ارجو الدخول جميعا من فضلكم

مشكلتي · 2017-02-12, 16:35

السلام عليكم حبيت نحكيلكم حكايتي زوجة اخي متزوجة منذ عامين ونصف ولديها ولد وعمرها 22سنة واخي متزوج بها وعمره 31سنة المهم مشكلتي اني كي ندخل للدار والله ديما نشوف امي طيب في عشاء وغذاء وتقوم باعمال منزل واما زوجتي اخي ديما راقدة ما تطيب ما تغسل وما دير والو تعرف تاكل وترقد انا معنديش مشكلة بيننها وبين راجلها بصح والله سككت عليها تقريبا عامين ونصف امي هي طيب وتعطيها العشاء ولا الغذاء وزوجت اخي تاكل وتحط ماعينها في مطبخ بلا ما تغسلهم وترجع شومبرتها وتجي امي تغسل اواني لي كانت تاكل فيهم زوجت اخي والله عامين ونصف هذا منظر وجعني قلبي واحد مرة حكمت خويا قتلو احكم في مرتك وقلها على اقل تعاون ماما شوية وتغسل غير اواني انتاعها لي تاكل فيهم قالي مدخلش روحك وكي تزوج نشوفك مصبرتش قتلو انت ديوث مرتك تحكم فيك وحدة مرة ايضا كانت قاعدة امي وزوجت اخي يحكو جا خويا دخل للدار ياخي امي راحت قطعتلو طاماطيش وداروتولو في صحن وجابتولو وزوجتو قاعدة وتضحك كي لي معندناش مشكلة عاجبها الحال ياخي وحدة مرة قلقتني قلتها اغسللي ماعينك زعفت ودخلت شومبرة مخرجتش جاني خويا قالي قتلك متيديش دخل فيها وفي حياتنا قتلو اسكن وحدة دير رايك انت ورايها بصح كي نشوف امي عبيدة عندك زوجتك منسكتش سكتت عليها عامين ونصف وش بقا بش نسسكن المهم ولات زعفانة وخويا دوست معاك كلام فقط وليت منحبوش بصراحة كي تروح ولا ترجع زوجتي اخي تقلي صباح الخير منقيمهاش بعدها حكمت امي قتلها متزيديش تغسيلي اواني كي تاكل هي تغسل وانت تطيبي قلا معليهش بصح حاجة لي خلاتني نكره انها امي تقوم باعداد اكل لطفل صغير وهي قاعدة تفرج مسلسلات وتخدم فيس بوك قلتها متزيديش تغسلي لعلى تفوقلها ويهديا ربي ياخي لقيتها ابليس معلابلهاش وامي اصرت انها تبقى عبيدة اسمحولي على هذي كلمة والله امي عزيزة عليا وخويا يشوف فيها انها امي تخدم كلش وهي زوجنتو راقدة ومشكلة انو اكتشفت انها عندها مكانة مثلا نقلك حاجة انا بعض مرات ندخل للدار نلقى غذاء طماطيش ولا بصلة ولا بطاطا ولا اكله عادية وهي نلقاها امي مخبيتها اكلة زينة مثلا عندما يكون غذاء دنجال ولا بصلة امي تجيبلي بصلة وهي تروح تعطيها بطاطا ولا بيض ولا المهم وش تحب تاكل هي وانا لا لا واللله كرهت مثل يوم دخلت لقيت غذاء ديالي شلاطة وهي بطاطا وشلاطة في نفس وقت هي عطاتها بطاطا وقتلها قلت ماما مانكلش شلاطة قاتلي كاين غير شلاطة برك وبعد اكتشف انو بطاطا لزوجت اخي والله حرت والله مش مرة برك صارتلي الف مرة مرة نضت على 8.30 نتع صباح لقيت خبز كنت رايح نفطر بيه قالتلي خليه راه خوك صغير قالي دسيها كي نجي من مدرسة ناكلها راني مش خاوي قلت عادي في نفسي والله ما قاضتني وبعدها خرجت ورجعت مع 12.00 لقيتها زوجت اخي تاكل فيها عرفت بلي كانت مخبيتها ليها هي وحكمت خويا قتلو خبز وعلاش ققلت ماما خبيهلي قالي مقلتش رحت لماما قتلها علاش تميزيني بيني بين زوجت اخي ياك انا نضت مع 8.30 نتع صباح قتيلي لا وهي ناضت مع 12.00 وعطيتهلها ومشكلة انك نحيتيها من ادي والله كرهت العائلة كاملة اخي ساكت عليها وهي دايرة رايها وتخدم في فيسبوك ومشكلة واللله اخي سلفي وداير لحية تكتف جمل امي ولات زوجتي اخي هي صح عندها ولات هي تخبيلها حاجات وتاكل وش تحب واما اني ناكل وش كاين ولا ناكل برا في شارع من دراهمي والله حرت حاب نهرب من دار ونخليهم وخويا راني متشاجر معاه على حكايت زوجتي والله قتلو روح اسكت وحدك ولا كشم نهار نضربها سكت عليها عامين ونصف ياسر والله كرهت دار وليت نحب نخرج من من صباح نرجع في ليل برك والله حبيت نعرف راهم كامل زوجات مطيبوش في دار زوج ويتمسخرو بزاف ولا غير هذي لي متزوج بيها خويا مشكلة اني بعض مرات نشك بلي هي في علاقة مع عشيقها سابق قبل ما تزوج كانت تحكي مع شخص في هاتف ضربوها خاوتها مزالت تحكي معاه و كي تزوجها خويا قالت راني تفارقت معاه وهي ديما كي يخرج خويا من دار متطلقش تليفون وفيس بوك حتى اني شكيتها فيها عشيقها تحبو اخي تكرهو مشكلة اني كي نولي قاعد نحكي مع ماما وهي كي تولي قاعدة تقول هي بلسانها انها تكره زوجها ومش مقلشها وتقول اصلا ندمت كي تزوجت بيه هذي شيئ خلاني شاك بلي راها تحكي مع عشيقها قديم والله اعلم ومشكلة انو زوجها مخليها فاتحة فيس بوك مش راقب فيها والله كرهت حكيتلكم حكاتي كاملة والله واقعية واقع مر عشتو والله حابكم تعطوني حلول قل الخير او اسكت ربي خليك والله لقيت الحل اني في كشم نهار من صباح نحمل كامل اغرضاي ونروح نخليهم بلا ما نقلهم وين رايح والله ما نرجع ليهم والله كرهت زوجت اخي دير في مشاكل ومشكلة اخرى انو امي هي من تغسل ملابس اخي وما تطيب ما تخدم حتى انها وليدها ميخدملوش وجبت الغذاء والعشاء تخدمهم امي والله حسيتها دايرتها عبيد وحكيت عليهم قتلهم متزيديش قاتلي امي ياك انا نخدم انت خاطي وقتلها اخي قالي وش دخلك واخطيك من نساء والله كرهت مرات نخمم نهز قشها وشومبرتهم واغراضهم ونرميهم في شارع ونروح نهرب منرجعش للدار كرهت اعطوني حل الله يحفضكم

