلي ليكور وماما لي ديما تنوضني وتحرص عليا غاظوني طيحت دمعتهم وحشمتهم قدام الناس وغاظتني عمري صحابي كامل نجحو وفرحو وانا الوحيد خيبت ظن كل الناس وفرحت عدياني وبكيت ميمتي يقولك ذاك الشخص لو نهزك ونحطك في ليلة الباك ونعطيك فرصة زعمة تصلح اخطاءك تقولو راك من نيتك يقولك وي تقولو والله العظيم غير منرقدش كامل والله الاجتماعيات لي تهاونت على حفاظتها نحفظها في ليلة والرياضيات والله تمارينات كامل نحلهم المهم منعيشش هذه اللحظة يقولك لو نرجعك شهر قبل الباك يعني في رمضان تقولو والله الماكلة ونحبسها الصيام والقراية وهذا وين حسيت بنعمة الوقت لي ضيعتو تقولو وعينيك فيهم الدموع رجعني برك اذا تقدر والله غير نصلح كل اخطائي يقولك اوك دوك نهزك راهو هزك وحطك في هذا الوقت بالذات لي راك تقرا فيه في الميساج ويقولك اوك صلح اخطاءك وفاصي راسب لي شفتها وبكيت على جالها ميمتك وباباك وراني عطيتك فرصة ثانية باه تكتب الف مبروك بالنجاح وتفرح ميمتك دوكا حاليا كامل عشنا اللحظة وكامل رانا معاودين الباك وعطونا فرصة ثانية متضيعش الفرصة وحارب على جال والديك باه تفرحهم ويسمحولي لي بكيناهم وبربي تبكو في يوم النجاح باذن الله منقوووول سلاام ^^
|
||||
|
|
2018-05-06, 19:25
|
رقم المشاركة : 3 | ||||
|
اقتباس:
لا حرررررررررر
|
||||
|
|
|
2018-05-06, 19:26
|
رقم المشاركة : 4 | |||
|
كلمااااااااااااااااااات في الصميم |
|||
|
|
|
2018-05-06, 19:28
|
رقم المشاركة : 6 | ||||
|
اقتباس:
وفيك البركة ^^
|
||||
|
|
|
2018-05-06, 19:30
|
رقم المشاركة : 8 | |||
|
و الله غير تأثر هدرتك بزاااف ، ان شاء الله كل واحد فينا يفطن ضميره مابقاش بزااف لازم تكثيف المجهودات |
|||
|
|
|
2018-05-06, 19:30
|
رقم المشاركة : 9 | |||
|
اخي معليش نديرلك تحقيق صغير :d |
|||
|
|
|
2018-05-06, 19:32
|
رقم المشاركة : 11 | ||||
|
اقتباس:
امليح
مات راني مع تحويلات النقاطية مزال عندي مشكل معاهم فيزيك استرة سيونس حلقة كريبس الشريعة كملتها وراني نعاود فيها تاريخ راني في وحدة الثانية جغرافيا كيف كيف عربية راني نحل في لسوجي والباقي مزال |
||||
|
|
|
2018-05-06, 19:35
|
رقم المشاركة : 12 | ||||
|
اقتباس:
تحفظ في بلاصتي معليش  نتا هو لي كان حاصل مع كريبس و جاتو صعيبة ؟؟ |
||||
|
|
|
2018-05-06, 19:35
|
رقم المشاركة : 13 | |||
|
و الله غير قربي بكيت |
|||
|
|
|
2018-05-06, 19:40
|
رقم المشاركة : 14 | ||||
|
اقتباس:
اههه
نعقب في بلاصتك خييير :d أهيه ونتي معليش تقولينا وين راكي ++ لا ماش انااا |
||||
|
|
|
2018-05-06, 19:41
|
رقم المشاركة : 15 | ||||
|
اقتباس:
هكاك نفحتلي نخلعك |
||||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
