اخي ليس سارقا

[مشكلتي]

السلام عليكم
عيطلنا خويا قالنا بلي صرات سرقة وين يخدم في عمرة 16 سنة محبش يكمل قراية
الحكاية انو هذا الولد واحد اخر دخل للمحل من باب خلفي واطفأ الانوار والكاميرا لازالت تشتغل و كان يلبس ويغطي كل شئ غلما انه سرق من قبل ولكن سامحوه حتى انه ارتدى قفازتت وجوارب ولباس نسائي فضفاض ودخل سرق 50 مليون
المعلم في فرنسا جاي وقالهم بلي خويا واحد صاحبو سرقو والسيد السارق هذاك راه فالكوميسارية وخويا وصحبو مداوهمش وراهم فالمحل يستناو المعلم يحبط
اخي وصاحبو عرفو السارق بمشيته ورميه للقفازات في دورة المياه
الان مفهمناش واش نديرو هو فالعاصمة وحنا تقلقنا واش نديرو فهاذ الحالة

[نورسين.داية]

السلام عليكم

لم أفهم شيئا من المعطيات المقدمة ..................

16 سنة قاصر (ههههه) يعني هو أقل من السن القانوني للعمل و سند الرشد كما هو معلوم في القانون الجزائري 19 سنة كاملة و 18 سنة في بعض الحالات الخاصة مثل الإنتخاب مثلا مثلا

و و عندما يمهمك شخص بجريمة ما عليهإ إثبات دلك .........يعني البينة على من إدعى ....
بالتوفيق ...........الأحداث غير واضحة عزيزتي

[toulay]

وعليكم السلام ورحمة الله وبركاته
روحوا عندو و ان شاء الله خير
بالتوفيق

[خالد عنابي]

طيب اخوك لم يسرق وليس متهما وليس مشتبها به

وين راهي المشكلة ؟؟؟؟؟؟؟

[dede2000]

قريت المشكلة نتاعك عدت مرات بصح مفهمتش
راكي تقولي بلي صرات سريقة في المحل ليخدم فيه خوك والسارق حكموه و راه عند الشرطة ، أملا خلاص من واش خايفة علي خوك
شوفي مدام الضبطية القضائية حطت واحد في الحجز القضيية تعتبر محلولة بنسبة 99%
ضك يقدموه لسيد وكيل الجمهورية ثم المحاكمة ثم يعقب العقوبة نتاعو.
فهمت كذالك بلي راكم خايفيين علي خوك وهذا من حقكم لكن تأكدي بلي
ولا مدار والو متخفيش ننصحكم روحو عندو وفهمو مليح وزيدو سقسيو عند الشرطة وخوك قاصر يحميه القانون حتي لكشما دار راه يفوت عند قاضي الاحداث وإذا كان مذنب لقدر الله راه ميروحش لسجن كاين مؤسسة خاصة بالقصر ،
وننصحكم أختي أبعثوه لتكوين يديير مهنة خلتوه يخدم وزيد بعيد علي عينيكم وهذا السن واعر.

[رندة.]

ربي يفرج عليكم ان شاء الله

[ridha34]

ما فهمنا والو.

[أبوإياد79]

ياأيتها الأخت الفاضلة من أطفأ الأنوار؟ ومن ترك الباب الخلفي مفتوحا؟ وكيف لم يتحرك من بالمحل فور وقوع السرقة للإبلاغ؟ وهل من هو في قبضة الأمن تربطه علاقة بأخيك؟..

[sohaibdz]

يا اخت خوك 16 سنة و يخدم في ولاية بعيدة عليكم و انت مقدرتيش ديري موضوع واضح ... مفهمنا والو

[kader001]

أولا على أخيك أن يتصرف كبرئ يعني يباشر بالتبليغ بكل ما يعلم - دون تأخير -سواء لصاحب المحل أم للشرطة و أن يكون متعاونا إلى الأخر ..و هذا أساسي لان أي محقق أم قاضي سوف يلاحظ أول ما يلاحظ سلوك المشتبه فيه -أخيك هنا- هل هو معتدل ; شبيه بسلوك الرجل العادي; أم لا ..و اهم شيء أولا التبليغ في اسرع وقت بالجرم ..سلام..و ربي يكون في عون أخيه ..

[nihal159]

ياختي مافهمتش قصتك مليح؛ أفكارك متذاخلة و غير واضحة؛ المهم ربي يفرج عليكم و يفك ضيقة خوك؛ لكن نصيحة لوجه الله؛ خوك راهو صغير بزاف و مش تاع خدمة و راكي شفتي النتيجة؛ بريء لكن رايحين يمسحو فيه الموس.