خالد عنابي · 2017-02-12, 18:20

مخي امك لي تغسل الاواني وليس انتي ؟

مخي امك راضية بهذا الشيئ والجميع راض به ؟

وانتي علاه تونضي فالمشاكل مالا ؟ كي يقولولك اغسلي مواعينها لثم صح تهدري

اما الان راكي غير تعملي فالمشاكل والفتنة

المعني بالامر الذي هو امك لم تعترض وانتي عاملة روحك محامية في مكانها

الموقف تاعك ضعيف جدا وماعندك حتى حجة مقتعة

وزيد الكارثة لي قلتي لخوك ديوث ومنعرف كيفماه حكم في روحو وما ضربكش

FATIHA131 · 2017-02-12, 18:44

الله يكون في عونكم اخي
يجي نهار وين يفطنو متعييش روحك ربي يهدي ما خلق

ريان 7 · 2017-02-12, 19:58

زوجة الأخ , هل هي مريضة , مجنونة .....لا ......إذن من واجبها المشاركة في أعمال البيت كلها كأي فرد من أفراد الأسرة ....ولكنها لن تفعل لأنها وجدت من يخدمها وهذا تصرف عادي يقوم به أي شخص عديم الذوق وجد خدما مجانيين من حوله ......لذا اللوم الأكبر لا يقع عليها.

الأخ .........يدافع عن زوجته عديمة الذوق والانتهازية ولا يمانع أداء أمه لكل أعمال البيت مع وجود زوجته التي يمكنها أن تكون خير معين لوالدته بصفتها فرد من أفراد الأسرة ...........إذن هو ليس برجل بالإضافة لكونه أناني وعديم الإحساس ....و هو أساس المشكلة ومن يلقى عليه اللوم لكونه غير حازم مع زوجته .

