اين اجدها

[مشكلتي]

السلام عليكم
مشكلتي هي حل لمشكلتي
اعطيكم من الاخر
قررت اعادة الزواج
ولكن ابحث عنها طبيبة مختصة حديثة التخرج وصغيرة في العمر
استطيع ان افتح لها عيادة خاصة
سؤالي هو كيف اجدها لان علاقاتي في مجال الاطباء المختصين قليلة
اعطوني افكار كيف اجدها؟؟؟

[hanan7]

ما بعرف بس يمكن إذا بتروح ع كلية الطب أو ع المستشفيات بتشوف الدكتورات يلي هناك ممكن تلاقي الدكتوره يلي بدك ياها !!

[قدور بن عاشور]

ماذا عن دين المرأة و جمالها و نسبها و تربيتها و ماضيها؟
آه كل هذا لا يهم المهم البزنس و المدخول.
Tu cherches un fond de commerce ya hbibna

[حنين حنين 8]

ما طلبت. كثيرا.
طبيبه. ومختصه. وهي زوجه ثانيه
هل الطبيبات. ينتظرن هذا الزواج
بفارغ الصبر. ربي يصلح. احوالنا

[Abderrahim Alger]

والزوجة الاولى
ترميها

[النجمة القطبية]

هههههههه ضحكتنى يا اخي طبيبة متخصصة مرة واحدة وزيد زوجة ثانية وتفتحلها عيادة
مفهمتش هدا زواج ولا صفقة مادية
زيد صغيرونة خخخخخ تبانلي جاهل بمجال الطب تماما معلابالكش شحال تقرا الطبيبة بعد الطب العام والتخصص باش تفتح العيادة
احسب معايا سبع سنوات طبيب عام زيدلهم خمس سنوات تخصص وحوالي عامين على الاقل service civil المجموع شحال حوالي 14 سنة
طبيبة كملت التخصص شحال يكون في عمرها مثلا 15 سنة
صراحة موضوعك نكتة حاب تدير تجارة على ضهر الاطباء وزيد صغيرة عمبالك تقرا 14 سنة باش تستناك تستغبيها
دير في بالك انو الطب مهنة انسانية وماراهوش استنزاف لجيوب الناس
ربي يهديك على الاقل قللنا انسانة متدينة وبنت ناس
نجيب طبيبة متخصصة وصغيرة تقول راح تشري سيارة ولا كيلو بطاطا

[biti]

المشاركة الأصلية كتبت بواسطة النجمة القطبية

هههههههه ضحكتنى يا اخي طبيبة متخصصة مرة واحدة وزيد زوجة ثانية وتفتحلها عيادة
مفهمتش هدا زواج ولا صفقة مادية
زيد صغيرونة خخخخخ تبانلي جاهل بمجال الطب تماما معلابالكش شحال تقرا الطبيبة بعد الطب العام والتخصص باش تفتح العيادة
احسب معايا سبع سنوات طبيب عام زيدلهم خمس سنوات تخصص وحوالي عامين على الاقل service civil المجموع شحال حوالي 14 سنة
طبيبة كملت التخصص شحال يكون في عمرها مثلا 15 سنة
صراحة موضوعك نكتة حاب تدير تجارة على ضهر الاطباء وزيد صغيرة عمبالك تقرا 14 سنة باش تستناك تستغبيها
دير في بالك انو الطب مهنة انسانية وماراهوش استنزاف لجيوب الناس
ربي يهديك على الاقل قللنا انسانة متدينة وبنت ناس
نجيب طبيبة متخصصة وصغيرة تقول راح تشري سيارة ولا كيلو بطاطا

كفيتي و وفيتي
حاسب راهم يستنو فيك غي نتا الله يهدينا

[om_hadil]

انت تبحث عن زوجة ثانية ام صفقة !!!!! ربي يهديك

[ايمان4]

خسئت اسفة و لكن فسدتو الطب ... الطب مهنة انسانية انسااانية نحن لا ندرس لاحل المال و لكن لتسكين الالام و نفيد الناس مما علمونا الدكاترة في الجامعة .... لا نسهر الليالي البيضاء لاجل المال الفاني .... على الاقل من يدرس الطب عن قناعة لا يبحث عن المال اما الباقي فلا شان لي به ربي يوفق

[softech]

يا خويا حاط روحك راك تشيرشي في قوقل هههه!
كون تروح تقول لوحدة طبيبة مختصة كلامك هذا علابالك تكتب بيك برية لمصحة عين عباسة.
وماتزعفش من كلامي والله ضحكتني و ان كان نطلب ربي يوفقك و حاجة ماهي بعيدة او مستحيلة.

