|
قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2016-07-26, 20:37 | رقم المشاركة : 1 | ||||
|
واش رأيكم في واش راني نفكر؟
السلام عليكم و رحمة الله تعالى و بركاته
انا راني في كرب كبييييييير من سنوات و كنت من النوع المتفائل و كل مرة نقول العام القادم احسن خصوصا لما يأتي رمضان اكثر من الطاعات و العمل الصالح خالص النية لله و اتفائل و عام بعد عام تنقص العزيمة و لكن نحب نحافظ على التفاؤل لكن السنة هذه كانت سنة سوداء كارثة من جميع الجوانب و لكن لما جاء رمضان سبحان الله جائتني عزيمة قوية من عند الله و بالنسبة لي كان رمضان في الكثير من العمل الصالح الحمد لله *ربي يتقبل* و رمضان كامل و انا متفائلة بالخير و نقول بعد رمضان هذا كل شيء يتغير و تتحل مشكلتي و لما انتهى رمضان مازال ولا شيء و لكن بقيت متفائلة بالخير لا ادري لماذا رمضان كانت نفسيتي عالية و ان كل شيء يتغير بعد رمضان المهم متعودة من سنوات نصوم 6 شوال قلت ممكن بعد 6 شوال تتحل المشكلة صمت ايامي و 6 شوال و لما لحقت نخلص 6 شوال جاوني مع الايام البيض قلت ربي راه يؤجل في الفرج لبعد الايام البيض صمت الايام البيض و فرحانة لما خلصت الصيام في نفس اليوم بعد صلاة العشاء جاني الخبر اللي كنت خايفة منو جاني العكس واش كنت نحلم و الاسبوع هذا حدث واش كنت نصارع حياتي باش ما يصراش انا هنا قلت مانيش قادرة نزيد نكذب على روحي و نقول ان مشكلتي رايحة تتحل قلت لازم نقتنع ان هذه هي حياتي و نتقبل ان مصيري الشقاء و الحزن مش ربي سبحانو ما يقدرش اعوذ بالله لكن وصلت لقناعة ان هذا هو الخير ليا عليها حياتي من صعب لصعب ممكن مانيش من النوع اللي يصلح في الفرح و السعادة ممكن لو نكون فرحانة ننسى ربي و ننسى واجباتي هنا اول مرة نحس قلبي مات خلاااااااااااص ماني حاسة بولا شيء راني نشوف مستقبلي اسود و ماكنش مستقبل قررت ان دعائي يكون ربي صبرني و رضني على واش راه جايني في المستقبل فقط راني من سنواات و انا نصارع مع مشاكلي و لا مرة سمحت لمشاكلي يغلبوني و يطيحوني الارض و دايما مؤمنة انها رايحة تتحل ماحبتش نيئس خلااص و دايما نقرا واش ندير كيفاه ندير الاعمال الصالحة ماحبيتش نفسي تغلبني لكن العام هذا غلبتني خلااااااااااااص مش قادرة حابة نكمل نزيد نصوم الايام البيض من قبل كنت نحب نصومهم لكن نعجز و هذه المرة كما صمتهم حسيت روحي رايحة نقدر نكمل نصومهم ان شاء الله واش رأيكم؟
|
||||
2016-07-26, 22:12 | رقم المشاركة : 2 | |||
|
السلام عليكم اهنئك اولا على عزيمتك وتفائلك انا نقولك زيدي اصبري وزيدي كملي صومي ايام البيض اذا قدرتي كثري من الاستغفار والله تزول كل الهموم صدقيني اختي هذا كل لانك مقلقة على المستقبل خلي كلش على ربي اتشجعي واتفائلي اكثر هذا ماغير اختبار دنيوي ربي يختبر في صبرك وان شاء الله تنحل كامل مشاكلك |
|||
2016-07-27, 06:08 | رقم المشاركة : 3 | |||
|
السلام عليكم أختي العزيزة |
|||
2016-07-27, 09:19 | رقم المشاركة : 4 | |||
|
ربي يفرج ان بعد العسر يسرا الصبر |
|||
2016-07-27, 10:23 | رقم المشاركة : 5 | |||
|
مخطئة في ربطك الطاعة بالفرج |
|||
2016-07-27, 11:45 | رقم المشاركة : 6 | |||
|
فكرتيني بقصتي فيما مضى من السنوات
أنا أيضا مررت بفترة و بظروف و بمشاكل كنت نشوف من خلالها بلي المستقبل لي راهو قادم راح يكون أسود و التجأت أيضا لله بالعبادات و الأعمال الصالحة فقط حتى ينقذني من الشي لي كنت فيه لكن المستقبل لي رسمته أنا مشي هو لي خرج و صراو أحداث ما كنتش متوقعهم و فهمت في الأخير بلي قدرة الله فوق قدرة أي واحد و ما راح يكون غير الشي لي يكتبه ربي و سبحان الله كي تابعي الأحداث تفهمي حكمة الله و أنه ما راحش يضيعك إذا كنتي دايمن متصلة و مؤمنة بيه بصح المعاملة بهاد الطريقة أنك تصلي و تصومي ووو فقط باش يحققلك واش راكي حابة هدا تعامل خاطئ مع الله على كل سأعود لأضيف أكثر و أبشري أختي خيرا إن شاء الله |
|||
2016-07-27, 14:35 | رقم المشاركة : 7 | |||
|
