صيدلي

[lilia*98]

السلام عليكم ..
بون حبيت نسقسيكم لي يقراو صيدلة pharmacie
ياك يقراو 5 سنين
بالصح سمعت بلي القانون مايخليكش تفتح صيدلية غير بعد 10 سنين من التخرج
يعني ف10 سنين هادوك واش تقدر تدير
ادا تخدم عند كاش صيدلية ولا راح تحوس على خدمة قريبة من الميدان تاعك
و حبيت نستفسر تاني على واحد العفسة .. تكري الديبلوم تاعك مافهمتهاش قالولي تقدري تكري الديبلوم تاعك لواحد يقدر يخدم بيه ب 10 ملايين للشهر ولا ماعلاباليش
مجرد استفسارات راهي تدور في راسي
و للعلم تحصلت على الباكالوريا ب 13.5 و قالولي عاودي الباك و ديري صيدلة باسكو مليحة بزاف
عاونوني جزاكم الله

[معكرة]

السلام عليكم
اولا مبروك عليك و ربي يوفقك فيما تتمنينه
ثانيا بخصوص الصيدلة بعد حصولك على الشهادة
هنا ما يسنى بالـ Service civile
يعني انت مجبرة باش تخدمي في مؤسسة تاع الدولة على الاقل عامين
و بعدها تحطي ملف طلب رخصة فتح صيدلية في مديرية الصحة الخاصة بمنطقتك
و بعدها تستناي يجي دوررك .
يعني الصيدلية ماشي كل عام تفتح واحدة جديدة ممكن تستناي سنوات و سنوات باش يجي دورك و يعطوك الرخصة
اما بخصوص كراء الدبلوم فما سمعته حقيقة لكـــــــــــــــــــــــــن حذاري
ستصبحين انت المسؤولة عن كل ما سيحدث
بمعنى اي تأخير في دفع الضرائب، بيع ادوية من دون وصفات (اقراص مهلوسة) ستصبحين انت المسؤولة
و انت من سيمثل اما القضاء في هذه الحالة - الله لا يقدر -
و أي استفسار انا في الخدمة
و ربي يوفقك

[محمد الأوراسي]

أجيبك إن شاء الله

الصيدلة شعبة جيدة علميا لانو فيها النظري و التطبيقي و بعد 6 سنوات دراسة تخرج دكتور في الصيدلة
و عندما تتخرج تتوجه مباشرة لمديرية الصحة في الولاية التي تريد فتح صيدليتك و تضع ملف فتح صيدلية و لا يوجد على علمي خدمة مدنية للصيادلة أما عملية الفتح تتم كل بضع سنوات على حسب الزيادة في عدد السكان أي فرضا انك رقم 300في قائمة الانتظار فتقديريا بعد حوالي 3 إلى 5 سنوات تصبح 250 مثلا و هكذا إلى أن يصل دورك و يعطوك ترخيص فتح صيدلية و لازم مبلغ محترم من أجل الفتح.و اذا عندك الإمكانات المادية يمكنك اختصار كل هذا بشراء صيدلية (توجدبعض صيدليات أصحابها يريدون بيعها لأسباب خاصة)و العمل مباشرة بعد التخرج هذا بالنسبة للإناث اما الذكور فبعد تسوية وضعية الخدمة العسكرية.

باختصار اذا عندك الإمكانات المادية فصيدلة شعبتك و تستاهل التعب أما إذا كانت الإمكانات ناقصة انا نشوف انو مدارس الأساتذة أفضل و أضمن إلا في حالة انك تتفوق و تكمل التخصص في الصيدلة أي 10 سنوات دراسة (6+4) لأن المختصين مناصبهم مظمونة و راتبه محترم


أما كراء الدبلوم فهو حل و لكن فيه مخاطرة تصل للسجن
و الله أعلم
بالتوفيق