اريد رايكم. في اقرب وقت ممكن...يا ناس الخير

موحbk · 2009-10-14, 12:53

السلام عليكم اخواني اخواتي ......انا محمد طالب سنة اولى جامعي اداب وقد درست في شعبة العلوم ط في الثانوية ونتيجة لظروف قاسية اعت البكلوريا وكان معدلي 9.66 رغم انني اعشق الرياضيات والمهم في الموضوع انني غيرت الى شعبة ادبية والحمد لله كانت الامتحان بالنسبة لي سهل جدا وتحصلت على معدل 12 ولي رغبة جامحة في اعادة البكلوريا حر خاصة وان هذا العام اخر فرصة لنظام القديم ......انا محتار بين ان اتبع راي الذين نصحوني بدراسة الادب في الجامعة والتحضير للبكلوريا عن طريق تنظيم الوقت ...والاخرين الذين نصحوني بلاهتمام بالدراسة الجامعية فقط لان الجمع بين الدراسة الجامعية والتحضير للبكلوريا في شعبة اخرى يؤدي الى الرسوب في الاجامعة وعدم التحصل على البكلوريا ......مع العلم انني ارغب بشدة في اعادة البكلوريا شعبة العلوم ط فهي رغبتي منذ الصغر .......كيف تنصحونني ....وكيف استطيع تنظيم وقتي بين الدراسة الجامعية والتحضير للبكلوريا شعبة علوم ط التي اتتوق لاجتيازها ...شكرا على الاهتمام .................................اخوكم مووووووووووووووح..............

bougmus · 2009-10-14, 13:58

راني نشوف.. بلي نتا تسكن في قلب العراق ..و تسأل في ناس الجزائر ........أنا امزح
المهم في حاجة كيما هذا ، دير واش تبغي نتا !!! ، لأن نتا اللي رايح تتأثر بالعواقب
و بالنسبة للموافقة بين الدراسة الجامعية و اعادة البكالوريا فهذا شيء بسيط جدا
نعرف واحد ، يدرس البيولوجيا و ما ادراك ما البيولوجيا اصعب شعبة في جامعة تلمسان على الاطلاق ، و لكن عنده هواية و هي اجتياز شهادة البكالوريا ، وفي كل سنة ياخذها ، الىن راه عندك 3 شهادات او اربعة ، مع العلم انه ليس عبقري و انما انسان عادي جدا ، فقط مجتهد بعض الشيء .
اضافة الى انه اذا كان صح هاذي آخر فرصة للبكالوريا ، فتقدرش تتعوض مشي كيما الجامعة ، نعرف ناس بولادهم و عادا يقروا في الجامعة
اضافة الى ان تخصص آداب سهل جدا ، و راح تعرف هذا الوقت .
في النهاية انا اجتزت شهادة البكالوريا العام الماضي ، رغم اني ادرس البيولوجيا ، لكن للاسف مربحتش الباك لأني مجتهدتش ، بصح بلعت العام في الجامعة
و في الأخير نكرر .. دير واش تحب نتا !!!!

لينة71 · 2009-10-14, 14:05

وعليكم السلام ورحمة الله وبركاته
اخي انصحك وعلى حسب رايي ان تدرسهم في اثنين لكن لازم عليك تعرف انك لازم تتعب اكثر من اللازم باه توصل للنيجة مليحة . ما عليك ان تنظم وقتك على الاقل خصص 3ساعات في النهار للبكاوريا و واستغل العطل اكثر مما يلزم . وان شاء الله ما يكون غير الخير ...ربي يوفقك ان شاء الله ويحققلك الحلم انتاعك....آمين ...بالتوفيق للجميع

مراسم · 2009-10-14, 15:17

السلام عليكم ورحمة الله تعالى وبركاته
أنا في رأيي تقراهم في زوج بصح لازم عليك تجتهد بزاف وتفرغ وقتك غار للقراية هكذا باه تتوفق فيهم في زوج وزيد راني نعرف ناس بزاف كانو يقراو في الجاميعة وفي نفس الوقت يعاودو في الباك والحمد لله خرجو عوامهم في الجاميعة وجابو الباك خصوصا كيم عادت الرغبة نتاعك أنك تعاود الباك شعبة علوم طبيعة والحياة بصح لازم تعرف كبفاه تنضم وقتك وأستغل فرصة العطل بزاف هذا رأيي أقراهم في زوج خار ويبقى مجرد رأي والقرار النهائي يعود لك...ربي يوفقك وينورلك دربك ويحققلك أمنياتك يارب......بالتوفيق لك أخي

alpha · 2009-10-14, 18:19

السلام عليكم
انا في راي عاود الباك بدون تردد ادا ماعودتوش غادي تندم طول حياتك .للعلم انه عندك الوقت نعرف نتاع الاداب راقدة و وتمانجي يدو العام بلا قراية او+عددهم بالالاف .

