راح نهبل منهم

[mohamed.2000]

ومن هم من غير الاعداد المركبة
معرفتش واش نديرلهم مقدرتش نقراهم وجامي حليت تمرين صحيح
مين نجي نحل تمرين نفشل بلاك فالسؤال الاول
شفت جميع الاستاتذة في اليوتيوب ولكن دون فائدة تذكر

هل يمكنكم مساعدتي ؟؟ وكيف تعاملتم مع هذه الوحدة ؟؟

في انتظار ارائكم

[sweet girl 07]

كنت كيفك حتى انا العام لي فات صدقني الطويلة والعمدة منعرفش نحسبهم

شوف فيديواات الاستاذ نور الدين و كتاب المغني في الرياضيات

ربي معاااك خويا كلنا لها

[Aya Ya]

مام انا حصلت معااهم ومع المجال ال2 في العلووم _ تقريبا كل شيء فيه يحفظ__ والميكانيك كذلك

مكاااش حل من غير الاستااذ نور الدين جزااه الله خيرا / بالتوفيييق

[*** عبق الزهور ***]

السلام عليكم
ببساطة هبلوك خلخلهم انت ثاني
كيفاه ابدا من الصفر اتفرج الفيديو نتاع الاستاذ نور الدين كاااامل
ومن بعد حل التمارين وردلي الخبر
بالتوفيييييييق

[~ شُـمــــــوخٌ ~]

اهلا اخي
انا كانت حالتي اكثر من حالتك لكن عاودت حليت على كل عنصر مثال عليه من الكراس يعني عاودت حليت امثلة الكراس والحمدلله راني افضل

[ندى ندوشة]

انا تاني مي الاحتمالات
اي جاحة تخصك راني هنا

[المُعادلة الصّعبة]

خويا انا مريت بنفس تجربتك مع الاعداد المركبة الايام الماضية
كانوا يقلقوني ونحسهم لازملهم تدريب كبير وبالفعل كي تدربت عليهم قبضتهم
لازمك تتمرن عليهم قضية وقت وتعود فقط
اصلا هذي هي الرياضيات عالمره الاولى الدرس يبانلك مبهم ولازم تشفا على حوايج بزاف
مع التمرينات تخفاف يدك تولي طيارة فيهم
وكملاحظة راهم يعتمدوا بزاف على الحالات الخاصه في البكالوريا
نعطيك مثال لازم تحط في راسك بلي التخيلي الصرف العمدة تاعو p/2+kp
و لازم تحط في بالك بلي كل عدد مركب القيمة المطلقه تاع الx تاعو = القيمة المطلقة تاع y تاعو مثلا 1-i ولا 2+2i هذا العمدة تاعو دايما تجي p/4 و حسب الربع - الربع لازم تنتبه لاشاره كل من x و y -
والعدد الحقيقي عمدته هي kp
المهم الحوايج هذي هي لي تتكرر في اغلب الاحيان يعني مايجيبوش الحالات العامة يجيبوا الحالات الخاصه هذي
ان شاء الله تكون فكرتي وصلت
ما عليك الا التمرن الجيد عليها وانصحك بتمارين الكتاب المدرسي
واصبر معاها بزاف ما تتقلقش منها فقط
وعن تجربة كي تقلقت عليها ما فهمت والو بقيت غير نخلط بصح كي صبرت ليها و فكرت انو ماكانش حاجه نفهمها ديراكت عالضربه الاولى فهمتها بشكل كبير والحمدلله
هو محور طويل نوعا ما ومتشعب وفيه افكار بزااف فعلا فعلا افكاره لا تحصى ولكن علينا التحلي بالصبر
وانصح الجميع بملخص الاستاذ محمد حاقة في الاعداد المركبة لانه جيد جدا
اتمنى نكون افدت ولو واحد فيكم
ربي يوفقكم

[ياسين]

كبداية في الاعداد المركبة افضل مرجع ساعدني بزاف
https://www.mediafire.com/file/tco81...8%A8%D8%A9.pdf
https://www.mediafire.com/file/av4w5...8%A7%D8%B1.pdf
https://www.mediafire.com/file/kscbi...F%D8%A7%29.pdf
بالتوفيق

[Aya Ya]

المشاركة الأصلية كتبت بواسطة yaczinou

كبداية في الاعداد المركبة افضل مرجع ساعدني بزاف
https://www.mediafire.com/file/tco81...8%A8%D8%A9.pdf
https://www.mediafire.com/file/av4w5...8%A7%D8%B1.pdf
https://www.mediafire.com/file/kscbi...F%D8%A7%29.pdf
بالتوفيق

شكراا جزيلااااااا

[rania17]

سلام خويا والله نصيحة انا كنت والله منعرف مين نبداها بلاك كيما نتى ولا كتر المهم شفت الاستاذ نور الدين وتمارين المغني الحمد الله وليت نحبهم بالتوفيق

[ملاك]

هي نفسها قوانين تاع الاشعة العام لي فات وشني بدل الاحداثية كاين لاحقة
طبق نفس القوانين واذا مفهمت حاجة رجعلها الى احداثيات وتعامل معاها على هذا الاساس ومبعداك خرجنتيجة وعاود حلها باللواحق ضرك تجي ساهة
شوف ملخص استاذ عبعوب لي بدارجة او شارح حتى كيفاه يحل تمرين