الأم ......راضية بدورها كخادمة لزوجة ابنها ولا تمانع ذلك ........هذا لا يعد لطفا ولا رأفة لأن اللطف والرأفة تكون بالمساكين والمرضى و غيرهم ممن يعانون لسبب ما.......ومنه هذا يعد محاباة وهدر للصحة .....نفسره لسببين إما لكون الأم طيبة جدا جدا أو لكونها جزء من المجتمع الجزائري الذي يعشق الشيتة والقوادة (لم أجد مرادفات مناسبة بالعربية).......ومنه جزء كبير من اللوم يقع على الأم لأنها لم تكن حازمة كفاية هي الأخرى في توضيح حقوق وواجبات كل فرد في الأسرة مما يؤدي إلى الاختلال المذكور سلفا في المشكلة المعروضة.

من خلال المعطيات المذكورة نجد أن الأم راضية , الأخ راض والزوجة راضية هي الأخرى بهذا الوضع و حضرتك الوحيد الذي يعارض و منه الجزء يخضع للكل ..............يعني اضرب النح ومادخلش روحك خاطر أطراف المشكلة كل معوجين وأشك في صلاحهم مالا خليهم على حالهم وأكيد يجي نهار ويفيقو بالفوضى والخالوطة هاذي ....... هو كي نرجعو للصح نلقاو بلي اللي صاري في داركم نورمال خاطر حنا الجزايريين(اليوم) شياتين وتاع ذل ومهانة نحبو لي يجي يستعمرنا في عقر دارنا و نفرحو بيها بزاف ,يعني لوكان مايركبش واحد علينا نحسو بالنقص .....الله غالب هكا مدايرين.........اقنع خوك كفاش يخرج من الدار ويدي مرتو معاه .......خاطر مرتو مش راح تتغير اذا ماليها مارباوهاش وراجلها ثاني مارباهاش ...لا أمل في صلاحها ....و فهم يماك ترحم روحها وتهتم بصحتها .

المهاجرة لربها · 2017-02-12, 20:03

اقتباس:

المشاركة الأصلية كتبت بواسطة خالد عنابي

مخي امك لي تغسل الاواني وليس انتي ؟

مخي امك راضية بهذا الشيئ والجميع راض به ؟

وانتي علاه تونضي فالمشاكل مالا ؟ كي يقولولك اغسلي مواعينها لثم صح تهدري

اما الان راكي غير تعملي فالمشاكل والفتنة

المعني بالامر الذي هو امك لم تعترض وانتي عاملة روحك محامية في مكانها

الموقف تاعك ضعيف جدا وماعندك حتى حجة مقتعة

وزيد الكارثة لي قلتي لخوك ديوث ومنعرف كيفماه حكم في روحو وما ضربكش

اسفة عن ردي هذا لكن يا اخي لا و لن اشاطرك الراي ابدا فحتى العبودية انقضى زمنها من زماااااااان و حتى السكوت عن الحق شيطان اخرس و حتى الام التي هي من ربت لسنين و كبرت لسنوات و ضحت بحياتها لاولادها و تمنت ان تزوجهم و تفرح بهم حتى يهتموا بها اذا كبروا صاروا يستعبدونها اكثر من ما مرت به حقا انها معاناة قاسية......... احساس و الم صاحب الموضوع احسست به و الله هذه ليست بمشاكل او فتنة كما تقول هذا احساس مفاده نهي عن المنكر و امر بالمعروف فصاحب الموضوع غايته ان ترتاح امه و ان تتقاسم اعمال البيت مع زوجة الابن فالام ايضا هي بشر تتعب و تمرض و تتألم لكن لا تتفوه بكلمة ولا تنقل معاناتها حتى بكلمة حتى لا تخسر ابناءها او يتركوها فردك اخي كان قاسيااااااااااااااااا جداااا لذا من فضلك ان تعدل مشاركتك بعض الشيء فالمقصود من كل هذا معاناة منقولة لاحدهم و طلبه المساعدة و النصح ليس الا
اسفة ان كان بكلامي شيء من الازعاج فانا لم اقصد ذلك فقط اردت تنبيهك

أثيلة · 2017-02-12, 20:13

السلام عليكم و رحمة الله و بركاته
ربي يعينكم اختي و الله عيب و عار على زوجة انها تعامل حماتها هكا صح مرات ممكن تخلي حماتك تخدم مي باش تخدم يوميا و انتي رايحة عندها مثل الذكر فالبيت تاكل و تشربو ترقد والله عيب و عار وين راهي تربية الوالدين الحماة مش باش ماتقبحهاش معناها راكي مليحة معاها لازم تحترميها غصبا عنك و تخدميها كيما يماك
غير نشوف هكا و الله نحتار الحمد لله حنا عروستنا اي زوجة اخي والله لو تنوض و تلقانا طيبنا الغدا او العشا و ماقلنالها تجي تعاوننا تبقى تبكي و تقولنا ماكمش حاسبينني منكم لو صح دايرينني ختكم تقولولي عاونينا

