طلب مساعدة فورية

[مشكلتي]

السلام عليكم

باختصار كيف اتعامل مع انسان بغيض وحسود مهما كانت قرباته لي ،لان عقلي يكاد ينفجر من التفكير المطول ،،،لم أجد طريقة ارتاح بها في تعاملي مع هذه العينة البشرية ،،،،من فضلكم أريد أجوبة على الفور لاني سادخل في اكتئاب لا مخرج منه ...بلغت 21 سنة وكأني عشت 80 سنة 😧 ....انقدوني انقدوني....

[ام رضوان]

السلام عليكم
بنيتي عليك اولا بتحصين نفسك بالاذكار واامداومة عليها
والشخص اللي راهو يحسد فيك نقولك احسني اليه
قد تستغربين ولكن هذه هي الحقيقة
وانا دايما تقولي امي الله يحفظها
اللي خايفة من حسدو عمريلو عينيه وفمو
يعني يااما بهدية بسيطة او ماكلة تطعميهالو تقولي راه يكفيك ربي شرو
جربيها انا والله راني ماشية على هذه الطريقة
وانت وعلاه تمرضي روحك
حصني نفسك وقولي لن يصيبنا الا ماكتب الله لنا
ربي يحفظك ويقويك ومن كل عين وحاسد الله يحميك امييين

[Lali13Smith]

الناس اللي دايرين هكا عاملهم بالعنف وان اقتضى الامر تشاجر معه لان المساعفة ماش مليحة طفرها في روحك برك تعلم تساعف والديك برك

[مراد سابقا10]

انا نقولك حاجة ونصيحة اديها من عندي

كيما قال الأخ سابقا هذوك الناس الحاسدين والحاقدين لازم تتعاملي معاهم بصرامة شديدة

لأنوا لوكان ترخفي روحك معاهم قادر يقذفوا في شرفكم يديرولكم حوائج لي متتوقعهاش

انا ننصحك ذلك الصنف من الناس قاطعيهم نهائيا نهائيا السلام ومتقوليهالهمش كي يعرفوا الناس بلي انتم اعداء ميقدر يديرلك والوا

بصح تقعدي تمشي معاه وهو حاسدك قادر يديريلك الفخاخ ولي بياج

المقاطعة هذا هو الحال الوحيد مع هؤلاء

وانا ارفض فكرة الأخت في الرد الأول لي تقولهم ساعفيهم

راهي غالطة 100ب المئة

كي تساعفي واحد حاسدك يديرلك حوائج متتوقيعيهاش

حذار ثم حذار

[أم سلوى]

احسن حل كلنا ننتهجه هو عدم التفكير أبدا في مشكله تجاهل المشكل ولا تتجاهل الانسان
لأن عقل الإنسان يعيش الغضب بمجرد تذكره لهذا يستحسن عدم التذكر اطلاقا لانك تكون لك طاقة سلبية تؤثر على حياتك

وقل فقط حسبي الله ونعم الوكيل...لان خذه الكلمة تجعلك تنسى ...اراديا وعمدا
المشكل يختفى بعد شهر او شهرين تماما...أصبر فقط

[الألمعي]

"إن من الشعر لحكمة" أفضل حل لمعالجة الحاسد ما قاله الشعراء.

دَعِ الحَسودَ وما يلقاهُ من كَمَدِهْ ***** يكفيك منه لهيبُ النارِ في كبدهْ.

قال ابن المعتز :
اصبرْ على حَسدِ الحَسُو **** دِ فإنَّ صَبْرَكَ قاتِلُهُ
فالنّارُ تَأكلُ بَعضَــــــــها **** إنْ لم تَجِدْ مَا تَأْكُلُهُ

[زبدة ذايبة]

عليك بتحصين نفسك أذكار الصباح والمساء ماتخليهمش مع آية الكرسي

هذي الطريقة الأولى

ثانيا

على حسب نوعية الحاسد

وبما أنهم أقارب ( ان شاء الله برك ماتقوليلناش خواتاتك)

إذا كانوا بنات صغار كيما انت حاولي تحسني ليهم

حتى تطفى هذيك الحرارة اللي في نفسهم تجاهك

إذا درتي هذ الطريقة وماجابتش نتيجة

نروحوا للخطة رقم 2

إذا كانوا من النوع اللي يتكلم ويحاول يهينك

في هذ الحالة عليك وعلى الأسلحة أعلني انطلاق عاصفة الحزم

ماتخليهمش يهينوك ولا يجرحوك دافعي على روحك ماتسكتيش حتى تضع الحرب أوزارها

الطريقة الثانية :