[زبدة ذايبة]

انت ماعندك علاقة لا بالطب ولا بغير الطب

انت إنسان تاجر تعرف تبيع وتشري

وراك تحوس على بضاعة بهذ الموصفات

ممكن تكون طلقت زوجتك الأولى وجيت تبحث عن وحدة بمقاييس معينة

على كل حال انت حر واحد مايحاسبك على اختياراتك

لكن

المرأة بشر وعندها روح وعندها عواطف ومشاعر ، تحب،،، وتكره ،،،،

سبحان الله حيرتني ياأخي

من كلامك تبان تاجر وموالف تحوس على السلعة اللي تسحقها بهذ الطريقة

لكن الزواج على ما أعتقد ماراهوش بهذا الشكل

الزواج مودة ورحمة وسكينة

عمر الزواج ماكان مشروع استثماري

عندك المال تفتح عيادة طبية لأخصائية مقابل الزواج

هذي صفقة تجارية

انت لاتبحث عن الزواج

انت تبحث على السمعة والتجارة

و طبعا زيادة الخير خيرين تكون صغيرة

الطريقة اللي تلقى بيها هذ السلعة

تقدر تحط إعلان واكتب فيه :

إعلان مهم الرجاء من الأخصائيات اللواتي يتراوح سنهن من 18- 23 سنة

التقدم إلى محل السيد ******** (تحط إسمك) للترشح للزواج مقابل فتح عيادة خاصة

وشوف شحال من وحدة رايحة تجي

كيما موالف تجيب السلعة تاعك من المحالات والحوانت تلقى الطبيبة الأخصائية

وين موالف تشري الصابون والسكر عند بائع الجملة تلقى في محل كبير جدا إسمه كلية الطب عندو فيه الطبيبات بمختلف الأعمار والتخصصات

خير واشري على قياسك

كاينة حاجة وحدة برك لازم نأكدلك عليها

هذ البضاعة مافيهاش تاريخ الصلاحية

انت وزهرك

كاين اللي فاسدة كامل ماتصلحش وتكون صلاحيتها انتهت هذي سنوااااات بصح مازالت تقرى وتتخصص

كاين اللي صلاحيتها يوم واحد برك

كاين اللي صلاحيتها شهر

كاين اللي صلاحيتها لاتنتهي إلا بموتها ( هذا النوع غالي بزاف وماشي متوفر لا في الشوارع ولا في الأسواق )

وحتى ولا درت الإعلان تاع هذ الصفقة مايجوش لعندك


هذا النوع غالي ومايتحركش بلا شروط محددة

تلقاه في البيوت الشريفة والصالحة ماتلقاه في حتى محل ثاني

الأغلبية اللي تقدر تشريهم النوع الرخيص تكون انتهت صلاحيتهم أو أنها محدودة من 1يوم ،،،لسنة ،،، سنتين،،، على الأكثر

هذ هي الطريقة التي تجد بها هذه البضاعة!!!!!!!!!!!!!!!!!!

نولي ليك ضرك

درتونا بضاعة رخيصة !!!!!!!!!!!!!!!!!

تتزوجوها صغيرة ولما تكبر ديروا فيها آلاف العيوب

وبعدها تبدأ عملية البحث عن صغيرة أخرى لإعادة الشباب من جديد

ماتعيش معاكم مليح لا الصغيرة ولا الكبيرة

تحطموهم في زوج بسبب الأنانية والنزوات التي لاتنهتي إلا بموت هذا النوع من الرجال

أصبحت المرأة لما تتزوج تشوف أن زواجها ماهو إلا نزوة من الرجل

فقد الزواج وتأسيس الأسرة للهدف الذي جعله الله عزوجل ينبني عليه

الحياة قصيرة جدا مايضيعهاش الإنسان في تجارة خاسرة

[طموح متجدد]

هذه المشكلة مفبركة ، لغرض الإستفزاز لا غير ...