سلام اختي زينب
توي انتبهت جيدا للدرس وعناوينه
يعني ما كنتش فاهمة العناصر لاني دايما نحسو درس طويل و نحس روحي مش فاهماتو
ضرك شفتو في كتاب محمودي الازرق
عرفت علاش كاين مخططات عسكرية مختلفة وزاد دار عنصر اسمو مخططات عسكرية
هذيك المخططات العسكرية راهو يقصد المخططات كي جا ديغول
للعلم الجمهورية الخامسة لي هي تاع ديغول راهي بدات في 1958
و احسن ما فعل محمودي عادل انو دار كل وحدة وحدها
نقلك علاش
لاني شفت جميع الفقرات الواردة في البكالوريا من 2008 الى 2017
لاحظت انو فالتاريخ يعتمدوا الطريقه هذي بزاف
يسقسيك سؤال فالفقره ويحددلك المجال الزمني
مثلا يقلك اذكر كذا وكذا من فترة 56 الى الاستقلال
المهم يحددلك لمجال الزمني وتكررت اكثر من مرة
بالنسبة للجغرافيا لاحظت فالفقرات تكرر السؤال عن مظاهر التخلف وعوامل التفاوت بين العالم المتقدم والمتخلف وتاثير العالم المتقدم على المتخلف المهم يركزوا بزاف على هاذ الدرس
وثانيك يركزوا على مكانة الاتحاد الاوروبي و مكانة امريكا و اقليم الشمال الشرقي
وساعه على ساعه يسقسيك على المعيقات والصعوبات اللي تواجه واحد فيهم
و بدرجة اقل وردت مكانة الدول الاسيوية هذيك
المهم فقرات الجغرافيا ما خرجتش على هذي الاسئله تقريبا راهي تتكرر فرات
عكس فقرات التاريخ للعلميين كل عام يجيبوا فيها الجديد ما يجيبوش اسئلة مباشره وتجي صعبه نوعا ما يعني اسئلة تاع فهم
عذرا لخروجي عن موضوعك لكني اردت الافادة فوجدته موضوعا مناسبا