اغيثونييي جزاكم الله خيرا

[مشكلتي]

السلام عليكم ,بدءاأنا طالبة طب بكلية الطب بمستغانم ,دفعة 2016_2015.لكنني كررت السنة وأعدت دراسة السنة الأولى هذا العام,الأمر ليس هنا فحسب هذا العام دخلت للرترباج الذي ان شاء الله ننجح فيه لانتقل للسنة الثانية الطب ,مشكلتي التوتر خاصة فترة الامتحانات بسبب مانلت من علامات سيئة أفقدتني ثقتي بنفسي ضف الى ذلك البطئ في الدراسة مما يجعل الدروس تتراكم علي فلا أحل ما يكفي من QCMولاأراجع ماحفظته بشكل منتظم يجعلني في كل مرة ادخل الامتحان بنفسية منهزمة تحول دون أخذي للعلامات المرجوة ,هل هناك من حدث له مثلي ونجح في الخروج من هذه الدوامة أرجوكم انصحوني لكي أعود كتفوقة بامتياز مثلما كنت في السابق ,

[مراد سابقا10]

يا اختي نصيحتي لك اذا مقدرتيش على الطب اسرعي وحولي لفرع ساهل

ومتخليش عمرك يروح في لاشيء

[abder03]

أختاه، التوتر شيء عادي في الامتحانات و لو كنت احسن طالبة في الدفعة. لتتمكني و تغلبي التوتر الحاد، انصحك ان تغيري طريقتك في المراجعة وذلك
- اقرئي مقياسك فقرة فقرة و حوليها على شكل سؤال و بهذا تحصلين على مجموعة من الاسئلة.
- اكتبي 5 او 6 اسئلة او اكثر على ورقة كانها امتحان رسمي و بهذا تحصلين على عدة امتحانات.
- بعدها اجلسي على لطاولة كانك بالضبط في المدرج وابدئي امتحانك و الساعة امامك.
- بهذا تعرفين نقاط ضعفك فتقويها و نقاط قوتك فتعززها.
هذه طريقتي القديمة في المراجعة و اعطت مفعولها الجيد.
الله يوفقك و يوفق امة محمد. انسيت شيء مهم:اذا بداتي في الامتحان يجب يجب ان توهمي نفسك بان الوقت المتبقي هو 10 د و بهذا تدفعي عقلك الى العمل باقصى قدراته. رددي بصوت منخفظ لم يبقي سوى 10 د وهكذا سترين ان عقلك قد صدق هذا فينطلق بالفيظ. اهم شيء ان لا تعتمدي على اي احد من حولك او ..... فهذا يعيق العقل.

[kacimo.samy]

السلام عليكم
اختي الباك استطعتي الحصول عليها؟
وبمعدل جيد؟؟
وسنة اولى حصلتي فيها؟؟
يا اخت ديري القلب والله كلش ساهل غير حطو ريسانكم
وديرو هدف بصح تتعبي كاين شي ناس حابة تنجح بلا تعب

حاجة للنصحك بيها ما تقريش علا جال نقطة
اقري باه تفهمي و تخدمي بيها في حياتك
انا ما كنتش نقرا على جال نقاط وكنت توجو متأخر
ونغيب بــ شهر لبعد المسافة وكنت نجي اول في دفعة؟؟
سبب ؟ كنت نقرا لروحي نثقف روحي
وكي نحب نجيب نقطة ديك سهلة؟
روحي للدفعات لي قبلك واحد 5 دفعات جيبي كل
اختباراتهم وحليهم لازم تتعاود حاجة (دزيرية ما يحبوش يعيو رواحهم يعاود) وشيخ لي يقريك تبعيه وين يقري نفس المادة وكي يفوتو اختبار جيبيه وحليه
مثلا انا وصلت نروح لتخصص خاطي تاعي مثلا
جيولوجيا حنا نقروها مقياس فقط.. روجت لقسم جيولوجيا لي يقريهم
وسقسيت واش يقرو لقيت سنة ثانية كيفنا جيبت اختبارهم؟
زاد طاح عدنا ديت17.5
من اخير
اقري لروحك موش على جال نقطة
ونقاط تجمع عن طريق حل عدد هائل من اخبارات لاعوام ماضية
الماضية قليل و ين تتعاود بصح لي قبلهم يتعاودو
وحلي اختبارتكم لي في تخصص اخر