إن الظلام ان اشتد قتامته فاعلم أن نور الصباح قريب ،،،لا يغلبنك الشيطان بوساوسه ،،استمري اختي ولا تضيعي صنيعكي ،،ربي فرج عن اختي وابدلها حزنها فرحا عاجلا غير أجر يا ذا الجلال والإكرام يا رحيم يا رحمن |
|||
2016-07-27, 16:46 | رقم المشاركة : 8 | |||
|
وعليكم السلام ورحمة الله وبركاته لابد يكون عندك ارادة وعزيمه ومجاهده نفسك لفعل الطاعات واجتناب المعصيه لتنالي رضا الله والأجر والمثوبة .. هذي خطوات نسختها من النت : ما هي الخطوات التي يجب أن تبدأ فيها من قررت الالتزام ؟ حتى يكون الالتزام صحيح أولاً :أعيني قلبك على طاعة الله : فاجعلي وجهته لله دائما في كل حركاتك وسكناتك وأقوالك وأفعالك ، فربّ عملٍ صفير تعظمه النية وربّ عمرٍ كبير تحقّره النيّة . جاهدي نفسك عندما تهمّ بفعل بمعصيّة وتذكري ما عند الله من خير ، جاهديها وسيري بها نحو هدفك وإيّاك واليأس ! واجعلي لك نصيب دائم من العبادات لا يقلّ : فالورد اليومي من القرآن ، وركعتي القيام ، وركعتي الضحى ، والمداومة على الأذكار ، والمداومة على البقاء على وضوء ، هذه جميعها طريقٌ لسعادتك ولنعيم مقيم - إن صدقت منك النيّة - . حافظي على الرفقة الصالحلة : تأمرك بالخير ، وتعينك على الطاعات ، وتنهاكِ عن الشرّ . ولا تغفلي عن الدّعاء لنفسك وفي جميع أمورك ، لا تسنغني عن الدعاء في شيء لظنّك أنه مقدور عليه ، فإنّ الدعاء هو العبادة ، وهو برهان حياة قلبك ، وفقكم الله |
|||
2016-07-27, 17:47 | رقم المشاركة : 9 | |||
|
حتى أضيف أختي الكريمة
شي حسن أن الواحد كل ما تكون عنده مشكلة يهرع أولا لله و هداك هو الصح و يطمع في فضل الله و يعرف بلي ربي هو وحده لي بيده الأمور كلها و قادر على كل شي لكن المشكلة لي نطيح فيها أنا و نتي و غيرنا أننا كي تتأزم علينا أو نكونو محتاجين شي من الدنيا نقعدو نصرو على الله باش يحققلنا داك الشي و كيما قلتي كاين شي ناس حتى لو كان ربي كشف عليهم داك الهم و دوك المشاكل راح ينسو الله و يبعدو كأنهم كانو يعبدو في ربي غير علا جال مصالحهم و ديك العبادة ماكانتش خالصة 100% لكن نتي الله يبارك و الله يزيدك من فضله و يثبتك راه عندك إيمان بالله و يقين فقط شوية نقص فهم و تردد و خوف من المستقبل و هدا شي طبيعي أن الانسان يخاف من المجهول و خصوصا كي تكون عنده مشكلة و ما يعرفش كيفاش رايحة تكون النهاية تاعها و أنا ما رانيش نقولك بلي حبسي و ما ديريش كيما هاك بالعكس أنا نقولك لازم تعملي عمل لي تتميزي بيه عند ربي و ليس مجرد عبادة يقدر يديرها أي واحد كمثال ممكن تعرفي قصة الثلاثة لي دخلو في غار و انطبقت عليهم صخرة و غلقت عليهم الغار و قعد كل واحد يدعي ربي بعمل صالح داره و قعدت الصخرة تنفرج بعد كل دعاء حتى انفرجت كلها و خرجو من الغار و نتي كذلك لازم يكون عندك عمل كبير غير بينك و بين الله و كي تدعيه قولي يا ربي إدا شفت أني عملت هاد العمل لوجهك فيا ربي فرج عليا هاد المشكلة و في الأخير ما تنسيش القاعدة لي تقول أنا أريد و أنت تريد و الله يفعل ما يريد و الشي لي يكتبه ربي فيه خير إن شاء الله غير حنا ما ندركوش هاد الأمر تم تم و صلي صلاتك و صومي و تقربي أكثر من الله سبحانه عبادة لله و حتى يرضى عليك و انتي راضية بكل شي يجي من عند ربي و ربي ما راحش يضيعك و هاد الابتلاء ما هو إلا سنة الله في خلقه و ما راحش يتغير حتى الأنبياء و ابتلاهم الله فما بالك نحن لقوله سبحانه : "أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ (2) وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ " و صدقيني أختي إذا أبقيتي على تفاؤلك و يقينك بالله فراح يكون مستقبلك مشرق بإذن الله فدعي عنك هاد الوساوس الشيطانية و النظر للمستقبل بسوداوية و ما تحكميش على نفسك بالشقاء فالغيب لا يعلمه إلا الله و عليه أحسني الظن بالله و لن يصيبك إلا ما كتبه الله لك |
|||
2016-07-27, 20:38 | رقم المشاركة : 10 | |||
|
الخيرة فيما اختار الله اختي............وتيقني ان الله سمع واجاب .........بمافيه خير .............اوبما سالتي لكن اخره لحين اخر |
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc