السلام عليكم ورحمة الله وبركاته
بدون مقدمات ادخل في صلب الموضوع الامر خطيير جداا ومثل ااصاعقة علي نفسي اخي البكر متزوج ولديه اولاد والحمد الله اكتشفنا مؤخرا انه يمارس( اللواط )والعياذ بالله يذهب اليعم ليفرغ شهوته وذلك لعدة دلالات لا داعي لذكرها والله غير نتمنى يكون كابوس ماشي حقيقة واحيانا نتعلقو بنسبة واحد بالمئة لعل ما نسب اليه ليس فيه ، زوجته امرأة صالحة وتخاف منه لان شخصيته قوية وصعب التفاهم جدا جدا فوق ماتتصورو المهم ربي وحده عالم بها ، بدأت الحكاية عندما اصبح يسهر خارج البيت حتى الثالثة صباحا يدخل للبيبت ومرته وولاده وحدهم ، وهي غير ساكتة ما قدرت تهدر معاه ماقدرت تخبر احد من العائلة لانه لو وشت بيه يهددهازبالطلاق المهم بقى هكذا مدة ليست بالقليلة حتى صراله حادث في نص الليالي رايح لمدينة اخرى مجاورة المهم خرجت سالامات راحت اللوطو وبقات له صحته ومن بقينا نسقسوه واش كان دايك في الليل بقى يلف ويدور مرة يقول رحت نحوس (و هادي ما تدخلش العقل) مرة يقول ديت كورسة كل مرة وكيفاه ، وهنا فتح المجال لزوجته لي بقات كل هاد المدة ساكتة من سالتهاا امي ان كان كل يوم مايدخلش للدار بكري ، قاتلها نعم وحكاتلها بعض التفاصيل لي من بينها انه يهجرها لمدات طويلة ( لعل وعسى تقدر امه تهدر معاه) ، المهم مرت الحكاية وتناسينها لترجع المياه الى مجاريها وسبحان الله وكأن الله يريد ان ينبهه ويحذره لكن لا حياة لمن تنادي هاذ المرة سرقوله السيارة في نفس المدينة وفي نص الليل ورجعت بشق الانفس الحمد لله ومن رجعت للدار فتحتها امي بغات تنظفها لقاتها معمرة دم هذا الي سرقهاله ضربه وسيل له دمه وهرب بيها ، ومن نسقسوه شكون هذا يقولنا ديته كورسا يقولنا منعرفهش المهم الكل كذّبه وقاله كيفاش تدي واحد متعرفهش ع الوحدة تاع اليلل كورسة لمدينة اخرى المهم رغم لسانه الطويل وجبروته ما لقا واش يهدر ، عرفت مرته وعرفو كل خوتي وتاكدنا انه ماراهش يمشي في الطريق السوي لكن حتى واحد فينا ما واجهه وصارحه غير امي وزوجته الي جبدت القديم والجديد ، واصبح مقيد، ادعى انه تاب ورجع يصلي مرته فرحت بيه وقالت ربما هي دعواتي استجيبت ، لكن هيهات هيهات ،
الشاهد من كل ما سردت ، اريد حلا لمساعدته والله مارابح لا دنيا لا اخرة ، حبيت طريقة او توجيه كيف نقولوله يروح عند طبيب نفسي وهل في ذلك امل للشفاء ؟ رغم انه لم يعترف بلسانه انه مذنب ولما امي قامت بلومه يسكت ويبقا يحتسب ويقول الناس يفترون عليا بالكلام ومجرد اشعات برك حتي يغبر الموضوع
السؤال اهنا يبقي مطروح كيف ومن يتكلم معاه او يواجهه بحقيقة اكتشافنا لهاد المرض
مادا نفعل وهو كبير الاخوة
؟؟؟؟؟؟؟؟؟؟؟؟؟؟
اريد حلا لمشكاتي
و رجاء لا داعي للتجريح الي فينا مكفينا ومرته ما غادي تقرا تعليقاتكم ما غادي تشوف واش كتبتو لذلك بلا ماتهدرو فيها راها بنت صالحة وماشاء الله وماتستاهلهش والله المستعان
للعلم مابغيناش نخبرو ابي لانو ابي صعب المفاهمة والحورا وممكن يتبرا منه ويروح لعواج ومانولو نعرفو عليه حاجة على الاقل درك راه يجي للدار وكاين امل نتاخذو استراتجية ونرجعوه للطريق بالتي هي احسن
قريت مرة عن وحدة كتبت في مايخص هاذ الامر قالت انو هاذ الشذوذ مايداواش وراهم يتزوجو ويديرو دراري غير باش مايبانوش انهم شاذين ويدرقو على رواحهم دعوة الشر لي راهم فيها ، الله المستعان
مادابيا ان كان منكم اخصائي نفسي او مرشد اجتماعي يقولنا واش نعملو .....وقرار اني نطرح مشكلتي في هاذ القسم كان صعب لكن الهم اصعب واصعب بكثير انو نتحملوه وحدنا قبل فوات الاوان
لاحول ولا قوة الا الله من استطاع ان يشير علينا بفكرة ولو بسيطة فبارك الله فيه ومن لم يجد اسأله الدعاء في ظهر الغيب
والسلام عليكم