بلاك ما تلقيش عندها نفس الاسم


وربيي يوفقك ان شاء الله

[22bilal bilal]

استعيني بالله
اكل يمر بهته الامور

[اناناسة]

اختي اياك و التراجع للخلف ...اقولها لك لانني مررت بتجربة مماثلة و انا الان اتمنى ان يعود بي الزمن فاصفع انانسة ذلك الوقت ....تمسكي بدراستك بقوة و ارمي الكسل خلفك ..مادام اخترت هذا التخصص فانت متفوقة لا تضيعي تعب سنوات و تعب والديك من اجل راحة شهر او شهرين ...صدقيني ستندمين لاحقا ...ابداي خطة جديدة للعمل عاهدي نفسك على التغلب على هذا الوضع و تذكري بان الانسان الذي يركض نحو العلم ماجور عند الله بل و يعينه عليه ...اولا راجعي علاقتك مع الله من حيث الصلاة و القران ...بعد ذلك نظمي وقتك و صنفي اهتماماتك ...لابد هناك شيء ياخذ من وقتك و تفكيرك الشيء الكثير و لذلك لا تشعرين بالدافع القوي الداخلي لتدرسي ....اذا لاحظتي بانك بحاجة لاجازة حتى ترجعي بقوة ...خذي اجازة لمدة تحددينها انت و خلال الجازة انسي كل شيء و لا تحملي حتى قلم في تلك الفترة ...هكذا ستشعرين بالرغبة في الدراسة بقوة ....يطول الكلام و اتمنى لو كان باستطاعتي الحديث معك بشكل مباشر حتى نحدد خطة جيدة معا و لكن ما باليد حيلة ...ربي يوفقك ركزي في الهدف يزول عنك التعب و الملل ...هيا يا اختي ولي لينا طبيبة و فرحينا و فرحي اهلك ...اجري اليوم و راتاحي سنوات لم يبقى الكثير...

[abder03]

ربي يوفقك يا ختاه

[karime amrs]

لا اظن حسبما قلتي انك ستنجحي في مواصلة مشوارك
يعني هذي سنة اولى فقط و حصلتي فيها مابالك بالسنوات التي تلي
انصحك بتغيير الشعبة و ابحثي لك عن غيرها توافق امكانياتك و طموحاتك
و ربي يوفقك

[Davidcena]

شوفي صديقة اقراي معاها باش ديرلك شوية كوراج .

[خـــ القرآن ـــادمة]

