الله المستعان رجاءا الدخول تابع لمتقيميش الرجل

[مشكلتي]

السلام عليكم انا صاحبة موضوع متقيميش الراجل وموضوع هل انا عاقة بامي المهم مشكلتي والله هي اختي الكبيرة تقعد تحرض في امي مثلا قبل امس امي قالت لي خطيبك داك شحان في هديك الي كان خاطبها وبطلت عليه فانا زعفت قالت لها واش الفايدة انك تقوليلي هدا الشي وكنت اتكلم بهدوء ثم انفجرت بالبكاء داخل غرفتي وقلت لخطيبي الله يهدي البعض يقولوا داك شحان ولكن مقلتلوش امي مستحيل نقول امي فهو قال الله يكفيهم بما شاء واليوم امي قلبها يوجع فيها قالت لي حسيت واحد دعا علي اكيد خطيبك قلت لامي والله مقلتلو انك انت فبدات اختي تدعي على خطيبي وامي تبكي واختي الكبرى قالت لي ساتصل بخطيبك ونقولوا تبكي في امها وعاقة والله مسرحة داروها كل مرة هك والله انا اتقي الله في امي واختي هدي اليوم مسافرة قالت لي دعوة المسافر مجابة وسادعي عليكم مع العلم ان اختي كل مرة تقول لي حاسبتني غايرة منك لانك الصغيرة وستتزوجي وهي مزال واحد وعدها بالزواج ولكن حتى الخطبة مخطبهاش منيش حابة نفشي اسرارها لكن الله يهديها واش الحل كل يوم يبكوا فيا ويقنطوا فيا وهو اقول له اهلي ماشاء الله ومتهليين في يحكوا في وجهو مليح وكي يروح يعايروا لمادا الناس اصبحت بوجهين هناك فرق بين حرص الاهل على بناتها وتدمير الاهل لبناتها ارجو طرح مشكلتي عاجلا ولكم الأجر

[ريان 7]

يا هوا يا نتوما .

ضك نتوما ترتبطوا من تجيو تشكيو من أهاليكم من .

ماكان حتى مشكل في حكايتك ’ نتي برك ماعندكش ثقة لا في روحك لا في خطيبك وغير تصرا حاجة تافهة كيما هاذوا لي تحكي عليهم ديري للحكاية يدين ورجلين . شخصيا نعرف واحد يكون واثق من تصرفاتو و قراراتو مايهمو هدرة حتى انسان كائنا من يكون.

وديجا علاه تقوليلو بلي حكاو عليك حتى بدون ذكر شكون حكى ( تصرف غبي و ينم عن سذاجة ) وتزيدي تبرري ليماك بلي ماذكرتيش اسمها (راكي متأكدة بلي راكي ناضجة كفاية و مستعدة للزواج ؟؟؟) خاطر هذوا تصرفات صبيانية ومشي تاع وحدة مقبلة على الزواج بش تفتح دار و تربي ولاد. والأسوء خطيبك ثاني يسمع في هدرة النسا تاع قالي وقتلك !!!!

و طريقة كلامك على ختك ثاني معجبتنيش تاع عندها علاقة بواحد ومازال مامبا ماخطبهاش . ماتنسابش رااهي اختك.

و كتفسير علاه راهم يديروا معاك هك , نظن والله أعلم راجع لعقلية الأسرة الجزائرية تاع تتزوج البنت الكبرى ثم الصغرى وهكذا و أغلب الظن أمك متعاطفة مع ختك لأنها مازال ماجاش مكتوبها وراهي تخفف عليها بالعدوانية على خطيبك وأكيد حاجة كيما هك خطأ .

يعني حاولي تحكي معاهم وتفهمي منهم علاش العدوانية هذي (راكم كل كبار لازم تكون عندكم ثقافة الحوار) اطلبي منهم يمدولك سبب منطقي على رفضهم لخطيبك و إلا يسكتوا.

المجتمع الجزائري هذا هو تاع نسا والقيل والقال حتى في العائلة مع بعضاهم قريب ياكلوا بعضاهم بصح هذا مايعنيش أنك توقفي ضد أهلك في أول مشكل تافه يصرا .

[#قطوفها دانية#]

او نتي تاني غالكه اسمعي حلي ودنيك نقولك موش تحطي سرك للرجل وتروحي تشيتيلو وتخلي مواليك اومبعدا يعايرك ابنتي الا تحسبي فيهاهساهلة وخود الراي لي يبكيك راح نكون قاسية معاك بصح ما تتخلعيش في زواج وزيدي قوليلي اكي غايره مني هههههههههههههه اني مزوجه وعمبالي وش معنتها الاهل وش معنتها الزوج وختك وماماك عيب كبير تبكيهم على جال رجل وناس بكري قالو بربوشه للرجال مصمغة بالدم يعني ماهو خوك ما هو باباك رايحه تلقاي صعوبات معاه والا حطيتي سرك من ليوم راح يجي نهار ويعايرك مالا رضي والديك وكوني ذكيه في تعاملك مع جميع الاطراف

[زبدة ذايبة]

هذي خالوطة كبيرة

وسعي خاطرك وكبير بالك

مهما قالوا يبقاو أهلك

انت حاولي تخففي من اتصالات خطيبك

ولا تقدري متزيديش تهدري عليه قدامهم

ولا راه واجد خير ديروا العرس بكري أحسن ليك وليه

[خالد عنابي2]

النساوين من حبة يديرو قبة

مشكلة تافهة ضخمتوها وراح ترجع عداوة كبيرة

الحل في منتهى البساطة خليهم يهدرو كيما يحبو

[hanan7]

أختي الله يهدي أمك واختك هاد اولاً ثانياً انتي ما راح تقعدي ببيت أهلك طول العمر مصيرك راح تتزوجي خطيبك ..لا تخافي من الدعاء إلا إذا كنتي ظالمه وانتي حسب كلامك ما ظلمتي حدا .. ف اتحميلهم هاي الفتره المتبقيه وعودي نفسك تكوني طبيعيه قدام خطيبك وأهلك .. وحاولي تكسبي رضا أمك .. و لا تسمعي كلام حدا خليكي محترمه خطيبك وأهلك ولا تناقشيهم بشئ وإذا عابولك فيه احكيلهم أنا راضيه بكل عيوبه بس احكيها بهدوء وبقلب بارد ووكلي أمورك لله وكثري من الاستغفار والصلاة على رسول الله

[salamsi]

اكثري الاستغفار

[صُبح الأندلس]

أخواتك يغرن الله غالب
اصبري عليهن فقط