عيانا ذ الحال كي زاد اتهلك****لابا يسقم و الضن فيه ايخيب
هاذ الدنيا الفانية كي تبدالك****اتغير ميزانها و اصبح عجيب
ياسلاك الحاصلة هاهي دونك****راني هارب ليك ياعلام الغيب
مايخفاش عليك حالي في يدك****سبحان الاله من قصدو لايخيب
تتلاون ساعات و انت مازالك****لسع في المبدا تعطفلك لاريب
أبنيها ع الصح تطياب حياتك****الساس المتين ما ضنيت يريب
ابطاعة الوالدين تسعد أيامك****اتنور و تكون في صف الحبيب
ياولدي اصبر وحافظ عن دينك****المومن مبلي راه يخطي ويصيب
ارضى بالمكتوب واقنع في رزقك****ماتدي شعرة من غير النصيب
ازهد في دنياك كولش يسهلك****وتماهل في مشيتك لاتكون نهيب
و اتودد الخالقك لعلى تسلك****من كثرة لوزار و حر اللهيب
اتهنى و اصفى الدنيا تحلالك****أطيب من لعسل و التمر و لحليب
طلقها و انسى كولش يزهالك****خليها على الله سبحان المجيب
الشدة في الله عندك يغرك****طول الأمل راه الاجل هو لقريب
بلاك الشيطان يلعب في ذهنك****تعطيه الفرصة و يديرك فالجيب
لاتعمى عالحق هاواش اصرالك****هذا نور الله وانت ليه اطليب
اطريق الخيرات راها تظهرلك****داوم عنها يابني لاتبقاش اغريب
لا تعصيش الله ويغرك صغرك****لاتنساش نهار منو الراس ايشيب
يا غافل خليك غير راقب فعلك****يا سعدو من كان انفسو حسيب
يشفيك المليك ديرو في بالك****هو نعم الشافي و نعم الطبيب
غير اهنى ولدي وريح راسك****يفرج مولانا ابجاه طه الحبيب
هاهوبان الحال واتناصف عمرك****أحشم ياعبدي نا فوقك رقيب
التوبة يا خالقي طالب عبدك****سهل يا ربي ما عندكش اصعيب
راه اثقل ذنبي طامع في عفوك****داخل تحت حماك ماضنيت انخيب
تمت بقلمي medcherif03
السلام عليكم
سبحا ن الله كنت اود ان اكتب لك بيتن احثك فيهم علي الجديد
وإدا به الجديد يأتي مسرعا
برك الله فيك
ياربي ياخلقي ترحم عبدك **محمد يرجى في مولاه اطليب
عفيه أنجيه يرجاك أقصدك **واللي يطلب خالقو مافيها عيب
واللي قال أمين مومن وإخافك **ياربي يخاقي عليم الغيب
( تقرير عن مشاركة سيئة )، و الموجودة أسفل كل مشاركة .
2016-08-02, 18:01
التوبة يا خالقي... =بقلمي=
العرض العادي