إذا كانوا ناس كبار عليك في السن وكلي أمرك لله أولا وأخيرا وبلغي والديك

خاصة إذا لقيتي تلميحات ولا تصريحات من طرفهم

وزيدي بعدي عليهم ماتشوفيهم ماتروحي ليهم ولا جاو لعندكم تحججي أنك عندك قراية ماتقدريش تكوني معاهم

اجتنبيهم وتجاهليهم . ماعندك علاش تعمري راسك بحاجات ماعندها حتى معنى

وأخيرا

ماتنسايش تحصني نفسك.- ان شاء الله برك تكوني تصلي هذا ماراني خايفة -

تكوني ماتصليش وحابة نصائح مشكلة كبيرة

اللي يفرط في جنب الله يضيع، وان شاء الله نعطيولك ألف طريقة،،،ماتنفعكش

يقول الشيخ بن عثيمين رحمه الله في العين والحسد ( نعطيلك المعنى) لما تصيب العين الشخص ،،،فهذا ليس لأن العائن عندو قدرة كبيرة على هذا الشيء .

بل لأن المعيون أو المحسود فرط في الذكر وفي الصلاة .،،،، على هذا تصيبه العين والحسد.

بالتالي يابنتي

المشكلة راهي فيك بنسبة 80% راجعي روحك وراجعي صلتك بالله،،،،،، وراجعي صلاتك،،،،، وقراءتك للقرآن

ربي يوفقك ويثبتك ويهديك

[ياسمين تلمسان]

ربي يعاونك اختي

[نورسين.داية]

السلام عليكم

لو كان يعمل معك في مقر العمل كنت أستطيع مساعدتك ....لكن في العائلة ....و الله مشكلة حقيقية .....في المنزل اللقاء يومي و العلاقة إلزامية وواجب التعامل معه بشكل يومي

المقاطعة لا تخدمك ....لكن التجاهل و عدم تنزيل العقل الى مستواه هذا هو الحل لأن المقاطعة خصوصا في الإطار العائلي لا تأتي ينتيجة . إيجابية لأنك في كل إجتماع عائلي سوف يكون حاضر ......ليس لك حل سوى حكمة التجاهل و التصرف مع صبر قوي .....................

بالتوفيق أخي

[softech]

الردود كلها تخاطب انثى لا ادري كيف عرفتم ذلك؟

يا اخي ابتعد عنه و قلل من اتصالك به و تجنبه قدر المستطاع
حاول ان تكتم احوالك عنه او عن من يوصلها له
لا تخبره بعملك او نجاحاتك او مشاريعك كما قال سيدنا يعقوب لابنه يوسف عليهما السلام:
"لا تقصص رؤياك على إخوتك فيكيدوا لك كيدا"

تحصن بالقرآن و الاذكار وتوكل على الله ليسترك و يحفظك.

[sohaibdz]

عامليه معاملة جد سطحية و متعمريش راسك بيه

[zakaria1980]

ربي يعاونك اختي

[محمد ايوب طيب]

السلام عليكم ورحمة الله وبركاته.
أحسن طريقة هي تجاهله وعدم التفكير فيه ابدا .
أما بالنسبة الحسد وغير دالك .لن يصيبنا إلا ما كتبه ألله لنا

[Saif al-Islam]

المشاركة الأصلية كتبت بواسطة مشكلتي

السلام عليكم

باختصار كيف اتعامل مع انسان بغيض وحسود مهما كانت قرباته لي ،لان عقلي يكاد ينفجر من التفكير المطول ،،،لم أجد طريقة ارتاح بها في تعاملي مع هذه العينة البشرية ،،،،من فضلكم أريد أجوبة على الفور لاني سادخل في اكتئاب لا مخرج منه ...بلغت 21 سنة وكأني عشت 80 سنة �� ....انقدوني انقدوني....

أحسن حل لمثل هذه الحالة هو الإقتراب منه أكثر و إن إستلزمت الضرورة حتى قدمي له هديّة ، لأنّ الهدية تليّن القلوب ، و هذا من وصايا سيّد الخلق محمّد صلى اللّه عليه و سلم

و ما تقدّمت به في الرّد " أم رضوان " من بين التّجارب في الواقع ، فلا تتردد

أتمنى لك ( ي ) التوفيق ، سلام >> سيف الإسلام <<

[ابني حياتي]

نصيحة ديما تقولهالي ماما لي يدير فيك الشر ديري فيه الخير و انا ماشية بيها و الحمد لله