ماذا افعل وماذا ارد

[مشكلتي]

السلالام عليكم ابدا بالمشكلة مباشرة مشكلتي انا الجميعع او الاغلبية يسخرن مني بسبب منظر وجهي يعني انا فتاة في مقتبل العمر 18 سنة مشكلتي وجود حبوب في وجهي ومنظري بشع نوعا ما لكن هذا لم يجعلني افقد ثقتي بنفسي وانا مقتنعة انا الله ههو من خلقني لكن هدرة الناس هلكتني وخصوصا زملائي فالقسم اراهم يسخرون مني ويضحكون علي ماذا افعل حتى البعض اصبح ياتي ويقولي انت حاسبة روجك شابة ولا اعلم ماذا ارد عليهم مع العلم انني مقبولة واذا وضعت بعد المكياج اصبحح اكثرر من جميلة لكن انا صغيرة ولا اود ان اضع هذاا لانه حراام لكن بدات اضعف

[ع.عيسى]

اذا الحبوب لي تعاني منها هو حب الشباب راها تزول مع الوقت ، او ان وجهك حساس للاكل المدسم ، وممكن انك تعالجي بالادوية

[نور لاتراه]

السلام عليكم
تابعي اخصائي ان امكن
لحب الشباب اسباب كثيرة منها ما ذكر اعلاه
والابرز هو العامل النفسي
تاكدي فقط انها فترة وتنتهي هاته الحالة
شفاكِ الله وعافاكِ

[مريم المتفائلة]

ربي يكون معاك اختيي وهدرة الناس تعيي ومادامك حاسة روحك شابة ربي ينورك انن شاء الله ويكفي ثقتك بنفسك

[نسيم الريح ش]

انا كان وجهي خريطة بحب الشباب ومع الوقت راح وكي نتفكر روحي نقعد نضحك ودروك الحمد الله وجهي راه مراية .تهلي في روحك ما تامليش شكولا بزاف حاجات تاع القلي .غسلي وجهك بصابون مارساي ترونسبارو لي يتباع عند الفارماسي .ياختي مرحلة وتفوت الفايدة في قرايتك وصحتك

[الطيب الجزائري34]

ترفعي عن النقاشات التافهة .. لا تخالطي كثيرا خاصة الذين يستهزئون بالناس ... اي تجنبيهم . . و اذهبي الى طبيب مختص في الامراض الجلدية.

[خالد عنابي2]

عادي جدا خليهم يهدرو وركزي على قرايتك ولما تكبرين ويزول حب الشباب وتصبحين ذات مال ومنصب وهم عمال نظافة عدي عليهم الصباح وهما يكنسو وقوليلهم : ما رايكم هل ابدو جميلة ام مازلت بشعة ؟ هههههه

[حيآتي أسمَى]

شوفي dermatologue يوصفلك كاش pommade
وماتاكليش الفرماج وحاجة تاع القلي فريت ,,, خاطرش البشرة نتاعك حساسة

[mounir moon]

سلام عليكم
مشكلتك قسمين
الاول :مظهر بسبب حب الشباب
للتوضيح حب الشباب يظهر عند الجنسين ذكر و انثى في مرحلة البلوغ و اضطراب الهرمونات الجنسية لذلك فهو شيء عادي قد يطول معك حب الشباب نظرا لحالتك النفسية والصحية و طبيعة بشرتك لذلك لا تخافي سيختفي حب الشباب بمجرد تبدل حالتك توالنفسية و استقرار هرموناتك.
اما مشكل ثاني كلام الناس
ما بالهم ايضحكون عن الخالق ام عن المخلوق ثم ما دخلهم في وجهك هل سيتزوجونك ام ماذا وش دخلهم ؟؟؟؟آ؟آ؟آ؟
يجب ان يكون تصرفك معهم بارد بمعنى ان كان صديقاتك يضحكن منك فلا تبدلي لهم التاثر فيضحكون عليك اكثر و اكثر بل دائما ضعيهم بمرتبة صغائر الامور كما انشد الشاعر :
كلب نبح ما عض ما جرح

بالتوفيق في دراستك

[مريم المتفائلة]