السلام عليكم ورحمة الله ،،
اولا اخبرك اختي الحبيبة ،، انك اهل للتخصص واهل لما وضعك الله فيه ،، هذا امر ،، اما قضية الثقة بالنفس التي اصبحت تتراجع فذاك بديهي لانك معتادة على التفوق وفي برهة تجدين نفسك في اخر الدفعه ،،
اخبرك عن تجربة السنة الاولى هي ((الرهج )) تاع المشوار الدراسي خاصة في الطب ،، الله المستعان يخلعوك بكل شي والواحد عاد ما استوعبش المهم السنة الثانية رغم قلة المواد الا انها بدورها شارجي والسنة الثالثة عاد تبدا تحلى الميديسين اما systeme modulaire فهو الاكثر تشويقا ،، هذه نبذة بسيطة فقط لتعزز عندك الثقة بالنفس وان الاتي اسهل باذن الله ،،
فيما يخص الدراسة ،، اختي لازمك تكوني ذكية وتعرفي كل استاذ كيفاش يخمم وطبيعة الاسئلة الي يطرح كاين لي يركز ع التفاصييل المملة وكاين الي بغي غي المهم ،، وشخصية الاستاذ تعرفيها من المواضيع التي طرح سالفا ،،
وطريقة الدراسة ،، ماتركزيش على التفاصيل ،، خذي من الدرس ما ترين فيه اهمية اما الاشياء الخاصة خاصة بزااف غير فوتيها لانو مازال قدامك الطريق وتعاودي قاع الي يهمك كطبيبة سواء عامة او خاصة ،، ان كانت هناك مادة مقربة الى قلبك ضربي ضربتك فيها وركزي ع المعاملات يعني المادة الي فيها معامل كبير حاول تكوني فيها a jour
قري بارتياح وما تحوسيش على الي يقرو معاك وين راهم و وين وصلوا لان ذلك يوتر ع الفاضي ،، الدروس الي تصعب عليك شوفي م اليوتيوب تترسخ لك المعلومات احسن ،، ماتحاوليش تقري كل شي ( لي بغا كل شي خلى كل شي )،، اقري الاهم والدروس الي باينة ،،اما الاخرى كي تشوفي البروف بروحه ماشي فاهمه خليه ف التالي الى بقاله الوقت ،، ان كنت ممن يفضلون الملخصات وعندك الوقت ليها اهلا وسهلا ،، كتبيها وخليها لليلة الامتحان ،، وان لم تكوني فعيني في كل بوليكوب الاشياء الي خصك توليلها يعني ماشي كل شي لانو كاين اشياء بزاف اضافية يحطوهالنا ف البوليكوب غير باش يعمروه ، هذا ان لم يكن بذاته copier ) coller من الويكيبيديا ، وكي تحضري الحصة تعرفي شاهو المهم وشاهو غير المهم ،، شخصيا اعتبر البوليكوب غير ورق يعطوهلنا باش يسكتونا اما الاهم هو حضور الدرس باش تعرفي على واش يركز الاستاذ باش تركزي عليه من الكوغ ،،
ونقولك حاجة الي يدخل الراتراباج ماشي معناته غبي او اقل من غيره ،، ممكن تكون عنده مشكلة مايعرفش كيفاه يقرا وينظم وقته وطريقة دراسته ،، وغيره يعرف ،، ومايغرك حتى واحد شفنا العجب العجاب صديقتي ،، ربي يستر والسلام
اما درك بما انك على ابواب راتراباج جديد ،،
نصيحتي ،، ما تدخليش قاع المواد ،، ليس بمعنى ماتروحيش نهار يكون عندك لالا روحي وسجلي حضورك لكن خربشي وروحي المقصوود المراجعه ،، بما انك سنة اولى والمواد بزاف قري حوالي اربع مواد بالاكثر وقريهم غاية وبيهم عدي العدة ،، ونصيحة نصيحة نصيحة عاودي les qcm لانوووو كاين كاين يعاودولكم ولو 40 بالمئة من الامتحان ،، (الجزائر واحدة والعقلية موحدة)
خلي ثقتك في ربي كبيرة وادعي وتيقني ان الله لا يضيع اجر من احسن عملا ،،
الدعاء والدعاء والدعاء والكد والجد وديري ف راسك ماراكيش وحدك بزااااف كيفك وكاين لي كتر منك
(((((((((
هذه خطة للدراسة ،، فقط والتحصيل ،،
اما صناعة طبيبة فالامر مختلف لان فيه حرية اكبر وراحة اكتر وتشويقا اجمل وحياة رااائعه ،، انت وشطارتك ،، وراه كاين الانترنيت والكتب والمكتبات
ربي يوفقك وينجحك ويفرحك ،،
ان كان لك اي استفسار او شيء يمكنك التواصل معي ع الخاص

[sohaibdz]

ننصحك نصيحة ممكن ماتعجبكش لكن فكري فيها
وهي انك تغيري الى شبه طبي
لانها اقل صعوبة
5 سنوات فقط
العمل مضمون و سهل بالنسبة للطب
ممكن تجدي فيها راحتك و تتفوقي
و بالتوفيق

[mokhtaro]

السلام عليكم
حالتك عادية وتحدث لكثير من الناس في الجامعة خاصة التخصصات التي تحتاج الى بعض الجهد الاضافي كالطب والصيدلة

في هذه المرحلة أنصحك بأن تدرسي مع صديقاتك لكي تستأنسي بهن و لخلق جو للمنافسة والتحفيز

وأبشرك باانك ستتخلصين من هذه الحالة النفسية للأبد بمجرد تذوق النجاح مرة ثانية

[قدور بن عاشور]

لا أنصحك بتغيير التخصص، واصلي و قاومي و كافحي.
فليس من وصل و تخرج بأحسن منك.

