المي

[مشكلتي]

السلام عليكم و رحمة الله وبركاته
اولا اود منكم اخوتي الدعاء لي بان يلهمني الله الصبر حقيقة انا منهارة بكل ما تحمله الكلمة من معنى كم سهرت من ليالي كم حرمت نفسي من المتعة كم تعبت كم اجتهدت لاصفع بكلمة راسب في البكالوريا احسست حينها ان كل تعبي ذهب ادراج الرياح احس بالم عميق بداخلي كرهت كلمة بكالوريا وكل ما يمسها بصلة
ما زاد الطين بلة اني رايت صديقات لي طيلة العام وهن يلعبن يتجولن يتفرجن وفي الاخير يتحصلن على هذه الشهادة لم اعد قادرة على التفكير في انه سيتكرر نفس الشريط اعلم ان الله بكل شيء خبير وانه يعلم ما لا نعلم لكني تلقيت كلمات كانت كالسم القاتل تصورو انك تبكي لانك لم تستطع رؤية الفرحة في عيني والديك ومن اعتبرتها صديقتي تزيد نيران قلبي كرهت الحياة ونفسي لان وجودي من عدمه هذه اول عثرة في حياتي وطيلة مشواري الدراسي الا انها كانت كفيلة بتحطيمي انا انسانة فاشلة حقا لم استطع ان ابهج قلب والدي ااااااااه كم سئمت ومللت لم اعد اريد التفكير حتى في هذه الشهادة اتمنى منكم الدعاء لي وشكرا مسبقا

[Zaki Dilmi]

البكالوريا ليست نهاية الحياة علابلي سمعتها مليون مرة بصح تامنو بالمكتوب و ربي كي يكتب حاجة مليحة تقولي مكتوبة ليا و كي ييبتليك تزعفي الحمد لله قولي و الله مع الوقت تشوفي بلي خير انا جربت مرارة المعاودة في الجامعة بصح و الله درك حمدت ربي كي عودت العام و بدلت التخصص

مشي الحاجة لي تبدى عيانة تخلاص عيانة و مشي حاجة لي تبدى مليحة تخلاص مليحة
قدر تكون خير ليك
وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ

[الرميصاءْ]

السلام عليكم و رحمة الله وبركاته
الرسوب في الباك ميش نهاية العالم
والعام راه يفوت يجري وتسجلي العام الجي ان شاء وتربحي
هذ العام مالوموش الراسبين لان الامتحان فات عليكم بظروف صعبة
وماتحصروش الحياة بشهادة الباكالوريا كاين بزاففففففففففففف لي كملو قرايتهم ومازال ماهمش يخدمو وكاين ناس بشهادة ابتدائي وعايشين لباس عليهم ورازقهم ربي ومثقفين خير من لي قرا وجاب الباك

[- بصمة خير -]

ربي يصبرك
و يفرحك
و يفتحها في وجهك
ييييييييييييارب

[FELLA BIO]

والله يا حبيبتى ان الامر لايستهل كل هذا الحزن والاسى تذكري فقط أنها دنيا لا تساوي عند خالق الكون جناح باعوضة
وحتى أطمئن قلبك وانا أشعر بعمق بكل ما كتبتي ما تشعرين به أقول اني كنت متفوقة ومثلك لم أعد السنة في حياتي لكن قدر الله أن يمنع عني البكالوريا في عامي الأول وكانت الحرقة شديدة تهز اوصال قلبي وكم حزنت من فكرة إعادة السنة وكم سمعت زغاريد جيران لم يقدروا حزن جارهم،،لكن سبحان الله أعدت السنة وبسرعة البرق مرت ونجحت واخترت فرعا جيدا وكنت من الأوائل و الآن أنا موظفة و على مشارف مناقشة رسالتي للدكتوراه،،، اكلمك من منطلق أختك كبري لأقول أن أيام حياتنا قصيرة الحزن لا يجب أن نوظفه لأمور كهذه لأنك أخيرا ستدركين ان الفرحة والرزق يقسمه رب العباد فكم هناك من لم يوفق في البكالوريا لكنه يحي حياة طيبة في ظل رضا الخالق والعكس كذلك صحيح،،،،لا شئ يستحق حزنك ولا ان تمرضى نفسك من أجله أنت فقط توكيل على ربي الكريم وثقي فيه وفي عطائه ثم اجتهدي ولا تفكري في الرسوب وبإذن الواحد الأحد ستكونين من الناجحين وستبشرينا بنجاحكونبارك فرحك والعام سيمر سريعا ،،،سأنتظر بشارتك في مثل هذا اليوم من العام القادم بإذن المولى الكريم ،،،،ارجوا ان تقراي ردي و ان ينشر الأمر في روحك.....ربي وفق اختي و نجحها مسح زخات الحزن من قلبها

[ياسمين قدسي]

لالا ختي ما تديريش هكا ...معليش علابالي تعبتي وشقيتي ولا زم تحسي ف البداية بهاد الشعور بصح الله غالب الدنيا هادي هكا سعات تصرا حوايج عكس تواقعتنا و الحمد لله ع كل حال لعل فيها خير ولعل ربي مخبيلك ما خير يا اختي
ربي يصبرك و والديك تفرحيهم العام الجاي بربي ...يلا نحي الهم وتوكلي علئ ربي ..دعواتي لك وقلبي معك

[حلم يعانق السماء]

