السلام عليكم نقدملكم اليوم من مطبخي الصغير خبز ولا اروع ان شاء الله يعجبوكم
المقادير
كاس حليب دافئ
ملعقة كبيرة خميرة الخبز
ملعقة كبيرة سكر
2بيض
فنجال زبدة او مرغرين او سمن
الملح
صفار بيضة مع نقاط خل ونقاط زيت وشوية حليب
تشكيلة من الزرارع
زريعة البسباس
جلجلانية
سينوج
زريعة الكتان
البافو
انت واش عندك
التحضير
نخلط الحليب الدافئ مع الخميرة والسكر ونخليه يطلع مليح ونضيف البيض انا هنا ضفت بيضة كاملة وبياض بيضة والصفار خليتو ندهن به ونضيف الفرينة بالشوية ونخلط حتي تصبح العجينة متماسكة نوعا ما نضيف الملح ونضيف الزبدة بالتدريج ونعجن حتي نحصل علي عجينة طرية ولازم تكون معجونة مليح مليح هنا نخليها في ايناء تطلع مليح حتي يتضاعف حجمها ونهبطلها الطلوع ونعاود نخليها تطلع مرة اخري حتي يتضاعف حجمها
هنا نشكلها كما نحب انا هنا الكاس لي كيلت به دارلي 4خبزات صغار وقيس خبزة واحدة درتها ضفيرة وللاسف اني مصورتش المراحل كامل
المهم ترجعوا الوصفة ندهن الخبزات بخليط صفار البيض ونذرر الزرارع ديري واش عندك ونخليها تخمرة جيداً ونسخن الفرن حوالي 180الي200 درجة ونحط البلاطو نتاعي فالرف الفوقاني حوالي 10الي 15دقيقة وتشمي الرائحة الزكية اكون طاب وتحمر من فوق ومن تحت بلا منشعل الفرن الفوقاني جربوها ومتندموش ان شاء الله.
ملاحظة
اذا حبيتيه بريوش زيدي كمية السكر.
دعوة خير في ضهر الغيب
( تقرير عن مشاركة سيئة )، و الموجودة أسفل كل مشاركة .
2017-03-16, 17:55
خبز او بريوش خفيف كالقطن
العرض العادي