ربي يشافيك اختاه

[أم درين]

واش داك فيهم؟؟ ياك نتي باذن الله قريب تنتقلي للجامعة وتتهناي منهم الكل
ها أنتي قلتيها راكي مقبولة كيف كل الناس
هذا غير الشيطان يخلط عليك حابك ماترضايش وتطمعي في الكمال
قالت ماكياج قالت!
اذا ربي نحالك حاجة عوضك بحاجة خلاف لحكمة
وهذا التخمان ديالك راح يردك فلة ولا باربي؟؟؟؟؟
تخمامك ما يغير من حالتك الا للأسوأ يسببلك القلقة ويزيد وجهك يشحب كثر بسبب التوتر
لازمك تعرفي أنو في هاذي الدنيا كاين أمور أهم نوفرولها الطاقة خير من التخمام في هاذي الامور المقدرة
راني حايرة فيك! يعني صح ماعندكش قرايا تخممي عليها وصلاة ودين
لدرجة انك تفرغتي للتخمام في أقوال الناس؟
تذكري انو : "رأيك فيّ لا يدل عليّ ولا يؤثر فيّ"
ولكن نسقسيك: نتي صح حابة وجهك يصفا؟؟
هاني نمدلك وصفة بسيطة ولكن تلزمها مداومة ونتائجها تقدر تبدا تبان من اسبوعين ولكن لازم تواضبي عليها مليح
ايلاكان نتي صح حابة وجهك يصفا تبعيها
.
.
.
الماء
ببساطة شربي الماء بزااااااااااف في اليوم شربي بزااااااف
قد ما تقدري شربي
باذن الله تحصلي على نتائج مليحة من جوانب عدة وتلزمها مداومة
هذا ايلاكان ماكيش تكذبي و نتي صح كتبتي الموضوع من قلبك وحابة وجهك يصفا داومي عليها

[hanan7]

ما في بنت بشعه انتي اكيد بتجننني بس الاهم هو دينك مو رأي الناس فيكي يا أختي الناس على كل شيء بتحكي لا تخلى همك هو مرضاة الناس خلي مرضاة الله هي الأساس

[aminazy]

شوفي ختي هذي مرحلة كامل الناس عانوا من حب الشباب لست انت الوحيدة ....ثانيا راني متاكدة انك جميلة حتى يحطموك يبنوهلك بانوا مرجعك وحش وهوا العكس ..فكرتيني بواحد كان يقرا معايا وجهوا معمر حب لدرجة كبيرة الاانوا مش كامل ماثر فيه العكس كان عايش حياتوا طول وعرض لدرجة ناس كامل غايرة منوا وضرك روحي شوفي وجهوا مرايا نبشة ومكاش عكس الاخريين لي كانوا يضحكوا اصبح وجهم نمش ،بقع بنية ،كنف الخ لذلك نقولك ما تخلطيش في وجهك ،اغسليه بالصابون كل يوم عند النوم ،ماتاكليش بزاف وخاصة في الليل الدسم والشكولا وما تعطي حتى اهمية لاي انسان يهبطلك المعنويات بل عكس هذي اول تجربة تبيني فيها قوة شخصيتك لانوا كين بزاف صوالح رايح تواجهيهم في المستقبل ونتمنا انك تنجحي في الاختبار الحياة الاول ،كما قالت احدى الاخوات كي تكبري تدحكي على روحك ...بالتوفيق

[#قطوفها دانية#]

اشري ايكلاران تنحي حب الشباب واغسلي بصابون الكبريت وهدره نا س خليها في لور

[intel-i7]

انصحك ان لا تفقدي الثقة بنفسك
فإن كنتي ذات شخصية قوية فلن يجرأ احد بالكلام معك
مهما كان مظهرك الذي لم نختره فالله هو الذي خلقنا في احسن تقويم
بالنسبة للحب تستطيعين الذهاب الى الطبيب لاستعمال صابون معين للعناية بالوجه

لاتفقدي الامل ولا تهتمي لما يقوله الناس والا سيكون مصيرك الجنون حتما
اقراي على روحك مليح ولا تهتمي لاحد
بالتوفيق