المهاجرة لربها · 2017-02-12, 20:25

السلام عليكم و رحمة الله

احساسك و المك على امك اخي و تعبها قد وصل فهمت حقا حجم المعاناة التي تعاني منها انت و امك لكن يا اخي ليس باليد حيلة اولا انصحك بان تغير طريقة تعاملك مع اخوك فهذا اخ لك من امك و ابيك لا تخسر اخوك ابدا من جراء اعمال زوجته و كذلك لامك كل الحق في الراحة لذا انصحك بان تتفاهم مع اخوك ان يستقل عنكم على الاقل ان يعيش معكم لكن لكل منكم مسؤولياته يستقل هو وزوجته بان يكون له مطبخ و غرفة مستقلة عنكم و انت و امك ايضا لديكما مطبخ لوحدكما و غرف لكما اي تطبخ امك لوحدها و زوجة اخيك لوحدها و كذلك انصحك ان تجلس مع اخيك و تتحدث معه بهدوء و وعي و بكل روح اخوة و ان تفهمه الامر جيدا لعلى زوجته كانت تكذب عليه بشان اعمال البيت و تقل له انها هي من تعمل لا امك اخرج مع اخيك خارج المنزل و استدعه لشرب قهوة و ان تتجاذبا اطراف الحديث عن مسؤولياته حثه عن امك انها تعبت و كبرت و يجب عليها ان ترتاح وعيه و انصحه و ارشده الى ما لا يعلمه لعلى الله يغيره و يهديه و يعلم من خلال حديثك اهمية و قيمة وجود الام في حياتنا

و انت كذلك اخي لا تفكر ابداااااااا في ان تترك البيت فهل فكرت يوما ان امك ستكون حزينة اكثر اذا تركتها وحيدة اكثر من حزنها الان و هي تعمل و تتعب هل فكرت انك ستسبب الالم لامك كثيرا اذا خرجت من المنزل و لم تعد هل فكرت انك ستندم يوما ما اذا تركتها و كانت بحاجتك عندما تمرض لا سمح الله حتى ان تمدها بكأس من الماء و جرعة من الدواء

لا يا اخي تفكيرك خاطئ تمااااما اعلم انك تعاني لكن اصبر اكثر ان الله يحب الصابرين
امك لا تكرهك و لا تفضل زوجة اخيك عليك انا افهمها و الله امك تخاف المشاكل و تخاف ان يتركها ابنها الاخر بسبب زوجته... امك تحاول ارضاء زوجة اخيك حتى تكسب اخوك اكثر ..امك تحبك و تحب ان تعيش هي من دون مشاكل حتى و ان كان الامر في سبيل راحتها و سعادتها فهي تضحي بهما حتى تعش بوجودكم انتم ابناؤها معها
تفهم انت الامر و افهم امك اكثر ساعدها حتى في اعمال البيت ان استطعت و حثها على ان ترتاح هي كذلك حتى و ان رايت ظلما و منكرا لا تحاول ان تزيد امك هموما اخرى حاول ان تخبأ تلك الهموم عنها فقط قم باضحاكها و ان تنسيها تعبها و شقائها

ادعو الله لكم بان يمنحكم العون و الامن و ان يعينكم على مبتلاكم و ان يبعث لكم بالنور و ان ينور لكم حياتكم و يرزقكم سعادة بعدها سعادة
جعل الله امك ذخرا لكم و حفظها لكم و اعانها على ما تقوم به و اسعدها الله اينما كانت
وفقكم الله اخي و جبر بخاطركم و اسركم بسرور و فرح و جمع شمل هذه الاسرة

محمد جديدي التبسي · 2017-02-12, 21:02

ما تقوله غريب أخي كيف زوجة أخوك لا تقوم بشيء اطلاقا؟؟
ربما عندما تكون غائبا عن البيت تعمل وتساعد والدتك؟
ربما تشاجرت مع والدتك في بداية زواجها وطلبت منها والدتك أن تترك عمل البيت لها؟؟
ربما هي لا تجيد الطبخ؟
يعني أمور النساء قد تكون خافية عليك وأستغرب كيف تعرف كل تلك التفاصيل ومتأكد منها؟؟
اذا كان ما ذكرته صحيح فهو من عجائب هذا الزمان وأعجب منه قبول أخوك بهذه الحياة!!!
ربي يصلح الاحوال