موحbk · 2009-10-15, 10:34

والله غير راني حيران .....خايف من لمعاودة تاع لعام لجميعي ....واش رايكم .

موحbk · 2009-10-15, 10:39

جاوبوني راني رايح ننفجر .حاب نعاود لباك في لشعبة لنحبها وفي نفس لوقت خايف من الفشل في الدراستين الباك والجامعة ................يالله.

مراسم · 2009-10-15, 16:34

اقتباس:

المشاركة الأصلية كتبت بواسطة موحbk

جاوبوني راني رايح ننفجر .حاب نعاود لباك في لشعبة لنحبها وفي نفس لوقت خايف من الفشل في الدراستين الباك والجامعة ................يالله.

السلام عليكم ورحمة الله تعالى وبركاته
متخافش خويا موح خلي إيمانك بربي كبير ولي شايفهالك ربي مرحبا بيها خلي الخوف جانبا وعاود الباك هذا العام وفي نفس الوقت أقر عامك نتاع الجاميعة وبإذن الله ربي رايح يوفقك بصح لازمك تتعب باه تنال وتكون النتيجة إيجابية .......وزيد ماتنساش تصلي صلاة الإستخارة ماكانش قد لي يستشير رب العالمين وربي يكون معاك ........موفق بإذن الله

موحbk · 2009-10-16, 11:14

اه لقد ادخلتي الفرحة في قلبي اختي مراسم .......وقيلة نعاود لباك بعدما نصلي صلاة الاستخارة ..........شكرا مراسم

hala88 · 2009-10-25, 11:30

انا وحدة من الناس نقرب في الجامعة وراخ نعاود الباك علوم هكذاقالولي الناس كي بغيت نعاودو ولعامليفات وندمت كي معودتوش

B.Badis · 2009-10-27, 17:33

السلام عليكم
أخي الكريم موح : من قاللك أنك ماتقدرش توفق بين البكالوريا و الجامعة فهو مخطئ ...أنا على سبيل المثال في 2007 درست في الجامعة و جوزت الباك و نجحت فيهم الإثنين ...لكن هذا العام درست في الجامعة أيضا و جوزت الباك لكن نجحت في الباك و مانجحتش في الجامعة بسبب نقطة فقط حيث تحصلت على 9 في مادة ...لوكان جبت 10 فقط كون نجحت في الجامعة ....لذا فهذا يعود إلى نوع الإختصاص الجامعي ...حيث على ما أظن شعبة جامعية أدبية سهلة و تقدر بإذن الله تنجح فيها على عكس الهندسة المعمارية إختصاصي مثلا حيث فيها عمل كثييير و متعب... لذا ننصحك لكان حاب تعاود الباك عاود لكن ماتبلوكيش العام ...و بما أنك انقطعت على شعبة العلوم ننصحك تدير لي كور في الرياضيات و الفيزياء على الأقل ....و ربي يوفقك أخي ....سلام

B.Badis · 2009-10-27, 17:38

السلام عليكم
أخي الكريم موح : من قاللك أنك ماتقدرش توفق بين البكالوريا و الجامعة فهو مخطئ ...أنا على سبيل المثال في 2007 درست في الجامعة بيولوجيا و جوزت الباك و نجحت فيهم الإثنين ...و تمكنت من الدخول لكلية الهندسة المعمارية و قريب جدا دخلت لكلية الطب ...لكن هذا العام درست في الجامعة أيضا و جوزت الباك لكن نجحت في الباك و مانجحتش في الجامعة بسبب نقطة فقط حيث تحصلت على 9 في مادة ...لوكان جبت 10 فقط كون نجحت في الجامعة ....لذا فهذا يعود إلى نوع الإختصاص الجامعي ...حيث على ما أظن شعبة جامعية أدبية سهلة و تقدر بإذن الله تنجح فيها على عكس الهندسة المعمارية إختصاصي مثلا حيث فيها عمل كثييير و متعب... لذا ننصحك لكان حاب تعاود الباك عاود لكن ماتبلوكيش العام ...و بما أنك انقطعت على شعبة العلوم ننصحك تدير لي كور في الرياضيات و الفيزياء على الأقل ....انا قلتلك قصتي بإختصار باش تقارن روحك بيها و تستفاذ إن شاء الله ....و ربي يوفقك أخي ....سلام