سافقد زوجي والسبب...

[مشكلتي]

السلام عليكم
مشكلتي الكذب وخبث النية
مانقدر نثق في اين كان ديما نقرا الحيلة
والكذب اصبح مرض عندي
والي زاد الطين بلة زوجي فاق بلي نكذب
رفدني وداني عند اهلي قالي فقدت الثقة فيك ومانقبلش نخلي كذابة فداري
انا كنت نكذب ندريه مايفيقش
والكارثة راني نكونكتي موراه لانو محرم عني النت بصح تضيق روحي ندخل فايس ولا يوتيوب
ماقلتش لاهلي راه راميني والا يقتلوني
نعيطلو مابغاش يرفد
قالي غسلت يديا منك
راني حاصلة تاع صح
ونادمة على وشا درت بصح خايفة نخسر زوجي وماعنديش غيره

[beautifulmin85]

لا حول ولا قوة الا بالله

من كتابتك حتى انت نفسك لم تحتملي صفة الكذب التي ابتليت بها فكيف بزوجك والزواج اساسه الصدق والصراحة ...

سؤال : هل اذا رجعتي لزوجك ان شاء الله وهذا ما نرجوه هل ستتوقفين عن صفة الكذب ؟؟

مستقبلك يعتمد على الاجابة والله عز وجل لن يخيب ظن عباده الصادقين ...

كوني صادقة مع نفسك اولا وتوبي توبة نصوحة ييسر لك الله مخرجا ويعيدك لزوجك وتكملي حياتك معه

الصدق منجاة والكذب مهلكة وقد رأيت عاقبة الكذب فهلا اتعظت قبل فوات الاوان ..

[خالد عنابي]

يبدو انك مصابة بالكذب المرضي


المشكل نخاف يكون موضوعك نفسو كذبة شفتي وين المشكل ؟ الكذاب من المجازفة تصديقه في اي شيئ

[زبدة ذايبة]

شر الصفات.

وأهم صفة في المنافقين.

وأخبث الناس الكذابين.

توبي إلى الله.

وجعني قلبي من موضوعك.

نسأل الله العافية والسلامة.

[om_hadil]

ما لقيت ما نقول ،،،، لم تذكري اذا كا ن عندك اولاد،،،، ؟؟؟؟؟ يظهر انه لديك فراغ في حياتك ،،، حاولي ملؤه بشيئ يفيدك،،، ربي يهدي النفوس

[nihal159]

ربي يصلح حالك؛ إذا شفتي أنك مش قادرة تحلي هذا المشكل وحدك؛ أستعيني بأهلك؛ يتكلمو مع زوجك و أطلبي منو السماح؛ و أستغفري و ديري عقلك في راسك؛ درتي فيه الثقة و قبلتي تتزوجيه و خرجتي من دار باباك معاه برضايتك و درتي دار و عايلة؟ و تقولي نكذب على زوجي لأني مانديرش فيه ثقة؟؟؟؟؟؟؟؟ ماهذا التناقض؟

[رضاك يا ربي]

من أسوأ الصفات التي يمقتها الرجل في المرأة
نحن هنا لسنا لنحاسبك بل لننصحك
عندما تزول الثقة بين الزوج وزوجته ماذا يبقى
أؤكد لك يا اختي أنه لن يبقى شيء سوى الشك
ثانيا قلت انك كنت تستعملين مواقع التواصل الاجتماعي
خفية وهذه الكارثة العظمى وهذه خيانة كبيرة في حد ذاتها
زيادة على الكذب
لهذا قبل كل شيء توبي الى الله واستغفري من ذنوبك
وادعي الله أن يسامحك زوجك و يعطيك فرصة ثانية
غفر الله لك ولنا وربي يهديك ويهدينا

[إنسانة بسيطة]

مفروض تستغلي خبثك باه تفكري في طريقة باه تحكي مع زوجك مش باه تفتحي الانترنت وتطرحي الموضوع هنا

كاين شي مشاكل مش لازم تعرض هنا مفروض مولاه يبادر بحل في الواقع بالنسبة لي اشخاص كيما هاذو مستهترين مش حابين الحل حابين برك ذيك الطبطبة الالكترونية

[بناتي نور العين]

قال رسول الله صلى الله عليه وسلم: ((عليكم بالصِّدق، فإنَّ الصِّدق يهدي إلى البرِّ، وإنَّ البرَّ يهدي إلى الجنَّة، وما يزال الرَّجل يصدق، ويتحرَّى الصِّدق حتى يُكْتَب عند الله صدِّيقًا. وإيَّاكم والكذب، فإنَّ الكذب يهدي إلى الفُجُور، وإنَّ الفُجُور يهدي إلى النَّار، وما يزال الرَّجل يكذب، ويتحرَّى الكذب حتى يُكْتَب عند الله كذَّابًا))


توبي الى الله واطلبي المغفرة منه واكثري من الاستغفار و قراءة القران وان استلزم الامر عالجي عند طبيب نفسي

لا تضيعي زوجك واطلبي منه فرصة اخيرة و حاولي ان تتغلبي على نفسك بالارادة و الايمان بالله

ربي يهديك

[غوّاص]

https://viewpure.com/0VmTW216Avg?start=0&end=0

[toulay]

وعليكم السلام ورحمة الله وبركاته
ربي يهديك ان شاء الله
واقيلا حسبتي الناس كامل كيفك علابيها مديرش فيهم ثقة
صفي نيتك وخاف ربي سبحانه وتعالى
واذا حابة زوجك يرجعلك حبس لكذب والنفاق تاعك وان شاء الله زوجك يحن قلبو ويرجعك
بصح بينلوا بلي صح تبدلتي مشي يردك وتزيد تولي اكثر ملي كنتي
متخليش حياتك كذبة وعايشة فالكذب لانو طير البركة
خلاوها مثل elle ment comme elle respire
بالتوفيق

[ابو سليمان10]

اعترافك بالامر خطوة جيدة..لاكن انه من الصعب ان تغيري نفسك لان الامر صفة متجذرة
اظنك تقصدين بالخبث...كيد النساء الله يعافينا

[Saif al-Islam]

أختي الكريمة

الحياة الزوجية هي علاقة تفاهم و صراحة و تضحية.........و الكذب نقمة لو تعلمين.....و معول لهدم العلاقات .......فما بالك بالزّواج .

.للأسف الخطأ فادح يا أختي ، ألم تسمعي بمقولة " الكذب حبله قصير ..." ، كم تستطيعين تذكّر سيناريوهات و القصص الكاذبة يا ترى ؟.....20..50...100...10000....10000000قصة كاذبة ؟؟

لا يا أختي أنصحك راجعي نفسك ، زوجكي ربّما إكتشف كذبك عليه مرّات و مرّات عديدة و تحمّل ما إستطاع إلى أن فقد الأمل و قرّر الفراق .........

لو تودّين الحقيقة يا أختي ، مشكلتك هي عقوبة من اللّه سبحانه و تعالى ......لذلك إلجئي إليه و توبي ......ثم إستبشري خيرًا ..........و إياك و العودة لعاداتك القديمة ...

[مومي23]

انت تلعبين في الوقت بدل الضائع يعني المقابلة ستنتهي بعد لحظات
يا اخي ادا فهمتي مقدمتي هدا الكدب سينهي حياتك 100/100 الثقة تنعدم تماما
الشيئ الجميل انك تعرفين مرضك
انصحك بطبيبة نفسية فورا فورا فورا و بعلم زوجك ليس من ورائه لانه عندما يراك تخرجين و لا تخبرينه و انت تكدبين عليه ممكن يشك فيك و تصبح كارثة
وصارحي زوجك انك عندك مشكل ادا هو يعرف انك تكدبين عليه

[رندة.]

مادام راكي عارفة مشكلتك آمالا سارعي في إيجاد الحل وعالجي نفسك .
ربي يهديك ويصلح حالك ان شاء الله