سؤال لاصحاب العلوم التجريبية

[المُعادلة الصّعبة]

سلام خاوتي
ما اخباركم
نتمنى تكونوا ملاح
خاوتي انا حابة ندخل العلوم نولي نقراها بشكل يومي كيشغل علمية مع العلم اني رياضية
ماجربتش اني نوفق بين ثلاثة مواد دايما زوز مواد نوفق بيناتهم برك مانشيلش هم وحدة ثالثة
هكاك ونبقى دايما حاصلة فيهم نقرا هاذي ولا هاذي
قولولي برك كيفاش توفقوا بين ثلاثة مواد اساسية كيفاش تقراوا العلوم
انصحوني كيفاش نديرلها حابه نولي نقراها كيشغل مادة اساسية يعني بشكل يومي لاني متاخرة فيها
نتمنى تفيدوني واعذروني لي سرقت من وقتكم

[أيمن الدزيري]

اقرايها وحدها مع مادة ادبية لمدة يومين على الاقل باش توالفيها

[Mr.R]

سلام ريان
شوفي مالقري أنا كيفك بصح على حساب ما دائما نشوف في
جدول مراجعة السيونتيفيك نلقاهم يديرو هكذا :
مات+علوم
غدا علوم+فيزياء
بعد غد فيزياء+مات
اليوم الرابع مات+علوم و هي رايحة هكذا

اي يقرو 2 مواد مع بعض

انا راجعتلها لمدة نصف ساعة هكا في ليلة الفرض
ديت 12

[الدرر البهية]

اولا العلوم مادة سهلة لكنها تعتمد على المصطلحات العلمية لانو عليهم اغلب التنقيط
تانيا دققي في كل صغيرة و كبيرة و لا تهملي اي معلومة
بالنسبة ليك رياضية مارحش تكون بروبلام
1)حكمي الدروس اكثر مرجع نصحك بيه بزاااااف في الدروس تع بوالريش يعني وحدو يكفيك
2)دوني كل نقص و ملحوصات خلاصات و استنتاجات .... في كناش او ورقة على شكل مطوية
3)حلي ما تستطيعين من التمارين و لا تكتبي كل شي يعني حلي شفهي باش متضيعيش الوقت و تفوتي على افكار بزاااف
4)لا تحلي التمارين التي ليس لها حل الا ادا كان الاستاد رح يصححلك
و استعملي الحل النمودجي لتتقني فنون الاجابة في الباك .
هدرة بزاااف هههه اسفة
ربي يوفقك حنونة

[المُعادلة الصّعبة]

شكرا خاوتي لي رديتوا على اهتمامكم بالموضوع ربي يفرحكم
ربي يقدرني على الماده هذي برك قد ماهي ثقيله على نفسي

[lotus flower]

المشاركة الأصلية كتبت بواسطة المُعادلة الصّعبة

شكرا خاوتي لي رديتوا على اهتمامكم بالموضوع ربي يفرحكم
ربي يقدرني على الماده هذي برك قد ماهي ثقيله على نفسي

رغم انني علمية فاناا لا التقي ابداا مع هذه مادة كان الله في عونك وفقك الله

[رونق الصبح]

السّلام عليكم
أحوالك ؟
اشتقت لكِ
أحبي المادة و فقط
و ستجدين لها الوقت
خصصي لها وقت أقصر مع المادتين : الرياضيات و الفيزياء - اقتراح -
افهمي الدّرس ثمّ احفظي ما يجب أن يحفظ ، و لا تجعلي أحدا يغلطك بالقول أن مادة العلوم ليست للحفظ
أنا لم أحب يوما الحفظ و لكنه ضروري فبدل من الجلوس مع ورقة الأوساخ و التّفكير في كيف أصيغ كذا و أين الكلمة كذا ، فان كنت حفظتها مسبقا ستكتبيها مباشرة على ورقة الاجابة و تنتقلين لغيرهها من الأسئلة المركّبة خاصة و أنّ المدة ساعتي
للدروس قناة الأستاذ عبد الحميد للحفظ مجلة الأستاذ مصطفى بن خريف و للتمارين البكالوريات كمرجع أول ( حلولها اما في مرجع أحميد أمين أو الأستاذ فراح عيسى ) و تمارين عقريب كتدريب على المنهجية
و ان احتجت شيئا أنا و البقية في الخدمة حتى و ان لم تجديني هنا بالمنتدى فتعرفين مكاني ..
بالتّوفيق عزيزتي ..

[المُعادلة الصّعبة]

المشاركة الأصلية كتبت بواسطة رونق الصبح

السّلام عليكم
أحوالك ؟
اشتقت لكِ
أحبي المادة و فقط
و ستجدين لها الوقت
خصصي لها وقت أقصر مع المادتين : الرياضيات و الفيزياء - اقتراح -
افهمي الدّرس ثمّ احفظي ما يجب أن يحفظ ، و لا تجعلي أحدا يغلطك بالقول أن مادة العلوم ليست للحفظ
أنا لم أحب يوما الحفظ و لكنه ضروري فبدل من الجلوس مع ورقة الأوساخ و التّفكير في كيف أصيغ كذا و أين الكلمة كذا ، فان كنت حفظتها مسبقا ستكتبيها مباشرة على ورقة الاجابة و تنتقلين لغيرهها من الأسئلة المركّبة خاصة و أنّ المدة ساعتي
للدروس قناة الأستاذ عبد الحميد للحفظ مجلة الأستاذ مصطفى بن خريف و للتمارين البكالوريات كمرجع أول ( حلولها اما في مرجع أحميد أمين أو الأستاذ فراح عيسى ) و تمارين عقريب كتدريب على المنهجية
و ان احتجت شيئا أنا و البقية في الخدمة حتى و ان لم تجديني هنا بالمنتدى فتعرفين مكاني ..
بالتّوفيق عزيزتي ..

اهلا بك رونق ..الحمدلله دوما
حتى انا حنونة .. ماكيش تباني قللتي دخولك للمنتدى
اهم شي تكوني مليحة طمنيني عليك
نعم حتى انا فكرت هكاك .. نخليلها وقت ولو ساعة في اليوم
يب ما رايك بحلول البكالوريات من التصحيح الوزاري في حد ذاته ؟ انا نشوف فيه ممنهج بصح كاين لي قالولي ناقص يعطيك غير مخ الهدرة ما تعتمديش عليه بزاف
شكرا على الاجابة الشافيه بارك الله فيك و حقق لك المبتغى
وفقنا الله

[زهرة جوري]

اقريها وحدا كل يوم ساعة