تليتلي راقي...... من أم البواقي

[أم حمزة السلفية]

البارح تغديت في بيت أهلي وعملولي أختي الصغيرتين طبق تقليدي يشهي تليتلي وعلموني كيفاش يطيب

1 تحمصي كيلو تليتلي في شوية زيت حتى يصبح بني ثم تغمريه الماء وتتركيه حتى يتشرب ويبرد
2 تحليه بشوية زيت تحطيه في كسكاس وتغطيه بصاشي وتتركيه يفور مدة 10 دقائق
3 تهبطيه وتبليه بشوية كيما الكسكس وترجعيه يفور 10 دقائق
4 تعاودي ترشيه تفوريه 10دقائق
5 ترشيه وتملحيه في هاذ المرحلة وتفوريه 10 دقائق وتركيه جانبا

لاصوص: في كوكوت ضعي 3م ك زيت+أطراف دجاج+ثوم مهروس+بصلة مرابية+2 مك طماطم مصبرة+راس حانوت+فلفل أسود+ملح
قليهم مليح ضيفي البطاطا مقطعة على4 +حمص وكورجات إذا حبيتي ومرقي بالماء وأغلقي الكوكوت وخليها تطيب

بعدما يطيب الدجاج والخضر صفي لاصوص كامل منهم وفرغي التيتلي لي كنتي فورتيه في لاصوص على النار حتى يتشرب لاصوص
اسكبيه في طبق التقديم وزينيه بالخضر والدجاج والبيض المغلي والفلفل الحار المقلي.

نتمنى تجربوه ويعجبكم
أخواتي لا تنسينني من صالح دعاءكن
أختكن أم حمزة