ثريا شافي · 2017-02-12, 21:28

لم اتمكن من القراءة المسلسل طويل

hanan7 · 2017-02-12, 21:29

إذا أمك راضيه ومواقفه خلص ارتكي كل شي لحالو وادعي لمرت اخوكي بالهدايا

عثمان الجزائري. · 2017-02-12, 22:34

ليس لديك حل، نتمنى لك زواج عاجل كي تبتعدي عن هذه الفتنة، لست أدري و لكن مثل هذه القصص ولات تلعبي على المورال مالقيت ما نقول، القضية بين أمك و أخوك و ليس لك علاقة فإن كان يبروفيتي في أموا ربحت عليه و لا عجب في هذا الزمن، حاولي التجاهل حتى يفرج ربي يخرج يعيش وحدوا و لا تروحي نتي، إن كان خوك بارد القلب واش راح ديريلوا

.

الرميصاءْ · 2017-02-13, 00:30

وعليكم السلام ورحمة الله وبركاته
مسكينة الوالدة تاعك باينة انسانة طيبة بزاف وتحب ولادها بزاف راها تعامل فيها بهذ المعاملة باه مايخرجوش من الدار فكرة انويخرج ابنها من الدار ويسكن وحدو ماهيش قادرة دخلها لراسها علابيها راها تخدم فيهم وتكون مثل العبيد عندهم واتاكد انها سعيدة هذا هو قلب الام دايما حنين
تاكد انو المشكلة الكبيرةفي خوك يحب مرتو على حساب الوالدة تاعو لدرجة انو رجع ديوث
المهم بعد نت على المشاكل ومادخلش روحك وربي يكون في عونكم

22bilal bilal · 2017-02-13, 02:33

السلام عليكم
اختى نحي مصطلح <سلفي>.
مهوش كل واحد مداير لحية راه سلفي
افهمي ماهي السلفية ومن بعد احكى عنها ولو كنتى تعرفى صح السلفية لما قلتها.
بارك الله فيك

تزيرية · 2017-02-13, 05:59

ممكن كاش ما دارت لأمك و خوك، دير الرقية تدور في الدار و شوف التصرفات تاع يماك و خوك، اذا تقلقوا املا كاين مشكل و ولا باين

تصرفات أمك غريبة، الحقيقة عمري لا شفت أم تفضل كنتها على بنها

أنا كي بديت نقرا مع الاول ظنيت إمك رآها تلعبها ( عدم المؤاخذة) خاطرش شفت وحدة هكدا تدير و بعد العشرة فقت بلي ستوتة تخلي كي يدخلوا اولادها و يشوفوها تخدم، و ما تخلي العروسة تخدم إلا اذا متأكدة الوقت هاداك واحد ما في الدار، و ما تخليهاش تطيب منها ما تحبهاش تغلبها و منها تحب توري روحها
هذي حقيقة ، و أولاد هاد المرا شايفين امهم ملاك بصح يعرفوا خرايبها و مغمضين عليهم، و لوكان ما شفتش مليح واش هاد المرا تدير كنت نكدب و الله العظيم ابليس يمشي، حتى أني شفتها تعمل السحر و الله العظيم بعيني و لا تصلي بعض الصلوات و تكذب بصورة بشعة و تقلب في حوايج عرايسها و كي تهدر معاها نقولك قال الله قال الرسول. صلى الله عليه و سلم.

انت تعرف أمك مليح، اذا كانت مثل هذه المرأة ( تكذب و فيها حسد) فخلي بنت الناس و ما تخسرهاش مع خوك و اذا رباتكم على الصدق و مكارم الأخلاق و الصبر و شفتها لا تحب الانتقام فلربما هي صابرة و إلا مدوخة

أنصحك بالصلاة و الإكثار من الذكر " ففروا إلى الله"

قدور بن عاشور · 2017-02-13, 06:02

أولا صاحب المشكلة ذكر و ليس أنثى.
ثانيا ربما يكون خوك مفشش عند يماه من بكري و زاد جاب لي تتفشش عليها، أو ربما قبيح بزاف تخاف أمه منه.
صراحة لا أرى حلا لهذه المشكلة سوى بتدخل أخيك ربي يهديه، أنا من رأيي روح بهدلو مع الإمام أو أصحابه السلفنجية، لأن ما يفعله أخوك ليس من هدي السلف.