أنا مريت بنفس الوضعية أو ربما أشد منها.
كنت نراجع عادي، بصح يلحق الإمتحان و يتحط السوجي فوق
الطاولة، راسي يحبس و نتفرفش و نخاف نهردها، و في الأخير
نهردها.
نجحت في السنة الأولى بشق الأنفس، و لكن السنة الثانية رسبت.
و كنت نراجع بقوة لكن لم تكن عندي ثقة بالنفس.
المهم بعدما أعدت السنة و أعدت فقط المواد التي لم أحصل فيها
على المعدل مما أعطاني راحة نفسية و متسع من الوقت ساعداني
في استرجاع ثقتي بنفسي.

[قطر الندى]

ان الله في عون العبد مادام العبد في عون أخيه ,شكرا على ردودكم القيمة وجعلها الله في ميزان حسناتكم ,لقوله تعالىï´أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ (24) تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ (25) وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الْأَرْضِ مَا لَهَا مِنْ قَرَارٍ (26) يُثَبِّتُ اللَّهُ الَّذِينَ آَمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآَخِرَةِ وَيُضِلُّ اللَّهُ الظَّالِمِينَ وَيَفْعَلُ اللَّهُ مَا يَشَاءُ (27)ï´¾
[سورة إبراهيم الآية:24-27]

[النجمة القطبية]

بصراحة انا عندي وجهة نظر قد لا يشاركني فيها الجميع
لكن بالنسبة لي السنة الاولى هي اسهل سنة في دراسسة الطب اصلا
السنوات بعدها اصعب خاصة السنة الثانية يعني مشوارك مازال طويل
لكن في نفس الوقت معنديش فكرة عن الدراسة في مستغانم او غيره من الولايات لاني درست في العاصمة وكملت دراستي الحمد لله يعني دفعة قديمة
وبصراحة استغرب كيفاش qcm السنة الاولى !!! هكدا راهم سهلوها عليكم
عموما في الطب لازم تقراي بدكاء خصوصا ان الدراسة طويييلة والمعلومات لا تنتهي والوقت قصير
اهم شئ تتعلمي كيفاش تتحكمي في وقتك وتخدمي بتخطيط مسبق
قسمي الدروس على عدد الايام وكل درس حلي الاسئلة المحتملة ديالوا
كثري من التدرب على حل الاسئلة لان كيما قالوا الاخوة اللي قبلي كثير من الاسئلة تتكر خاصة qcm راهم يتعاودو
السنة الاولى هي الاساس تع دراسة الطب كلها الافضل انك تبني اساس متين باش تقدري تكملي السنوات الاخرى
ولا داعي للاضطراب والقلق لانوا راح تجوزي حياتك كامل في الامتحانات وادا بقيتي هكدا ما تجي توصلي للسابعة تدمري اعصابك
السنة الاخيرة مثلا عندك كل ثلاث اسابيع امتحان كيفاش تديري مالا
ونصيحة اخرى متزيديش تدخلي راتراباج راح تتعبي نفسك بزاف ويحبطلك المورال الدراسة اصلا متعبة وانتي تحتاجي للراحة ادا جوزتي الصيف في الدراسة راح تدخلي عامك الجديد بمعنويات منخفظة
الافضل تخلي الصيف للراحة او للمطالعة وتثقفي نفسك للعام الجديد
اجتهدي قدر المستطاع السنوات الاولى متقرايش للامتحان فقط اقراي يوميا ومع الوقت تولي متفوقة وتحتاجي لجهد اقل
بالتوفيق