أختي الخيرة فيما اختاره الله
تخيلي ديتي معدل 10 قوليلي أي جامعة راكي رايحة تدخليها ؟ فنون العرض البصري أم ماذا ؟
ممكن العام الجاي تتحصلي على معدل عالي وتكون هذه العثرة فرحة ليك
أختي رددي حسبي الله ونعم الوكيل واستخفري كثيرا فهو يفتح لك أبواب موصدة
واجتهدي العام المقبل ولا تكترثي لصديقتك وأنصحك أن تبتعدي عن الصديقات ....
وأسأل الله أن يوفقكِ العام القادم وتسعدي والديكِ

[حاملة المصحف]

اختي صح ظك تجيك صعيبة لكن خلي ثقتك في الله كبيرة

و خمي في معادلة بسيطة كون جبتيه ب 10 معندك متديري بيه

ديري القلب و النيف و ضاعفي مجهودك المرة الجاية و رانا هنا نعاونوك بلي نقدرو عليها انا عندي 4 باكات في الباك 4 باه حصلت المعدل الي كنت حاباتو و الحمد لله
لا ياس مع الحياة و لا حياة مع الياس ان شاء الله العام الجاي الوقت هذا تفرحينا بمعدل مليح و تديري تخصص يفرحك و تتالقي فيه

[حياتي كلها امل]

السلام عليكم ماراحش نزيد على واش قالو الاخوه بصح انقولك مازلتي على اثر الصدمه بصحب بلعقل تخمي مع روحك وتعاودي الباك ودجيبيه باذن الله .
انا عاودتو زوج مرات وجبتو وفرحت والدي لان امي كانت متوفيا وتاكدي انو والديك ذورك ماراهمش يقولو علاه مفرحتناش لكن راهم يخمو عليك وعلى حزنك

[~الحمامة المطوقة]

ما هي الا مشكلة يا أختي و ستحل بادن الله تعالى ،،استجمعي قواك و انظري الى ما بين يديك و ما تحتاجين ، قومي هذه ليست نهاية العالم فكم من الناس يعاني ، فان سقطت سبع انهضي ثمانية ،،
وتذكري أحبك الله حين ابتلاك فأحسني الظن به ،، وما تدري فعسى أن تكرهوا شيئا و هو خير لكم
بالتوفيق

[خالد عنابي2]

الرسوب شيئ محتمل ومتوقع لان التلميذ وهو تحت الضغط اثناء الاختبار تتقلص قدراته العقلية
لكن هناك ناس اجتازوا البكالوريا لاربع وخمس مرات وباه داوه
هذه هي سنة الحياة لا فرح يدوم ولا نجاح مستمر
وطالما انكي تركضين في مضمار الحياة فلا بد من العثرات
لكن السؤال هل تتحول العثرة الى سقطة مدوية تخرجكي من السباق ام تكون مرتكزا ومنطلقا جديدا

[إيزابيل]

حاجة ما تستاهل تنهاري هكذا لاجلها وماتعرفي وين مكتبلك ربي الخير ووالديك ايامات وينساو كوني ابنة بارة مطيعة ومتعاونة معاهم هكا راح تعوضيهم على حزنهم مارسي هواية لي تحبيها وراح يجوز الوقت بالخف احفظي القران راح تطمئني وزيد بالزيادة لي عندهم الشهادات وش دارو بيهم راهم ادين لا خدمة لا والو وتلقاي اصحاب الهوايات مسلكين راسهم ولاباس عليهم تقدري تتثقفي وحدك وتمارسي الهواية لي تحبيها

[توحيد الجزائرية]

نتعلم من السقوط الكثير
على عكس النجاح،،،العثرة ،والكبوة قاسية ،،ومن قسوتها نتعلم وننهض لنعيد الكرة تلو الكرة
انا فشلت في البكالوريا اول مرة والسبب خوفي والحفظ الكثير ،،كنت اظن انه درع لا يمكن كسره
وثاني مرة تعلمت ونجحت لما فهمت انه مجرد امتحان،،
اجمل مافي الفشل،،سقوط اقنعة من ظنناهم احبة

[thawizat10]

لا تيأسي فالشيء الذي لا يقتلنا يجعلنا أقوى و أقوى
هي فرصة لتدارك الأخطاء السابقة و أكيد ستنجحين في المرة المقبلة بجدارة وإستحقاق
لكن فقط تعقيب على الذين يقولون أصحاب معدل 10
الصح ليس في المعدل ، فأصحاب معدل 10 تفوقوا في الجامعة
في مجالهم و اصبحوا دكاترة و باحثون
العبرة بالإرادة والعمل وليس بالمعدل

[روح المي]

انا في باك اديت 10 وتقدري تتخيلي حالتي لم احس بطعم النجاح وحبيت اهلي يقولوا لي لودرستي لتحصلت على نقطة اعلى
وكانت ايام مثل الكابوس لم اصدق الى اليوم تلك ال10 لكن حمد لله اصبري
وتذكري الخير في ما اختاره الله لك
وقتها تمنيت ان اعيد السنة والثانوية رفضت ووالدي رفضا ذالك لانهما خائفين عني
فقدت فرصة لتحسينه واجبرتني امي على دخول الجامعه بعد ان قالت انها سوف تغضب عني
لكن الحمد لله كانت تلك ال10 سببا لاكتشافي للكثير من الاشياء وعرفت حقيقة الكثير من حولي لم يترك احد فرصتا الا وتهكم عني
لكن فرضت نفسي بعده حمد لله
اصبري ثم اصبري وتذكري عظم الجزاء من جهد البلاء وقد يكون سببا في دخولك الجنة
هكذا كنت اصبر نفسي وان الله اذا احب عبدا ابتلاه