كسرتي الرخسيس يابسة عاونووونييييييي

Sweets · 2016-08-12, 13:18

كسرتي الرخسيس يابسة حاولت بالطرق الكل دايما تجيني يابسة ما تتكلش واش نديرلها انصحوني راهي جامي صلحتلي

فستقية · 2016-08-12, 14:05

السلام عليكم
الرخسيس ايحب يتبسس مليح مش كيما المقروط لكن شوية
نعطيك طريقتي جربيها وشوفي
كيلو سميد نحطولو نصف كاس زيت
ربع مغرفة صغيرة خميرة الخبز مغرفة كبيرة سكر
مغرفة صغيرة خل ملح حسب ما تحبوه بسيه جيدا واعجنيه بماء وحليب ما تكثريش الماء اذا كثرتي يجي ملوط
لميه بالماء حتى يتلم حليه بالقنوط وطيبيه في طاجين بوحبة نار قاوية تقدري تزيدي سانوج ولا جيجلانية ولا حبة حلاوة

حضنية28 · 2016-08-12, 14:11

أختي الرخساس لازم تبسيها مليح بالزيت
وتضيفلها مغرفة صغيرة خنيرة الخبز
ومغرف كبيرة سكر
والماء لازم يكون دافي

خدو خديجة · 2016-08-12, 18:28

ما تسخيتش الماء بزاف باه تطلعلك الخميرة

أثيلة · 2016-08-12, 18:36

السلام عليكم
اختي الرخسيس ديريلو خميرة مغرقة و نص صغيرة فالقرصة و بالنسبة للسكر راه يندار باش تدي اللون الاحمر برك
و الزيت بسسيها و تاني ماتعجنيهش مليح لانو لو يتعجن مليح يجي يابس كارثة
بالاصافة للحجمع ماترقيهش مليح منين تبسطيه
في امان الله

فردوس الرحمان · 2016-08-12, 22:14

كي تنقصي للنار تاني جيك يابسة ولازم الطاجين تسخينه قبل ما تحطي فيه الوحدة تاع الكسرة

crono · 2016-08-13, 07:37

صباح الخير أختي الرخساس ماتعجنيهش بازف أنا نديرها هك كل سميد رطب 2مص خمير الخبز +سكر+ملح+1خميرة حلوة+كاس الاربع زيت خلطي +الماء حتى تتلم العجينة
تدلكها حاجا قليلة وغليها ترتح ربع الساعة ثم حليها بالحلال وطيبها الطاجين تسخينه قبل

لميس اميرة · 2016-08-13, 09:06

لو تبليها يابسة رح تجيك قاسحة فالطياب

بليها طرية و غطيها بنيلون ما تخليهاش للهوا لانو تقشلف و دير الطبقة الفوقانية يابسة و تجي حرشة

اعجنيها و كي تجي تعمليها قرصات زيديلها مغرف كبيرة سمن او مرغرين او حتى زيت و دخليه شوية و اعملي القرصات يرتاحو شوية و حلي و طيبي على نار قاوية

الصيف ننصحك ما ديريش الماء دافئ ديري من الحنفية او البيدون طول و خليها ترتاح تخمر من السخانة زيدي اعجنيها شوي و ديري القرصات رح تجيك خفيفة و طرية تهبل

Sweets · 2016-08-13, 13:18

شكرا اخواتي على الردود و كي نعجنها ندلكها و لا نعجنها نقطعها و كي نبللها نعجنها و نخليها ترتاح و الا نخليها ترتاح مبعد نعجن و نطيب مباشرة ؟؟ بارك الله فيكم

فردوس الرحمان · 2016-08-13, 14:19

يليها وأعجنيها ماشي بزاف لك الاختيار تحبي تخليها ترتاح وإلا مباشرة قرصيها وطيبيها

لميس اميرة · 2016-08-15, 09:49

بليها و خليها ترتاح غطيها بكيس بلاستيكي و اذا كان الدقيق يشرب بخيها شوي و اعجني دريها قرصات و غطيها الوقت لي الطاجين يسخن هي ترتاح

Tensim · 2016-08-17, 11:43

الرخسيس يحب يخمر هدي هي السر انتعو صحاب عنابة يخليوه يطلع ثم يزيدو يعجنوه شوية و يخلوه للمره الثانية ومبعد يحلو لعجينة و يطيبوه

سميد ريت ملح خميرة و الزرارع بزاف اتجي بنينة بيهم