أهل زوجي فضوليين جداا واش ندير

[مشكلتي]

السلام عليكم اخوتي .

هاذي عامي الأول نتاع زواج و راني كرهت أساليب تعامل أهل زوجي الفضول و الفضول .... لازم يعرفو كولشي بأدق التفاصيل .

في كل مرة نشري لباس جديد و نلبسو و نروح عند أهل زوجي للزيارة . غير نقعد شوية مع عجوزتي و سلافاتي .. و يبداو يخزرو في قشي كأنهم ما شافو والو في حياتهم . يبداو التفتيش فيا أشحال شريتي ساك نتاعك و وين شريتيه ؟ أشحال شريتي الصباط ؟ و المونتو .... ؟ يقعدو يبحثو و يحرجو فيا ... و أنا في كل مرة نقول لهم نسيت أشحال ... ما علاباليش .... تقوم عجوزتي و تفتش عند راجلي قدامي و تبحث اشحال شرالي قشي ؟ يعني لازم تجيب الخبر يالوكان تجيبها يوم كامل تفتيش .
و نقول لكم صراحة ما راناش أغنياء رانا في بيت كراء و كي نشري حاجة غير في solde و لا حاجة رخيصة و مرة في شهرين و لا ثلاث باش نشري

يعني لازم نروح عند دار عجوجتي بملابس قديمة باش يسكتو .. و لا نتفادا نروح عندهم ... و علما أني عروسة جديدة و أمي تقول لي لبسي باش تباني عروسة ....

قلت لزوجي كي نرد عليهم نسيت أشحال لازم أنت تجاوب كيما أنا نسينا أشحال ... بصح هو ما يقدرش يكذب على أمو . يعني لازم نفريها وحدي .معاهم ..

أنا عييت و ما علاباليش كيفاش نسكتهم و بأي أسلوب باش نتفادى المشاكل . شكون جازت نفس المشكل و لا عندها حل و الله نشكركم بزاااف .

[الرميصاءْ]

السلام ورحمة الله وبركاته
راكي ساكنة وحدك وراكي تشكي منهم حاولي تجاوبيهم عادي ومتكذبيش
كاين نساء راهم عايشين في مشاكل كبيرة ومايشكوش
روحي احمدي ربي على النعمة لي راكي فيها

[عاصمة الضباب]

السلام عليكم، مادامهم مهومش يجوك لدارك ويفتشو فيها ويتعداو على خصوصية بيتك واغراضك راكي لاباس . وين تبان الأسئلة اللي راهم يسقسوا فيها قدام فضوليات من نوع آخر وأكثر إزعاج. ....بالاك معندهمش مساكين ولا ما يخرجوش بزاف يسقسوك نتي باه يعرفوا الجديد ؟
....وزيد راهم يسقسوا فيك نتي وراجلك طاي طاي في وجهكم ماشي يحكمو راجلك على جهة ويبداو يحققوا!
....ياك راكي ساكنة وحدك وخاطيتهم وين راه المشكل كي يسقسوك ولا حبيتي تصنعي مشكل من عندك. ....جاوبيهم عادي. ...شحال من خطرة راكي تروحي ليهم في السمانة. ...على شحال من حاجة راهم يسقسوك. ....عادي الاجابة ما تاخذش منك جهد كبير....إلا إذا كانت هناك حاجة أخرى ما تخليكش تحبي تخبريهم!
....هذي سنة أولى زواج ومازلت الأيام جاية ولا قدر الله راح توريك صح المشاكل أثناء الزواج كيفاه دايريين كبري عقلك وخطيك مالمشاكل.
.....إذا شفتيهم تماداو فالفضولية نتاعهم ثم صح يليق تتحركي باش توقفيهم ....هذا رايي ختي نتمنى نكون افدتك، بالتوفيق.

[أم عبد الله السلفية]

السلام عليكم



عَنْ أَبِي هُرَيْرَةَ رضي الله عنه قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
( مِنْ حُسْنِ إِسْلَامِ الْمَرْءِ تَرْكُهُ مَا لَا يَعْنِيهِ ) رواه الترمذي (2318) وصححه الألباني .


هذا المشكل يحصل كثيرا

كان الله في عونك

جاوبيهم برديلهم قلبهم

ماعندهم ما يضروك إذا جاوبتيهم أحسن من أنك تكذبي عليهم و تقولي نسيت

الله المستعان هذا الوضع ناتج من الفراغ

فالذي لا شغل له يشتغل بغيره

[خالد عنابي]

نقصي من الذهاب الى بيت اهل زوجك

[محمد جديدي التبسي]

البسي جلباب ونحي عليك المونطو والصاك كل مرة لون جديد ؟؟
أما ملابس المنزل والفساتين فطبيعي تسألك عنها ما تكبريهاش النساء فضوليات ويحبو اللغو وفضول الكلام وهذا احسنلك من الغيبة والنميمة والقيل والقال
تعاملي مع الامر ببساطة والبسي حجاب شرعي يغنيك عن كل سؤال..بالتوفيق

[hanan7]

انتي مكبره الموضوع .. عادي وإذا سألوكي شو فيها ..! عادي ! انتي شكلك مو حابيتهم ومو حابه اسئلتهم ولا حابه شي منهم .. بس هما ما عم يجو لعندك ع البيت ويطفلو عليكي انتي يلي عم بتروحي لعندهم .. خليكي بنت عالم وناس وخدي اسألتهم بصدر رحب ..

[عثمان الجزائري.]

أغلب النساء يتحسسون من قضية اللباس من أين إشتريتها أو بكم و أمنية كل إمرأة أن تلبس شيئ لم تلبسه أنثى فوق الأرض، المهم بالنسبة للرجال هذا يعتبر من سفاسف الأمور و أعتذر عن قولي هذا فليس الذكر كالأنثى، يعني لو رجل سأل رجل بكم إشتريت و من أين؟ لأعطاه حتى عمر البائع و عدد أولاده يعني هذا ليس بالشيئ الذي يوجب عليك تغطيته أو تكذبين من أجله، حاولي أن يكون عقلك أكبر و بالك أوسع من هذه التفاهات...و كما قال الأخ جديدي جلباب يغنيك عن كل هذا.

[نورسين.داية]

السلام عليكم

هي رسالة في الحقيقة زوجك لم يفهمها ...عزيزتي و أنتي أيضا .....الغرض من السؤال ليس الثمن حنونة و إنما أيها الزوج علاش في كل مرة راك تشريلها ههههههههههه يعني قضية غيرة فهمتي ماش الثمن أو الفضول ههههه واضحة الصراحة


الجواب بكل بساطة ........................مانقولش ........ صدقيني لن يعيدو السؤال مرة أخرى شوفي يوجد فئة في المجتمع ماليق ليها غير كف يعرفو بلاصتهم
بالتوفيق عزيزتي

[ايمان4]

اغلب الاعضاء لم تفهم الموضوع و ربما حتى انت يا صاحبة المشكلة الغرض من السؤال ارهقت كاهل ابني بالمشتريات كل مرة لبسة جديدة الشهرية كملتيها و يزيدوا يتاكدوا من السعر عصفورين بحجر اولا شحال نقص من الشهرية و 2 ا وليدي راك شريت بزااف ريتي --حبس--
و صراحة ايلا كنت تشري بزاف و راكم في دار لكرا بدي تخلي دراهم على جهة احسن من اللبسة و الشطايط كامل ما يبانوش قدام الدار و السكنة ممكن يبغيو لابنهم الخير خصوصا اذا كنتو متزوجين حديثا هذا الوقت لي تبداو تديرو مستقبل المهم تقبيلي نصيحتي بصدر رحب لانني لا اعرفك و لا حتى عندي اخوان كتزوجين وجهة نظر برك ممكن نكون مخطئة و ممكن نكون مصيبة

[الطيب الجزائري34]

هذه هي الحوارات التافهة التي امقتها. .

[ام رضوان]

السلام عليكم
ياسيدتي اولا مثل ماقالتلك الاخت احمدي ربي راكي ساكنة وحدك وراكي تروحي زيارة برك
وثاني حاجة ونقولهالك مايغيضكش الحال
دخلتي عروس جديدة وراكم بالكراء تقدري تقولي عندهم الحق
احنا نعرفو لعروس الجديدة غير تلبس القش اللي جابتو من دارهم يخي ماجاتش عريانة؟
وثاني حاجة زوجك هذا اللي راهو يشريلك ويفشش فيه مايعرفش كي يشريلك حاجة يتفكر ميمتو ثاني بكسوة ؟
ولا هي ماتسخفش؟
وثالث حاجة قاعدة تكذبي وتعلمي في زوجك كيفاش يكذب(لازم نتفاهمو على هدرة وحدة)
اااااااه يااااالدنيا
لكان كل مرة تروحي توجعيلهم قلوبهم وتتبختري قدامهم الله غالب يغيرو بسيف عليهم
ربي يهدينا برك

[غزلانْ]

السلام عليكم

الفضولي لا يفتح الباب بل يدق الباب
كلمة ماشافو والو تُظهر و كأنك تتفاخرين
محتوى الحديث
قد يكون من باب النصح لا غير فقد تجدك تكلفين ابنها خصوصا و مسألة الكراء
و قد تكون من باب الغيرة فالكنة تتأنق على حساب ابنها و العجوز أمه محتاجة للفتة و لو هدية من ابنها تسعدها
و منه أظن أنها تنصحك و ان حدث و اقتنيت مستلزمات فلا تنسي شراء هدية لها لأم زوجك لتحببيها فيك و لا للمبالغة فلك
سكنك

[الداهية كيداهن]

فقط ملاحظة، أحيانا تكون الزوجة عاملة و تقتني الأشياء بنقودها و أهل الزوج يجرأون على التعليق على ثمن [color="blue"]المشتريات بأنه باهض، ليس من باب النصح بل لأسباب تتعلق بالغيرة، كيف لا وهم يسارعون لاقتناء نفس الشيء بعد مرور فترة. [/color]

[ياسمين تلمسان]

لا تفتحي لهم مجال السؤال